GÖRÜLƏN
İŞLƏRİN MİQYASI YENİ UĞURLARA RUHLANDIRIR
(əvvəli
ötən saylarımızda)
Çaylar və suvarma
sistemləri
Katex,
İnter və Mazım çaylarında 470 p/m uzunluğunda
daş-beton bənd tikilmiş, Balakənçay sisteminin
daş-beton bəndlərində isə 490 kubmetr həcmində
cari təmir işləri aparılmışdır. Mazımçayın
Meşəşambul kənd ərazisində 200 metr məsafədə
qabion bənd qurularaq çayın sahili bərkidilmişdir.
Çay yataqlarında 387m/kubmetr həcmində tənzimləmə
tədbirləri həyata keçirilmiş, Arılıqbinə,
Şambul, Meşəşambul, Qazbinə, Qaysa və Xalatala kəndlərinə
məxsus əkin sahələrinin və yaşayış ərazisinin
mühafizəsi üçün 30 km uzunluğunda suvarma və
qurutma kanalları təmizlənmişdir.
Əhalinin mavi qazla təminatı...
Qazlaşdırılma
sahəsində 4527 evə qaz xətti çəkilməklə
rayon üzrə abonent sayı 9836 nəfərə
çatdırılmışdır. 565 abonentin mənzilinə
qaz sayğacı quraşdırılmışdır. Poşbinə,
Mazımqaray, Arılıqbinə, Meşəşambul, Qaysa,
Şərif, Sarıbulaq, Xalatala, Salban yaşayış məntəqələrinə
qaz xətlərinin çəkilməsi davam etdirilmişdir.
Qazlaşma başa çatdırılmış Talalar, Qazma və
Qazbinə kəndlərinə qış mövsümü
başlayanadək qaz qoşulacaqdır.
... Və içməli su problemi həll edilir
Əhalinin içməli su
ilə təminatının
yaxşılaşdırılması sahəsində şəhərin
Qafqaz, Füzuli, Ə.Əfəndiyev küçələrində
ümumilikdə 3500 metr,
Mahamalar kəndində
1000 metr məsafədə
su xətləri dəyişdirilmişdir. Rayonun
Gülüzanbinə, Şərif,
Sarıbulaq, Gərəkli
və Şambul kəndlərində 5 artezian
quyusu qazılmış,
Katex və Tülü kəndlərində
2 artezian quyusunun qazılmasına başlanılmış,
Xalatala, Qullar, Kortala və Yeni Şərif kəndlərində artezian
quyularının qazılması
nəzərdə tutulmuşdur.
Eyni
zamanda istismar olunan və yararsız vəziyyətə
düşmüş 4 subartezian və 2 artezian quyusu təmir
edilərək əhalinin istifadəsinə verilmişdir.
Balakən-Qazma-Darvazbinə
yolunun şəhər ərazisindən keçən hissəsində
3,6 km məsafədə su və kanalizasiya sisteminin
qurulmasına başlanmışdır.
Aztəminatlı ailələrə
dövlət qayğısı
Ötən
dövrdə sosial cəhətdən ən az müdafiə
olunan vətəndaşlara dövlət tərəfindən
verilən ünvanlı sosial yardım proqramının
uğurla icra olunması üçün zəruri tədbirlər
görülmüş, ünvanlı sosial yardımın təyin
olunmasında şəffaflıq və ədalətlilik təmin
olunmuş, şikayətlərin sayı əhəmiyyətli
dərəcədə azalmışdır. İndiyədək
1100 ailəyə ünvanlı sosial yardım ödənilmişdir.
Hər ailəyə ödənilən orta aylıq yardım
110 manat təşkil etmişdir. 3164 nəfərə sosial
müavinət, 261 nəfərə təqaüd ödənilmişdir.
Təhsil, səhiyyə, mədəniyyət...
2012-2013-cü
tədris ilinin başlanğıcında ümumtəhsil məktəblərində
11749 şagird məktəbə cəlb edilmişdir.
