Xalq rəssamı vəfat etdi

Azərbaycanın xalq rəssamı Oqtay Şıxəliyev vəfat edib.

Rəssamlar İttifaqından Lent.az-a verilən xəbərə görə, 81 yaşlı xalq rəssamı dünən gecə saatlarında dünyasını dəyişib. Oqtay Şıxəliyev uzun müddət xəstəlikdən əziyyət çəkib. Bu gün rəssamın yaşadığı evdə onunla vida mərasimi olacaq.

Qeyd edək ki, Şıxəliyev Oqtay Yusif oğlu 1931-ci il sentyabr Bakı şəhərində anadan olub. 1939-cu il Bakı 1 saylı orta məktəbə daxil olub. 8-ci sinfi bitirdikdən sonra 1947-ci il Əzim Əzimzadə adına rəssamlıq məktəbində təhsil alıb.

1952-ci ildə rəssamlıq məktəbini fərqlənmə diplomu ilə bitirdikdən sonra O. Şıxəliyev Leninqrada gedib, Muxina adına Ali Rəssamlıq məktəbinə daxil olub. 1960-cı ildə SSRİ Rəssamlar İttifaqının üzvü olub. İndiyədək Azərbaycan Dövlət Rəssamlıq Akademiyasında müəllim, professor kimi fəaliyyət göstərib.

1992-ci ildə isə Azərbaycan Respublikasının xalq rəssamı fəxri adı verilib.

Ədalət.-2012.-1 fevral.-S.8.