REGİONLARDA XÜSUSİ OVQAT- " İDMAN İLİ"

Uğurların təntənəsi

Azərbaycan Respublikasının Prezidenti İlham Əliyev tərəfindən təsdiq olunmuş Regionların sosial-iqtisadi inkişafına dair Dövlət Proqramları 2004-cü ildən başlayaraq ölkə həyatının bütün istiqamətlərdə yüksəlişini təmin etməkdədir. Bu illər ərzində tikilən yüzlərlə sənaye müəssisəiləri, inzibati və məktəb binaları, xəstəxanalar, diaqnostika mərkəzləri, müasir yaşayış evləri,olimpiya idman kompleksləri, müasir yollar, körpülər digər qurğular, eyni zamanda bütün regionlarda aparılan yeniləşmə tədbirləri, yüzminlərlə iş yerlərinin açılması, əhalinin rifah halının yaxşılaşması dövlət siyasətimizin uğurlu strategiyasını müəyyənləşdirir. Bu uğurlu strategiyanı daha gözəl gələcəyimiz üçün proqramlaşdıran Prezident fərman və sərəncamlarının bütün istiqamətlər üzrə icrası fərəhli anlar yaşadır. Dövlət Proqramlarının həyata keçirilməsi ilə yanaşı, son dövrlər qarşılanan illərin hər biri ictimai - siyasi xarakterli özünəməxsusluq qazanır, ölkə vətəndaşlarını əzəmətli tədbirlərin iştirakçısı olmaqla bir araya gətirir.

İllərdən biri " İdman ili"

Cənab Prezident tərəfindən elan edilən " Gənclər ili", " Ekologiya ili", " Turizm ili" qarşıya qoyulan məqsədi stimullaşdıran ən gözəl vətəndaş həmrəyliyini əks etdirdi. 2012-ci il də " İdman ili" kimi tarixə düşəcək. Cənab Prezidentin göstərdiyi kimi ölkədə idmana diqqət və qayğı ilk növbədə gənc nəslin bütövlükdə respublika əhalisinin sağlam həyat tərzinə, mənalı istirahətinə hesablanan strategiyadır. Yəni əsas məqsəd idmanın kütləviliyinə nail olmaqdır." İdman ili " nı mənalı yaşamaq üçün Göyçay rayonunda da geniş imkan və şərait yaradılmışdır. Bu barədə geniş söhbət açacağıq. Əvvəlcə keçmişə, idmanla bağlı yaşanan ənənələrin müəyyən məqamlarına diqqət yetirməyi də vacib sayırıq.

Keçmişi də xatırlayaq...

Göyçay rayonunda idmanın kütləviliyi keçən əsrin 50-ci illərindən diqqət çəkməyə başlayıb. Burada idmanın voleybol, futbol, güləş, boks, atletika növlərinə daha böyük maraq göstərilib. Respublikanın kənd rayonlarında tikilən ilk stadionlardan biri məhz Göyçay şəhərindəki 2000 yerlik idman qurğusu olub. Əllinci illərin sonlarından başlayaraq rayonun idmançıları müxtəlif respublika birinciliklərində daimi iştirakçı olublar. Rayonun kişilərdən ibarət voleybol komandası dəfələrlə belə yarışların mükafaltçıları sırasında yer alıb. Yaşlı adamlar hələ də Böyükağa Hacıyevin, Ənvər Məmmədovun, Kazım Əlimusəvinin, Fikrət Zeynalovun, Rasim Musayev, Vaqif Məmmədovun, Abbas Salahovun gözəl oyunlarını xatırlayırlar. Vaqif Məmmədov 60-cı illərin əvvələrində SSRİ birinciliyində iştirak edən və əsasən 4- 5- ci yerləri tutan Azərbaycan komandasının Vyaçeslav Ağayev, Gennadi Fimuşkin, Viktor Qədəşov... kimi məşhur voleybolçuları ilə birlikdə çıxış edib. Stadion istifadəyə verildikdən sonra Göyçay futbolu İbrahim, İsmayıl, Adil qardaşları, Gennadi Məmmədov, Evgeni Suliko, Faiq Abdullayev, Feyruz İsayev, Yafəs Məmmədov, Akif Məmmədov və başqa neçə- neçə güclü oyunçuları yetşdirib. Bu futbolçulardan bəziləri sonralar Kirovabadın " Dinmo", Sumqayıtın " Polad" komandalarına dəvət olunublar. Boksçular Murad Muradxanov və Robink Hüseynov, güləşçilər Ərşəng Xəyyami, Nazim Qəhrəmanov, Nazim Muradov, Teymur Mirzəyev və başqaları SSRİ birinciliyində yüksək nəticələr qazanıblar. O vaxtlar qızlarınıda idmana marağı və yarışlarda iştirakı diqqət çəkib. Qadınlardan ibarət voleybol komandasının üzvlərindən Mütəllimova bacıları, Həbibə Məmmədova, Vera Çuşkina, yüngül atletika üzrə respublika çempionu Zenfira Abdullayeva, sonralarsa Avropa və dünya birinciliklərində uğurlu nəticələr qazanan şahmatçı Fənarə Babayeva...

