OĞUZ: MÜASİRLİK VƏ FİRAVANLIQ YOLUNDA...

(əvvəli ötən sayımızda)

2012-ci ildə Xaçmaz 1 saylı, Kərimli, Padar kənd tam orta məktəbləri əsaslı şəkildə təmir ediləcəkdir.

Bundan başqa vətəndaşlar tərəfindən rayonda 60-a qədər fərdi tikililərin inşası da aparılır və bunlardan əksəriyyəti başa çatmaq üzrədir.

Şəhərin Şəhidlər Xiyabanının əsaslı təmiri işlərinə başlanılmış və bu iş cari ildə başa çatdırılacaqdır.

Şəhərin cənub hissəsində ictimai-yaşayış binalarının yerləşdiyi ərazidə daxili imkanlar hesabına "Xeyir-şər" evinin tikintisi davam edir, bu obyekt tezliklə əhalinin istifadəsinə veriləcəkdir.

Su! Oğuzun ən qiymətli sərvətlərindən biri...

Oğuz şəhərinin sel sularından qorunması və kiçik su keçidlərinin qoyulması üçün vəsait ayrılmış və layihələndirmə üçün ilkin təklif variantı verilmişdir.

Hesabat dövründə rayonun şəhər və kəndlərinin içməli su ilə təminatı sahəsində xeyli işlər görülmüşdür.

Şəhərin su-kanalizasiya sistemlərinin yenidən qurulması layihəsinin təməli 2010-cu ildə qoyulmuş və 2013-cü ildə başa çatması planlaşdırılır. Hal-hazırda layihədə nəzərdə tutulmuş 1000 kubmetrlik iki ədəd su anbarı, 300 p/m üfüqi suqəbuledici xətti tikilmiş, şəhər daxilində H. Əliyev küçəsində, Heydər Əliyev küçəsi dalan 3-də, M. Müşfiq, Babək, K. Marks, Q. Qarayev, M. Ə. Sabir, Nəsimi, 20 yanvar, S. Xasməmmədov, M. Əzizbəyov və Xəqani küçələrində işlər başa çatmış, digər küçələrdə davam etdirilir.

Çəkilmiş kanalizasiya xəttinin uzunluğu 11200 metr, su xəttinin uzunluğu 7100 metrdir. Layihə əsasında inzibati binanın və iki ədəd 250 kubmetr su anbarının tikintisinə başlanılmışdır.

Hesabat dövründə rayonun kəndlərinin içməli su probleminin həlli sahəsində əsaslı işlərə başlanılmışdır.

Belə ki, 29 km-lik Böyük Söyüdlü - "Balaşum" su kəmərinin əsaslı təmir işlərinə başlanılmış və 25 km magistral su kəməri dəyişdirilmiş, Xaçmaz kəndində 2 ədəd 800 kubluq su anbarı tikilmiş, 6 km magistral, 5 km küçə su kəməri çəkilmişdir. Rayonun Kərimli kəndində 2 ədəd 400 kubluq su anbarının tikintisinə başlanılmış, 3 km magistral su kəməri çəkilmişdir. Bayan kəndində 500 kubluq su anbarının tikintisinə başlanılmış və 500 metr magistral su kəməri çəkilmişdir.

Rayonun Bucaq və Muxas kəndlərinə içməli suyun çəkilişi və daxili şəbəkənin qurulması ilə əlaqədar lazım olan materiallar gətirilmiş və cari ildə işə başlanılması nəzərdə tutulur. Bu işlər rayonun digər kəndlərində də davam etdiriləcəkdir.

Tikinti, quruculuq və abadlıq işlərinin digər istiqamətləri

Hesabat dövründə Azərbaycan Respublikası regionlarının 2009 - 2013-cü illərdə sosial-iqtisadi inkişafı Dövlət Proqramı"ndan irəli gələn vəzifələrə uyğun olaraq Bucaq kəndinin qazlaşdırılması işləri əsasən başa çatdırılmışdır.

