DAĞLARA BOY GÖSTƏRİR...

(əvvəli ötən saylarımızda)

Cari ildə ümumtəhsil məktəblərinin XI sinfini 772 nəfər şagird bitirmişdir. Məzunlardan 6 nəfəri xüsusi nümunəli attestat və qızıl medala layiq görülmüşlər ki, bu da respublikanın kənd rayonları içərisində ən yuxarı göstəricilərdən biridir. Tam orta məktəb pilləsini bitirənlərin 338 nəfəri ali məktəblərə keçirilən qəbul imtahanlarında güclərini sınamışlar. Cari tədris ilinin məzunlarından 215, ötən ilin məzunlarından 25 nəfəri tələbə adını qazanmışdır. 5 məzun 600-dən, 25 məzun isə 500-dən yuxarı bal toplayaraq tələbə adını qazanmışdır. Tələbə adını qazananların sayı əvvəlki ilə nisbətən 48 nəfər çox olmuşdur.

Səhiyyə inkişafdadır

2013-cü ilin doqquz ayında rayonun səhiyyə müəssisələrində 2949 xəstəyə stasionar tibb xidməti göstərilmiş, 587 cərrahiyyə əməliyyatı aparılmış, 528 uşaq doğulmuşdur. 8519 xəstəyə təcili yardım şöbəsi tərəfindən təxirəsalınmaz xidmət göstərilmişdir. Əhali arasında peyvəndlər vaxtlı-vaxtında aparılmış, xüsusi təhlükəli infeksiyalar və vaksinlə idarə olunan xəstəliklər qeydə alınmamışdır. Dərman preparatları ilə təchizat yaxşılaşdırılmış, şəkərli diabet xəstələri üçün 390 ədəd qlükometr aparatı paylanmışdır. Onkoloji, qan, qaraciyər və digər xəstələrin sayında ciddi artım olmamışdır. Hesabat dövründə qanvermə aksiyası keçirilmiş, 108 nəfər qan vermişdir.Mədəni-kütləvi tədbirlərin effektliyi2013-cü ilin doqquz ayında Heydər Əliyev Mərkəzində, Tarix-diyarşünaslıq muzeyində, mərkəzi kitabxanada, uşaq incəsənət məktəbində və digər mədəniyyət müəssisələrində ilin əlamətdar və bayram günlərinə, tarixi şəxslərin yubileylərinə həsr olunmuş tədbirlər keçirilmiş, təhsil müəssisələrində Heydər Əliyev mərkəzinin əməkdaşları tərəfindən Ulu öndərin həyat və fəaliyyətinə həsr olunmuş mühazirələr oxunmuşdur. Hesabat dövründə Heydər Əliyev mərkəzində eksponatların sayı 832-ə çatdırılmış, gələn ziyarətçilərin sayı 5104 nəfər olmuşdur.Tarix və diyarşünaslıq muzeyində "Avropa İrs günləri" layihəsi çərçivəsində müxtəlif tədbirlər keçirilmiş, rayonun tarixinin və etnoqrafiyasının öyrənilməsi məqsədilə işçilər kəndlərə ezam olunmuş, tarixi abidələrə ekskursiyalar təşkil olunmuşdur. Muzeyin eksponatlarının sayı 40 ədəd artırılmışdır.Yay mövsümündə əhalinin mədəni istirahətinin və asudə vaxtının səmərəli təşkili məqsədilə Heydər Əliyev adına mədəniyyət və istirahət parkında konsert proqramları təşkil olunmuşdur. Ən müasir standartlara cavab verən və bu gün Mədəniyyət Mərkəzi binası istifadəyə verilmişdir. 6 illik fasilədən sonra Mədəniyyət şöbəsi öz tədbirlərini belə möhtəşəm bir Mərkəzdə keçirmək imkanını qazanmışdır. Bu da mədəniyyət işçilərinin məsuliyyətini artırmalıdır. Şöbənin rəhbərliyi mövcud kadrların ixtisasının artırılması, ixtisaslı kadrların işə cəlb olunması, mədəniyyət müəssisələrinin profilləşməsi istiqamətində ciddi iş aparmalıdır.

Rayon idmançıları mötəbər yarışlarda

Bu il rayonun idmançıları 32 respublika səviyyəli yarışlarda iştirak etmişlər. Həmin yarışlarda idmançılar 16 dəfə I yeri, 7 dəfə II yeri və 12 dəfə III yeri tutmuşlar. Keçən dövr ərzində rayonda 4 respublika səviyyəli yarış keçirilmişdir, Müvafiq dövr ərzində keçirilən respublika səviyyəli yarışlarda 257 idmançı, rayon səviyyəli idman yarışlarında 4156 idmançı iştirak etmiş, 5 nəfər idmançımız respublika yığma komandasının tərkibinə daxil edilmişdir.Gənclərin zərərli vərdişlərdən uzaq olmaları, istedadlı gənclərlə iş və asudə vaxtın səmərəli təşkili məqsədilə çox sayda rayon tədbiri keçirilmiş, bu qəbildən olan respublika səviyyəli yarışlarda gənclərin iştirakı təmin edilmişdir. Gənclər və yeniyetmələr arasında istedadlı və yaradıcı insanların üzə çıxarılması məqsədilə intellektual klub yaradılmış, intellektualların respublika yarışlarında klub komandasının iştirakı təmin edilmişdir. Yunan-roma güləşçisi Rəsul Çunayev respublikanın yığma komandasının tərkibində Türkiyədə keçirilən beynəlxalq turnirdə I yerə, Dünya Kubokunda III yerə çıxmışdır. İyul ayında isə bu idmançı daha bir yüksək nəticə göstərmiş, Rusiya Federasiyasının Kazan şəhərində keçirilən Universiadada yunan-roma güləşi üzrə qızıl medala layiq görülmüşdür.

Məzahir ƏHMƏDOĞLU

Ədalət.-2013.-22 noyabr.-S.7.