SABAHA BÖYÜK İNAM

Xocavəndlilər bu inamdan ilhamlanırlar

Bəzən bu boyda şəhərdə özümə yer tapa bilmirəm. Adamlar da mənə yad gəlir, münasibətlər də. Elə təsəvvür edirəm ki, gedib düşmüşəm Afrikaya, Amerikaya. Çünki gördüklərimlə, düşündüklərim, xatırladıqlarım düz gəlmir. Ən azı ona görə ki, torpağının 20 faizi işğal olunmuş məmləkətin paytaxtında nə müharibənin, nə itirilmiş torpaqların, nə də bütövlükdə faciəmizin toplumunu əks etdirən məqamlar çox azdır. Doğrudu, dəfələrlə bu fikir ən yüksək səviyyələrdə səslənib və ağrılarımızı, faciələrimizi əks etdirən faktları, görüntüləri paytaxtın küçə və meydanlarında da, park və bulvarlarında nümayişi arzulanıb. Nə isəg

Mən bütün bunları içimdə götür-qoy edə-edə düşünürəm ki, görəsən Azərbaycan qədər hər şeyi özündə yaşadıb, böyüdüb təqdim edən və yaxud da onun bütünlüklə gününə, zamanına uyğun mərhələyə gətirə bilən ikinci bir məmləkət varmı? Çünki bu məmləkətdə hamıya, hər kəsə, eyni zamanda uyğun olub-olmayan hər şeyə iynə ucu boyda da olsa yer ayrılır, şərait yaradılır. Bu ürək genişliyi, bu səxavət zaman-zaman Azərbaycana qarşı paxıllıq hissindən yol açır, şərait yaradır, problemlər ortaya çıxarır. Bütün bunlara baxmayaraq, Azərbaycan öz yolundan dönmür, öz prinsiplərindən çəkinmir və yolu ilə, prinsipləri ilə inkişafında, tərəqqisində davam edir.

Hər görüş insana yeni bir ümid, yeni bir nəfəs verir və hər görüşdən sonra gördüklərini, şahidi olduqlarını öz-özünə saf-çürük edirsən, nəyin necə olduğunu araşdırmağa çalışırsan. Həqiqətin qiymətini verməyə, onun yanında olmağa səy göstərirsən. Mən də axtardığım, görmək istədiyim o gerçəkliyin həmişə sorağında olmuşam. Bu mənada doğulduğum bölgəyə hər səfərimdən sonra ən azı 5-10 gün xəyallardan ayrıla bilmirəm. Şahidi olduqlarımla qoyub gəldiklərim, bu gün gördüklərimlə dünən yaddaşıma köçürdüklərim qarşı-qarşıya gəlir. Hər ikisi haqlıdı. Biri dünən baxımından - tarix gerçəkliyindən, biri də bugünün reallığından. Elə hər iki gerçəkliyə istinad edib gördüklərimin təqdimatına keçirəm.

Xocavənd rayonu 20 ildən artıqdır ki, işğal alıtndadı və Dağlıq Qarabağda yeganə rayon Xocavənddir ki, onun özünə aid olan qışlaq torpaqları işğaldan azad edilib. Yəni faktiki olaraq Dağlıq Qarabağa aid torpaqların işğalında bu gün həyat qaynayırgtikinti-abadlıq işləri aparılırg insanlar məskunlaşırgtəsərrüfatlar qurulur. Bütün bunlar isə ölkə prezidentinin "Regionların inkişafına dair Dövlət Proqrammı"nın tərkib hissəsi olmaqla yanaşı, həm də ölkə başçısının qaçqın və məcburi köçkünlərin həyat səviyyəsinin yaxşılaşdırılması üçün imzaladığı Sərəncamların, verdiyi tapşırıqların nəticəsidir. Birmənalı olaraq, bu gün salınan yeni qəsəbələr, yaradılan infrastruktur məhz ev-eşiyindən didərgin düşmüş soydaşlarımıza dövlət qayğısıdır. Xocavənd rayonunun timsalında bu qayğını kifayət qədər görmək, müşahidə etmək mümkündür

Təkcə ötən illə müqayisədə bu ilin 6 ayı ərzində Xocavənddə görülən işlərin siyahısını gözdən keçirəndə kifayət qədər irəliləyişlərin olduğu, uğurların qazanıldığı diqqəti çəkir. Əgər ötən illərdə rayonun icra strukturları, idarə və müəssisələri Beyləqan şəhər mərkəzində yerləşirdisə, indi artıq onların hamısı xocavəndlilər üçün salınmış yeni qəsəbədə bir-birindən yaraşıqlı inzibati binalarda yerləşir. Təkcə rayon İcra hakimiyyətinin inzibati binası deyil, o cümlədən rayonun digər dövlət strukturlarının xidməti binaları da müasir texniki avadanlıqlarla təmin edilmiş, onlar da normal iş şəraitinə malik olublar.

Bütün bunlar təkcə tikinti-abadlıq sahəsində görülən işlərin kiçicik hissəsidir. Bütövlükdə isə salınan qəsəbələrdəki küçə və yolların, işıq, su problemlərinin həll edilməsi, eləcə də bu qəsəbələrdə sosial məişət obyektlərinin istifadəyə verilməsi, məktəb, səhiyyə ocaqlarının yaradılması baxımından da uğurlu addımlar atılmaqdadı. İndi Xocavənd rayonunun Haramı adlanan ərazidəki qəsəbələrində hər gün yeniliklə qarşılaşmaq mümkündür. Elə bu günlərdə rayonda olan xarici qonaqların, o cümlədən də millət vəkili Qənirə Paşayevanın dəvəti ilə ölkəmizə gəlmiş Kərkük nümayəndələrinin Xocavəndə səfəri bu bölgənin hər gün diqqət mərkəzində olduğundan xəbər verir. bunun bir neçə səbəbi var. Ən başlıca səbəb isə bu rayonda hər kəsin bir-biri ilə anlaşması, hər kəsin öz işini görməsidir. Digər tərəfdən Azərbaycanın ən məşhur kəşfiyyatçısı, "Azərbaycan bayrağı" ordenli İbad Hüseynov da bu rayondandır. Həmçinin bu rayonun düşmənlə təmas nöqtəsi son dərəcə yaxındır.

Bax, bütün bunların nəticəsidir ki, bu gün Xocavənddə qarşıya qoyulan vəzifələrin yerinə yetirilməsi üçün əzmkarlıqla yanaşı, həmrəylik də öz sözünü deyir. Eyni zamanda, ölkə prezidentin öz xanımı ilə birlikdə bu rayona da səfərlər etməsi xocavəndlilərin sabaha ümidlərinə əlavə təkanlar verib. Burada hər kəs qələbəyə, torpaqlarımızın azad ediləcəyinə inamla yaşayır. Təbii ki, inam da qələbənin yarısından bir az artıqdır.

Əbülfət MƏDƏTOĞLU

Azərbaycan Respublikasının Prezidenti yanında kütləvi informasiya vasitələrinin inkişafına dövlət dəstəyi fondunun maliyyə yardımı ilə

Ədalət.-2012.-15 iyun.-S.21.