Göyçay rayonu o vaxtlar ölkə idmanı üçün tanınmış hakimlər və məşqçilər də yetişdirmişdir. Məşhur futbol hakimi Köçəri Əliyev, 35 ilə yaxın gənclər və böyüklərdən ibarət Azərbaycanın Yunan- Roma güləşi üzrə yığma komandasına rəhbərlik etmiş SSRİ-nin əməkdar məşqiçisi Ehsan Kərimov və başqaları unudulmaz şəxslərdir. Məhz belə məhşurların şəxsi nümunəsi uzun bir dövr üçun Göyçayda idanın kütləviliyini stimullaşdırmış, gənclər boş vaxtarını daha çox stadionlarda, örtülü və açıq müydanlara keçirməyə meylli olmuşlar.

Məqsəd aydınlığı

Müəyyən dövr durğunluqdan sonra keçmişin gözəl ənənələri yeni forma və məzmunda yenidən bərpa olunmuş, gənclərlə aparılan bütün işlər kimi idman da kütləviləşmişdir. Bütün bunlar barədə Göyçay Rayon Gənclər və İdman İdarəsinin rəisi Elşən Şirinov qəzetimizə geniş şəkildə məlumat verir:

- Ölkə Prezidentinin gənclərə böyük qayğı və diqqətinə görə biz də ictimai- siyasi həyatda fəal olmalı, səmərəli fəaliyyət göstərməli, respublikamızın inkişafı və tərəqqisinə layiqli töhfələr verməliyik. Təşkilatımız 30.600 gənci birləşdirir. Bu gənclərdən 2000 nəfərdən çoxu idmanın müxtəlif növləri ilə müntəzəmliklə məşğul olur. Rayonda Olimpia İdman Kompleksi, 2 UGİM, 1 şahmat məktəbi, 1 stadion, 1 üzgüçülük hovuzu, 127 sadə idman qurğusu gənclərin ixtiyarındadır.

Gənclər uşaq gənclər məktəblərinin bölmələrində əsasən idmanını Yunan- Roma, sərbəst güləş, futbol, voleybol növlərinə maraq göstərirlər. Rayonda xeyli sayda gənc eyni zamanda idmanın qeyri- olimpiya növləri ilə də məşğul olur, müxtəlif yarışlarda iştirak edirlər. Keçən il idmançılarımız üçün uğurlu keçmişdir. Yeniyetmə güləşçilərimiz Yunan- Roma güləşi üzrə respublika birinciliyinin komanda nəticəsində 2-ci yerə çıxmışlar. Əməkdar məşqçi Ehsan Kərimovun xatirəsinə həsr edilmiş rayonlararası turnirdə müxtəlif çəki dərəcələri üzrə 8 nəfər birinci, 5 nəfər ikinci, 10 nəfər isə üçüncü nəticə göstərmişlər. Turnir həm sərbəst, həm də yunan- roma güləş növləri üzrə keçirilmişdir. Eyni zamanda il ərzində idmanın müxtəlif növləri üzrə 15 rayon birinciliyi təşkil olunmuş, bu yarışlarda yüzlərlə gənc yüksək yerlər uğurunda mübarizə aparmışlar. Cənab Prezident tərəfindən 2012-ci ilin "İdman ili" elan edilməsi gənclərə göstərilən qayğının daha bir diqqətəlayiq örnəyidir.Bu mənada bizim üzərimizə mühüm vəzifələr düşür. Əsas vəzifə idmanın kütləviliyini daha da artırmaqdır. Buna nail olmaq üçün il boyu ciddi və məsuliyyətli işləmək lazımdır. Biz Prezidentimizin yüksək diqqət və qayğısına cavab olaraq fəaliyyətimizi qarşıya qoyulan tələblər səviyyəsində qurmağa çalışacağıq.

Bu sahədə qazanacağımız uğurlar rayon gənclərinin idmana kütləvi cəlb edilməsindən asılıdır. Biz var qüvvəmizlə çalışıb buna nail olacağıq. Görüləcək bütün işlər, keçiriləcək bütün tədbirlər və yarışlar yeni məzmun, yeni istək daşımaqla daha geniş miqyas alacaq. Yaxşı başa düşürük ki, bütün bunlar gənclərimizin sağlam həyat tərzinə, vətənpərvər ruhda tərbiyəsinə, xoşbəxt gələcəyinə hesablanan strategiyadır. Bu həm də bütövlükdə cəmiyyətin diqqət göstərməli olduğu məsələdir...

MƏZAHİR ƏHMƏDOĞLU

Azərbaycan Respublikasının Prezidenti yanında kütləvi informasiya vasitələrinin inkişafına dövlət dəstəyi fondunun maliyyə yardımı ilə

Ədalət.-2012.-4 fevral.-S.16.