Qazaxıstandan gələn azərbaycanlı müğənni Nargilə

 

Nargilə Mehdiyeva: Bura ona görə gəlmişəm ki, hansı səs imkanlarına malik olduğumu göstərim

 

Nargilə Mehdiyeva Qazaxıstanın Astana şəhərində doğulub. Babaları Qərbi Azərbaycandandır. Orta məktəbi Astanada oxuyub. Qazaxıstan Humanitar Hüquq Universiteti beynəlxalq turizm fakültəsini qırmızı diplomla bitirib. Təhsil aldığı ali məktəbin tələbə idarəetmə cəmiyyətinin rəhbəri olub. Universitetin himnini oxumaq ona həvalə edilib. Artıq ikinci kursda oxuyanda adı universitetin Qızıl kitabına düşüb. Geniş vokal imkanlarına malikdi. Bu sənətə daha dərindən yiyələnmək istəyir. Elə bu məqsədlə Azərbaycana gəlib. Niyə məhz Azərbaycanı seçib? Nargilə Mehdiyevanın ali məqsədi nədi? Bu suallara onun özü cavab verir.

- Turizm sahəsində ixtisaslaşsam da, tələbəliyimdə vokalla məşğul olmuşam. Bitirdiyim universitet Astanada ən yaxşı ali təhsil ocağıdır. Savadımla seçilsəm , oxumaq istəyi məni tərk etmədi. Universitetdə vətənpərvərlik haqqında konsertlər təşkil edirdik. Tədbirlərin birində iştirak edən Qazaxıstanın məşhur skripkaçısı rektora deyib ki, bu qız Hüquq Universitetində oxumamalıdır. Onun yeri Musiqi Akademiyasıdır, vokalla məşğul olmalıdır. Hər kəs məni tərifləyirdi, deyirdilər, hüquq ixtisasını bitirsən incəsənət sahəsində özümü sınayım.

Qazaxıstanda vokal dərslərinə getsəm , orda daha ali səviyyəyə çatmaq imkanları yetərli deyil. Azərbaycan barəsində televiziya vasitəsi ilə çox məlumatlar alırdım. Həm bura mənim vətənim sayılır, babalarım azərbaycanlıdır. Bura gəlməyim mənə hələ yuxu kimi görünür. Yəni indi doğma vətənimdəyəm? Özümü nağıldakı kimi hiss edirəm.

Aldığım məlumatlardan bilirdim ki, Bakı musiqi ocağıdı, Şərqdə ilk opera burda yazılıb. Azərbaycanda mədəniyyətin inkişafı sürətlə davam edir. Bakının İslam mədəniyyəti paytaxtı olduğundan xəbərim var. Daha konkret, Bakıda vokal təhsili verən peşəkar müəllimlər çoxdur. Bilirəm ki, Rəşid Behbudov, Bülbül, Müslüm Moqamayev başqları olub. Hazırda bu məktəbin davamçıları var. İstəyirəm mən vokal səs imkanlarımla bu məktəbin üzvü olum.

- Neçə vaxtdır burdasız hansı işləri görmüsüz?

- Artıq 4 aydır ki, Azərbaycandayıq. İlk növbədə mənə doğma olan Azərbaycan dilini öyrənməyə çalışıram. İnanıram ki, qısa müddətdə buna nail olacam. Bu müddət ərzində vokal müəllimi Qasım Xəlilovdan Belkanto məktəbinin sirrlərini öyrənirəm. Qasım müəllimə Üzeyir Hacıbəyovun tələbəsi olmuş Şövkət xanım dərs deyib. Minnətdaram ki, mənə doğması kimi qayğı göstərir.

Artıq bir klip ərsəyə gətirmişik. Regissoru Sirac Mustafayevdi. Ömür karvanı adlı bu klip Azərbaycanın dilbər guşəsi olan Şamaxıda çəkilib. Klip artıq Lider televiziyasında göstərilir.

-Klipin mövzusu nədi?

- Mövzu vətənin tərənnümüdür. Regissor milli üslubda klip çəkib. Maraqlı idi, mən qədim Azərbaycan geyimində, hətta ata da mindim. Klipin məğzi ondan ibarətdir ki, nəsillər dəyişsə , Vətən əbədidi.

