Azərbacan rəssamının uğurları

Rəssam Nəvai Metin Məmmədoğlu həmkarı İlqar Əkbərovla birgə bir qədər öncə Türkiyə Mədəniyyət və Turizm Nazirliyi ilə İzmir şəhər Bələdiyyəsinin dəvətiylə İzmir Dövlət Rəsm və Heykəl muzeyində keçiriləcək möhtəşəm tədbirə- sərgi mərasiminə dəvət olunmuşdular. O zaman dünyanın 30 ölkəsində özəyi olan Uluslararası Aktivist Sanatçılar Birliyinin fəxri üzvü, Dünya Türk Mədəni Əlaqələr Cəmiyyətinin isə üzvü seçildilər. Fevral ayında Aydın şəhərində "Dədəbağ hayırı günləri" çərçivəsində keçirilmiş rəsm festivalına dəvət olunan sənətçilər oktyabr ayının əvvəlində isə Aydın şəhərində (Ege bölcəsi) Karacasu Gelişterme və Egitim Vaktı Başqanı prof. dr. Ali Kupelioğlunun, Karacasu Bələdiyyə Başqanı Mustafa Böyükyapıcının, Uluslararası Aktivist Sanatçılar Birliyinin Başqanı dr. Umit Yaşar İşıkhanın təşkilatçılığı ilə düzənlənən I Afrodisyas Uluslararası Rənglərin Buluşması Sanat Kolonisində (festifalında) iştirak edərək böyük uğur qazandılar. Tədbirə Rusiyadan, İtaliyadan, Ukraynadan, Qazaxıstandan, Gürcüstandan, İrandan, Türkiyənin müxtəlif əyalətlərindən və başqa yerlərdən iyirmi nəfər rəssam dəvət olunmuşdu. İki gün İzmirdə qaldıqdan sonra doqquz gün Ege bölgəsinidə, Aydın şəhərinin Qaracasu qəsəbəsində - Dədəbağ, Ballı pinar yaylalarında, qədim yunan məskəni olan Avrodisiyada, məşhur Pamuk kaledə, Quş adasında, Efesdə və Denizli şəhərinin Buldan qəsəbəsində yaradıcılıq yarışmasında oldular. Böyük nailiyyətlər əldə edən N. M. Məmmədoğlu "Antiqone" Sanat Evinin rəhbəri Savaş Şimitli tərəfindən fərdi sərgisini keçirmək üçün gələn ilin əvvəli üçün Ankaraya dəvət olundu.

Bir neçə gün öncə "Haber Hurriyet" qəzetinin köşə yazarı Hulya Sezginlə Bakıya gələn UASB-nin başqanı dr. Umit Yaşar İşıkhan Nəvaini dünyanın 30 ölkəsində təmsilçisi olan Birliyin Azərbaycan üzrə rəsm komissiyasının başqanı, İlqarı isə başqan yardımçısı seçdi. Qonaqlarla Beynəlxalq Atatürk mərkəzində ziyalıların görüşü keçirildi və həm birliyin, həm də təmsilçiliyin məram və məqsədləri açıqlandı.

Tədbirdən bir gün sonra rəssamlarımız 30 ölkədən dəvət olunmuş 70 rəssamın iştirak edəcəyi "Birinci Uluslararası rənglərin qardaşlığı" adı altında keçirilən sərgiyə qatılmaq üçün İzmirə yola düşdülər.

Ədalət.-2012.-18 oktyabr.-S.7.