Hal-hazırda evlərə qazın verilməsi işləri davam etdirilir. Rayonun Bayan və Padar kəndlərinin qazlaşdırılması üçün layihə -smeta sənədləri hazırlanmışdır. Yaqublu və Yenikənd kəndlərinin yeraltı qaz kəmərlərinin yenidən qurulması başa çatdırılmışdır. Oğuz şəhərində aparılan quruculuq və abadlıq işləri ilə əlaqədar yüksək təzyiqli xətlərdə yerdəyişmə aparılmışdır. Oğuz şəhərində yeni salınmış "Gənclik" yaşayış massivinin qazlaşdırılması işləri tam başa çatdırılmışdır. Kərimli kəndində istismara tam yararsız hala düşmüş 3 km məsafədə yeraltı qaz kəməri yenidən qurulmuşdur.

Oğuz-Qəbələ magistral avtomobil yolunun əsaslı təmiri Oğuz rayonu ərazisində 25 km məsafəni əhatə edir və tikinti işlərinə cari ilin may ayında başlanmışdır. Həmin ərazidə 40 ədəd su keçidinin, 2 ədəd körpünün tikilməsi və 175000(25 km) kv metr yolun ikiqat asfalt betonla üzlənməsi nəzərdə tutulmuşdur. İndiyədək ərazidə iki ədəd körpünün tikintisi, 6 ədəd su keçidi tikilib istifadəyə verilmiş və 98000 kv metr (14 km) yol sahəsi asfalt-betonla üzlənmişdir.

Rayon rəhbərliyi tərəfindən Oğuz - Xaldan avtomobil yolunun Oğuz rayonunda olan 26 km-lik hissəsində əsaslı təmir işlərinə başlanılması ilə əlaqədar Nazirlər Kabineti qarşısında məsələ qaldırılmışdır.

Cari ildə Oğuz rayon İcra Hakimiyyətinin, Tarix-Diyarşünaslıq muzeyinin, Şahmat məktəbinin, şəhər 2 saylı uşaq bağçası körpələr evinin yeni binaları, şəhər stadionu və Oğuz Paylayıcı Elektrik şəbəkəsinin inzibati binasının tikintisinə başlanması nəzərdə tutulmuşdur.

Sahibkarlığın inkişafına qayğı və diqqət

Oğuz rayonunda regionların sosial-iqtisadi inkişafına dair Dövlət Proqramında nəzərdə tutulmuş tədbirlərə uyğun olaraq sahibkarlar üçün imkanlar yaradılması, investisiyaların cəlb olunması sahəsində müəyyən işlər görülmüşdür. Sahibkarlığa özəl sektorun inkişafına, bu sahədə qanunsuz müdaxilələrin qarşısının alınmasına xüsusi diqqət yetirilir.

Respublikada, eləcə də Oğuz rayonunda sahibkarlığa göstərilən qayğı nəticəsində kənd təsərrüfatı məhsulları istehsalı və emalı, südlük və ətlik növ mal-qara yetişdirilməsi sahəsində işlər davam etdirilir. Mal-qara və quşların sayı artırılır, rayonda fərdi sahibkarlar tərəfindən yeni inkubasiya sexi quraşdırılmışdır.

2011-ci ildə İqtisadi İnkişaf Nazirliyinin yanında fəaliyyət göstərən Sahibkarlığa Kömək Milli Fondu tərəfindən rayonumuzun sahibkarlarına 1 milyon 290 min manat məbləğində kreditlər verilmişdir. Belə kreditlərin verilməsi rayonda sahibkarlığın inkişafına güclü təsir göstərir.

Hesabat ilində Kərimli kəndində iş adamı tərəfindən quşçuluq fabriki tikilib istifadəyə verilmişdir.

(ardı gələn sayımızda)

MƏZAHİR ƏHMƏDOĞLU

Ədalət.- 2012.- 4 aprel.- S.7.