-Niyə məhz ilk klipinizin vətənpərvətrlik ruhunda olmasını istədiz?

- Sizə birr sirr açım. Mən ömrü boyu Azərbaycanda olmasam da, özümü əsl azərbaycanlı hiss etmişəm. Bu ölkənin, bu xalqın tarixindən, mədəniyyətindən az çox xəbərim olub həmişə fəxr etmişəm. Bilirsiniz mənim ulu babam aşıq olub. Aşıq Bəhmən. O, Qərbi Azərbaycanın Basarkeçər bölgəsinin Nərimanlı kəndindəndir. 1901-cü ildə doğulub, 1928-ci ildən aşıqlığa başlayıb. Bütün aşıq şeir formalarında şeir yazıb 70-qədər aşıq ifası var. Arada şeirlərini oxuyuram, hələlik yaxşı başa düşməsəm əzbərləməyə çalışıram.

- Yəqin ki, çəkilişlərdə çətinliklərlə üzləşdiz. Yeni ölkə, tam öyənmədiyiniz dil...

- Çəkilişlər olduqca maqraqlı keçdiyi üçün çətinlikləri hiss etmədim. Hətta nazik milli geyimdə yerdə qar olmağına baxmayaraq üşüdüyümün belə fərqində deyildim. Çəkilişlərdə atlardan istifadə edilirdi. Açığını deyim ki, qorxurdum, amma regissor belə deyək , həm məni, həm atları başa sala bildi. Heç yadımdam çıxmayacaq, bulaq başında, çiynimdə səhəng - əsl milli koloritli bir səhnə... Dil məsələsində isə bir qədər problemlər oldu. qədər ləhçəsiz oxumağa çalışdımsa, deyilənə görə, fərq hiss olunur. Dinləyicilər yəqin ki, məni başa düşər. Öz üzərimdə ciddi işləməyi sevən adamam.Əlbəttə növbəti layihələrdə çalışacağıq ki, dinləyicinin zövqünü tam oxşaya bilim.

- Hansısa növbəti layihəyə başlamısız?

- Əlbəttə, mən dayanmaq istəmirəm. Bura elə ona görə gəlmişəm ki, hansı səs imkanlarına malik olduğumu göstərə bilim. Ona görə daha çox çalışmağı qarşıma məqsəd qoymuşam. Qəribədir ki, Astanadan fərqli olaraq Bakıda həyat çox dinamikdi. Burda əksər sahələrdə ciddi proses gedir, xüsusən musiqi sahəsində. Dörd aydı burdayam, bir çox işlər görmüşəm, klipim var hazırda yeni mahnı üzərində işləyirəm. Geniş açıqlama vermirəm ona görə ki, sürpriz hazırlayıram. Hər kəsə minnətdarlıq edirəm. Məni öz doğmaları kimi qarşıladılar, kömək etdilər, məsələn kilipin yaradıcı heyətinin bütün üzvüləri çəkilişlərdə elə can yandırıdılar belə doğmalıqla ilk dəfə idi rastlaşırdım.

- Onda belə deyək: olduz buralı?

- Mən həmişə özümü buralı hesab etmişəm. Bircə gəlmək qalırdı, ona da nail oldum. Həmişə son sözü tamaşaçı deyir. Mən çalışacam ki, onların etimadını yüksək səviyyədə doğruldum.

-Akademik təhsil almaq fikriniz var?

- Bu barədə düşünmüşəm. Gələn il sənədlərimi Konservatoriyaya vermək istəyirəm. Müğənni savadlı olmalıdı ki, peşəkar səviyyəyə çata bilsin. Mən peşəkar Azərbaycan müğənnisi olmaq istəyirəm. Bir daha hər kəsə təşəkkür edirəm. Əvvəlcə anam Gülnarə xanıma ki, ki, o mənim yanımdadı dəstək olur. Özü deyir ki, sənin gələcək uğurlarına inanıram. Regissor Sirac Musatafayev çox sağolsun ki, ürəyimdən xəbər verən klip yaradıb. Qasım müəllimə xüsusi ilə minnətdarlıq edirəm, o mənim əziyyətimi çox çəkir. Söz verirəm, heç kimin əziyyətini yerdə qoymayacam.

 

 

Sənubər Yusifli

 

Ədalət.-2012.-4 fevral.-S.24.