ZAQATALA: ZƏLZƏLƏNİN VURDUĞU ZİYANLAR ARADAN QALDIRILIR, DÖVLƏT PROQRAMININ İCRASI UĞURLA DAVAM EDİR

(əvvəli ötən sayımızda)

Əhalinin sosial müdafiəsi əsas vəzifələrdəndir

Ölkəmizin hər yerində olduğu kimi, rayonumuzda da əhalinin sosial müdafiəsinin gücləndirilməsi, ünvanlı sosial yardımların, pensiyaların, əməkhaqlarının vaxtında verilməsi, aztəminatlı ailələrə qayğının artırılması daim diqqət mərkəzində saxlanılmışdır.

Cənab Prezidentin müvafiq Fərmanına uyğun olaraq 01 iyun 2012-ci il tarixdən indiyədək sovet dövrünün əmanətçilərindən 8776 ədəd ərizə qəbul olunmuş, 7837 nəfər əmanətçiyə 4,0 milyon manat məbləğində fərdi birdəfəlik ödəmələr həyata keçirilmişdir.

2012-ci ilin doqquz ayında rayonda orta aylıq əməkhaqqı 232,4 manat, orta aylıq pensiyanın məbləği 136,1 manat olmaqla əməkhaqqının 58,6 faizini təşkil etmiş, əhali tərəfindən banklara yerləşdirilən əmanətlərin həcmi 14,5 faiz artaraq 4,9 milyon manata çatmışdır.

Bu ilin 9 ayında 383 pensiya işi təyin edilmiş, 16930 pensiyaçıya xidmət göstərilmiş, 3,7 milyon manat (əvəlki ilin müvafiq dövründən 313,2 min manat çox) məcburi dövlət sosial sığorta haqları yığılaraq, proqnoz tapşırığa 102,0 faiz əməl olunmuşdur.

9 ayda 4011 nəfərə sosial müavinət, 1522 ailənin 6551 üzvünə (hər ailəyə orta hesabla 109,0 manat olmaqla) ünvanlı sosial yardım verilmiş, 222 nəfər tək-kimsəsiz qocalara xidmət göstərilmiş, ünvanlı sosial yardımların alınması üçün poçtla müraciət formasına başlanılmışdır.

Aqrar sektor yeni inkişaf mərhələsində

Son illərdə aqrar sektorda həyata keçirilmiş məqsədyönlü tədbirlər sayəsində rayonda 2012-ci ilin 9 ayında kənd təsərrüfatı məhsullarının istehsalı 13,2 milyon manat artaraq 77,3 milyon manata çatmışdır. "2008-2015-ci illərdə Azərbaycan Respublikasında əhalinin ərzaq məhsulları ilə etibarlı təminatına dair Dövlət Proqramı"nın icrası ilə bağlı cari ildə kənd təsərrüfatı işləri davam etdirilərək rayonda cəmi 30907.2 (+68.2) ha əkin sahəsində becərmə işləri aparılmış,14458.2 ha sahədə yazlıq bitkilər əkilmişdir. Ondan 5883 ha sahədə qarğıdalı, 127 ha sahədə paxlalılar, 688 ha sahədə (+50 ha) tütün, 258 ha sahədə (+234 ha) dən üçün günəbaxan, 1466.7 ha sahədə (+19.7 ha) kartof, 2053 ha sahədə (+103 ha) tərəvəz, 774.5 ha sahədə (+12.5 ha) bostan bitkiləri və 3183 ha sahədə yonca əkilmişdir.

Kənd təsərrüfatı işlərinin aqrotexniki müddətlərdə və keyfiyyətlə icra edilməsi məqsədi ilə 613 ədəd texnikadan istifadə edilmiş, "Aqrolizinq" ASC-nin rayon filialında olan 44 ədəd müxtəlif kənd təsərrüfatı texnikası vasitəsi ilə cari ilin 9 ayında 1058.5 ha sahədə aqrotexniki işlər yerinə yetirilmiş, lizinq yolu ilə fermerlərə 2 ədəd k/t-ı texnikası və 5 ədəd aqreqat satılmışdır.

Respublika Prezidentinin "Kənd təsərrüfatı məhsullarının istehsalçılarına dövlət dəstəyi haqqında" sərəncamının icrası olaraq buğda istehsalçılarına 7808 ha sahənin becərilməsində istifadə olunan yanacaq və motor yağlarına görə 312309 manat, kənd təsərrüfatı məhsulları istehsalçılarına 24332 ha əkin sahəsinin becərilməsində istifadə olunan yanacaq və motor yağlarına görə 973309 manat subsidiya hesablanaraq verilmişdir. Təsərrüfatlara güzəştli qaydada 641.8 ton azot gübrəsi satılmışdır.

Heyvandarlığın inkişaf etdirilməsi və mal-qaranın cins tərkibinin yaxşılaşdırılması məqsədilə üç damazlıq təsərrüfatı fəaliyyətini davam etdirmiş, cari ilin 9 ayında rayonda 3759 baş ana maldan süni mayalanma yolu ilə 2591 baş bala əldə edilmişdir ki, bu da, ötən ilin eyni dövrü ilə müqayisədə müvafiq olaraq 579 və 411 baş çoxdur.