Ümumtəhsil
məktəblərinin şagirdlərinin müxtəlif tədbir,
yarış və müsabiqələrdə iştirakı təmin
edilmiş, fənn olimpiadalarının respublika turunda
iştirak edən 15 nəfər şagirddən 2 nəfəri
III yeri, 3 nəfəri isə IV yeri tutmuşdur.
Ölkə
Prezidenti cənab İlham Əliyevin 19 aprel 2012-ci il tarixli Fərmanına
uyğun olaraq IX və XI siniflərdə buraxılış
imtahanları mərkəzləşdirilmiş qaydada
keçirilmişdir. Müvəffəqiyyət faizi IX siniflərdə
76,5 faiz, XI siniflərdə isə 91,8 faiz olmuşdur. 2011-ci ilə
nisbətən IX siniflərdə müvəffəq olanlar 10
faiz azalmış, XI siniflərdə isə 10,8 faiz
artmışdır.
2012-ci
ildə ali məktəblərə qəbul üçün sənəd
vermiş 406 nəfərdən 192 nəfəri tələbə
adını qazanmışdır ki, bu da 2011-ci ilin göstəricisindən
3 nəfər çoxdur. Ali məktəblərə qəbul
zamanı 16 nəfər 500-dən yuxarı, 3 nəfər isə
600-dən yuxarı bal toplamışdır. Məzunlardan 2 nəfəri
təhsildə qazandıqları uğurlara görə
qızıl medala layiq görülmüş, 1 tələbəyə
isə Prezident təqaüdü təyin olunmuşdur. Əhaliyə
tibbi xidmətlərin göstərilməsi sahəsində
rayonun stasionarlarında 2707 xəstə müalicə
almışdır. Ötən ilin müvafiq dövrü ilə
müqayisədə rayonun tibb müəssisələrində
müalicə almağa üstünlük verənlərin
sayı 2 dəfə artmışdır.
Müvafiq
dövr ərzində 949 uşaq və ya 2011-ci ilə nisbətən
167 uşaq çox doğulmuşdur. Əhalinin mədəni
istirahətinin və asudə vaxtının səmərəli
təşkili məqsədilə mədəniyyət müəssisələrində
müxtəlif tədbirlərin təşkilinə xüsusi
diqqət ayrılmışdır.
Heydər
Əliyev Mərkəzində əlamətdar və tarixi
günlər, şair və yazıçıların yubileyləri
, sərgilər təşkil edilmiş, dəyirmi masa,
konfrans, disput, görüş və kitab müzakirələri
keçirilmişdir. Heydər Əliyev mərkəzində «Sənətkarlar
evi» yaradılmış, burada rəsm, foto studiya, rəqs,
toxuculuq, gənc dizaynerlər, kulinariya məktəbi və
başqa dərnəklər fəaliyyətə
başlamışdır.
2012-ci
ilin «İdman ili» elan olunması ilə əlaqədar tərtib
olunmuş «Tədbirlər planı»na uyğun olaraq idmanın
12 növü üzrə 48 rayon birinciliyi
keçirilmişdir. Keçirilən rayon səviyyəli
yarışlarda 4955, 31 respublika səviyyəli yarışda
238 idmançının iştirakı təmin edilmişdir.
Həmin yarışlarda idmançılar 9 dəfə I yeri,
11 dəfə II yeri və 14 dəfə III yeri tutmuşlar.
Gənclərin
hərbi vətənpərvərlik ruhunda tərbiyə edilməsi,
zərərli vərdişlərdən çəkindirilməsi,
istedadlı gənclərlə iş, asudə vaxtın səmərəli
təşkili məqsədilə çox sayda yarış, «dəyirmi
masa» və müxtəlif tədbirlər keçirilmişdir.
Məzahir ƏHMƏDOĞLU
Ədalət.-2012.-29 noyabr.-S.6.