ÜMUMTƏHSİL
SİSTEMİNDƏ MÜASİRLƏŞMƏ DÖVRÜ
(mövzu
əsasında VIII yazı)
(əvvəli ötən
sayımızda)
2012-ci ilin
mart ayında keçirilən fənn
olimpiadasının yekun turunda
iştirak edən 5 nəfər şagirddən
3 nəfəri mükafata layiq
III və IV yerləri tutmuşlar. Rayon Təhsil
Şöbəsi həyata keçirdiyi bütün tədbirlərdə şagirdlərin
vətənpərvərlik, Heydər Əliyev ideyalarına sədaqət
ruhunda tərbiyə olunmasına xüsusi diqqət yetirmiş
və bu məqsədlə silsilə tədbirlər
hazırlayaraq həyata keçirmişdir.
Heydər Əliyevin həyat və
fəaliyyətinin müxtəlif məqamları ilə
bağlı məktəblərin VII-XI sinif şagirdləri
arasında keçirilən respublika inşa müsabiqəsində
Xınıslı kənd tam orta məktəbinin şagirdi
Günay Cavadova həvəsləndirici, Ümumdünya
Poçt İttifaqının təşkilatçılığı
ilə "Vətən Mübariz əsgər
çağırır!" mövzusunda keçirilən
inşa yazı müsabiqəsində Karrar qəsəbə
tam orta məktəbinin şagirdi Fəridə Piriyeva I yeri,
Mirzə İbrahimovun əsərləri əsasında
keçirilmiş respublika inşa yazı müsabiqəsində
şəhər 3 saylı tam orta məktəbin X sinif
şagirdi Həmidə Talıbova Respublika Təhsil Nazirliyinin
16 yanvar 2012-ci il tarixli əmri ilə I yeri tutduğuna görə
fəxri fərman və xüsusi diplomla təltif
olunmuşlar.
Azərbaycan Respublikası Təhsil
Nazirliyinin "Uşaq və Texniki Yaradıcılıq mərkəzlərinin
dərnək üzvlərinin əl işlərinin Respublika
müsabiqəsində" müxtəlif nominasiyalar üzrə
I yer tutduğuna görə şəhər 2 saylı tam orta
məktəbin IX sinif şagirdi Kəklik Məmmədova, II
yer tutduğuna görə şəhər 4 saylı tam orta məktəbin
VII sinif şagirdi Fidan Hidayətova və III yeri tutduğuna
görə şəhər 6 saylı tam orta məktəbin
VIII sinif şagirdi Ayşən Babayeva xüsusi diplomlara layiq
görülmüşlər.
Keçən il rayonun ümumtəhsil
məktəbinin məzunlarının ali məktəblərə
qəbulunun nəticələri əvvəlki illə
müqayisədə yüksək olmuşdur.
Yeni dərs ilinə hazırlıq mərhələsi
T.Novruzovla söhbətimiz
zamanı o, görülən işlər və qarşıda
duran vəzifələr haqqında ətraflı
danışaraq dedi:
- Danılmaz bir həqiqətdir ki,
"Təhsil Sahəsində İslahat Proqramı"nın
"Təhsil Qanunu"nun müvəffəqiyyətlə
yerinə yetirilməsi, təlim-tərbiyə işi ilə
bağlı qarşıda duran vəzifələrin müsbət
həlli təhsil müəssisələrinin maddi-tədris
bazasının möhkəmləndirilməsindən,
onların müasir avadanlıqlarla təmin olunmasından
çox asılıdır.
Əsası Ulu Öndərimiz Heydər
Əliyev tərəfindən qoyulmuş Azərbaycan təhsilinin
inkişaf konsepsiyası və strategiyası möhtərəm
prezidentimiz cənab İlham Əliyevin uğurlu siyasəti nəticəsində
ölkəmizin sürətli inkişafına öz gözəl
bəhrələrini verir. Məhz buna görədir ki, ölkə
prezidenti cənab İlham Əliyev həyata keçirdiyi
dövlət strategiyasında təhsilə həmişə
böyük önəm verir, yeni məktəb
binalarının tikilib istifadəyə verilməsinə,
onların ən müasir avadanlıqlar və kompüterlərlə
təchiz edilməsinə xüsusi qayğı göstərir.
Təhsilə ayrılan büdcə vəsaitinin ilbəil
artırılması həmin qayğı və diqqətdən
xəbər verir.