Cari ilin 9 ayında iri buynuzlu mal-qaranın baş sayı 60858 başa (+11 baş), qoyun-keçilərin baş sayı 166501 başa (+3081 baş ) çatdırılmış, rayonda 6042 ton (+73 ton) diri çəkidə ət, 27528 ton (+815 ton) süd, 12,9 milyon ədəd (+1,3 milyon ədəd) yumurta istehsal edilmişdir.

Ekologiyanın qorunması vacib məsələdir

Rayonda ekoloji məsələlər diqqət mərkəzində saxlanılır. Bu ilin 9 ayında 42 hektar sahədə mədəni meşə əkini aparılmış, yaşayış məntəqələrində 73190 ədəd ağac əkilmişdir. Təəsüf ki, yol kənarlarında əkilmiş ağaclara qulluq lazımi səviyyədə deyildir. Ətraf mühitin mühafizəsi sahəsində aparılan operativ yoxlamalar və monitorinqlər nəticəsində bir sıra qanun pozuntuları aşkar olunaraq, təbiətə vurulmuş ziyana görə 17762 manat məbləğində inzibati cərimə tətbiq edilərək qanunsuzluqların aradan qadırılması üçün tədbirlər görülmüşdür.

Cari ilin 9 ayında rayonda 17 torpaq müsabiqəsi keçirilmiş və qaliblər müəyyənləşdirilərək şəhadətnamələrin verilməsi təmin olunmuş, 15680,5 hektar yay otlaq sahəsi fermerlərin müvəqqəti icarəsinə verilmişdir.

Torpaqların sel sularından mühafizə edilməsi, suvarma şəbəkəsinin təmiri və əhatəsinin genişləndirilməsi, suvarma suyundan səmərəli istifadə edilməsinə diqqət artırılmışdır. "Azərbaycan Meliorasiya və Su Təsərrüfatı" ASC tərəfindən cari ilin 9 ayında 25 ədəd subartezian quyusu təmir edilmiş, 2100 ha əkin sahəsinin suvarılmasına xidmət edən iki pilləli Alazan nasos stansiyasında təmir-bərpa işləri davam etdirilmiş, 227 min m3 həcmində suvarma kanalları lildən təmizlənmiş, 28 ədəd hidrotexniki qurğu təmir edilmiş və əlavə 3 ədəd hidrotexniki qurğu tikilmişdir.

Bundan başqa rayon ərazisində 860.6 min m3 həcmində cay yataqları təmizlənmiş, 6061 m3 həcmində daş-beton bəndləri təmir edilmiş, 560 pm uzunluğunda daş beton bəndin tikintisi aparılmış, 670 m3 həcmində qabion bəndlər quraşdırılmışdır. Rayonda zəlzələnin fəsadlarinin aradan qaldırılması ilə əlaqədar və digər maliyyə mənbələri hesabına 168,3 milyon manat dəyərində tikinti, təmir və abadlıq işləri görülmüşdür.

Abadlıq və tikinti-quruculuq işləri davam edir

Danaçı kəndində inşa edilmiş idman zalında və Zaqatala şəhərində Heydər Əliyev Fondu hesabına inşa edilən 50 yerlik uşaq bağçasında tikinti işləri başa çatdırılmışdır. Yevlax-Balakən dəmiryolunun 151-ci mənzilində Göyəm dayanacağının, Statistika və Baytarlıq idarələrinin inzibati binalarının, daxili imkanlar hesabına F.Əmirov küçəsində inşa edilmiş ictimai "Xeyr-şər" evinin, Qımır və Maqov kəndlərində tibb məntəqələrinin, tikintisi başa çatdırılaraq açılışları olmuşdür. Tala çayının sağ sahilində 100 metr uzunluğunda daş beton bəndin və şəhər 1 saylı tam orta məktəbi üçün idman zalında tikinti işləri yekunlaşdırılmışdır. Sabunçu kənd 80 şagird yerlik ümumi orta məktəb binasında son tamamlama işləri aparılır.

Rayon Hərbi Prokurorluğunun, Polis şöbəsinin və Qaz İstismar Sahəsinin yeni inzibati binalarının, Zaqatala şəhərində yeni 500 nömrə tutumluq elektron ATS binasının, C.Cabbarlı küçəsi 1 və 3 saylı binaların həyətlərində ictimai "Xeyr-şər" evinin, Suvagil və Göyəm kəndində sahə baytarlıq məntəqələrinin tikintisi işləri davam etdirilmişdir.

Yaponiya səfirliyinin maliyyə dəstəyi ilə rayonun Dardoqqaz və Mosul kəndlərində subartezian quyuları qazılmış və istifadəyə verilmişdir. Qeyd olunan layihə çərçivəsində Lahıc və Mazıx kəndlərində daha iki subartezian quyusunun qazılması nəzərdə tutulmuşdur.

(ardı gələn sayımızda)

MƏZAHİR ƏHMƏDOĞLU

Ədalət.-2012.-9 noyabr.-S.4.