Son illər dövlət vəsaiti
və Heydər Əliyev Fondu hesabına 24 yeni məktəb
binalarının və əlavə sinif otaqlarının
tikilib istifadəyə verilməsi təhsil müəssisələrinin
simasını əsaslı surətdə dəyişmiş,
həmin məktəblərdə 7 mindən çox
şagirdin bir növbədə təhsil almasına əlverişli
şərait yaratmışdır. Ümummilli Liderimiz Heydər
Əliyevin anadan olmasının 89-cu ildönümü ərəfəsində
şəhər 1 nömrəli körpələr evi-uşaq
bağçasının binası əsaslı təmir edilərək
müasir avadanlıqlarla təchiz olunmuş, bağça
yaşlı uşaqların istifadəsinə verilmişdir.
Hazırda rayonumuzda dövlət vəsaiti hesabına Z.Əhmədov
adına Şilyan kənd tam orta məktəbin ərazisində
360 şagird yerlik, Sığırlı kəndində 640
şagird yerlik, Sor-sor və Xırdapay kəndlərinin hər
birində 220 şagird yerlik, Qarasaqqal kəndində 180
şagird yerlik yeni məktəb binalarının tikintisi
sürətlə davam etdirilir, yeni dərs ili ərəfəsində
istifadəyə verilməsi nəzərdə tutulmuşdur.
Şəhər 3 saylı körpələr evi-uşaq
bağçasında əsaslı təmir işləri
görülərək yaxın zamanlarda körpə
fidanların istifadəsinə veriləcəkdir. Bütün
bu işlərin ərsəyə gəlməsində rayon icra
hakimiyyətinin başçısı cənab İrşad Əliyevin
yaxından köməkliyi və dəstəyi olmuşdur.
Rayonun təhsil müəssisələrinin maddi-texniki
bazasının möhkəmləndirilməsi, eyni zamanda
onların lazımi inventar və avadanlıqlarla təchizatı
sahəsində bir sıra işlər
görülmüşdür. Belə ki, rayonun 58 ümumtəhsil
məktəbləri 801 ədəd şagird partası, 270 ədəd
müəllim stolu, 10 ədəd paltar şkafı, 20 ədəd
yazı lövhəsi, 24 ədəd kompüter dəsti, 37 ədəd
sənəd şkafı və s. tədris vəsaiti və
texniki avadanlıqlar, 11 məktəbəqədər tərbiyə
müəssisələri isə müxtəlif adda 640 ədəd
mətbəx avadanlıqları, uşaqlar üçün
180 ədəd yatacaq dəsti, uşaqlar üçün 70 ədəd
stol dəsti, 110 ədəd uşaq stulu, müxtəlif
növ uşaq oyuncaqları, otaqların
qızdırılması üçün 10 ədəd
yağ radiatoru, 202 kv.m kovrolit və digər mal-materiallarla təmin
edilmişdir. Ümumtəhsil müəssisələrində
"2008-2012-ci illərdə Azərbaycan Respublikasında təhsil
sisteminin informasiyalaşdırılması üzrə Dövlət
Proqramı"na uyğun olaraq bir sıra işlər
görülmüşdür. Belə ki, Təhsil Şöbəsinin
bu istiqamətdə hazırladığı "Fəaliyyət
Planı"na uyğun olaraq 2005-2012-ci illərdə rayonun 55
ümumtəhsil məktəbinə ümumilikdə 502 ədəd
kompüter dəsti verilmişdir ki, bu da təhsil alan hər
20 nəfər ümumtəhsil məktəbi şagirdinə
bir ədəd kompüter düşməsi deməkdir. Rayon Təhsil
Şöbəsi və rayonun 12 ümumtəhsil müəssisəsi
internet şəbəkəsinə qoşulmuşdur ki, bu da
müəllim və şagirdlərin informasiya
texnologiyalarının nailiyyətlərindən səmərəli
istifadə etməyə imkan yaratmışdır. Pedaqoji
kollektivlərimiz yeni dərs ili ərəfəsində təhsilin
keyfiyyətini yüksəltmək üçün səylərini
daha da artıracaq, böyük rüh yüksəkliyi ilə
uğurlu nəticələr əldə etməyə
çalışacaqdır....
Məzahir ƏHMƏDOĞLU
Azərbaycan Respublikasının
Prezidenti yanında kütləvi informasiya vasitələrinin
inkişafına dövlət dəstəyi fondunun maliyyə
yardımı ilə
Ədalət.-2012.-11 iyul.-S.3.