O GÖRDÜYÜN MİRAJ DEYİL, QAFQAZ GÖZƏLİDİR...

(əvvəli ötən saylarımızda)

16 saylı Yol İstismarı idarəsi tərəfindən hesabat dövründə respublika əhəmiyyətli yolların saxlanması və təmirinə 180 min manat, yerli əhəmiyyətli yolların saxlanılması və təmirinə 89 min manat olmaqla ümumilikdə 269 min manat məbləğində işlər görülmüşdür.

Suvarma sistemlərinin nümunəvi işi

Rayonda daşqın və selə qarşı mübarizə məqsədilə 375,9 min m3 məcra təmizləmə işləri aparılmışdır. Sahilbərkitmə işlərinin aparılması məqsədilə 2190m3 daş beton bənd əsaslı təmir olunmuş və 685m3 qabyon bənd vurulmuşdur. Mövcud suvarma kanallarında 206,92 min m3 həcmində lildən təmizlənmə işləri aparılmışdır. Güllük və Əmbərçay kəndlərində suvarma şəbəkəsi üçün beton kanalların tikintisi başa çatdırılmışdır. Qaxmuğal beton kanalının tikintisi davam etdirilir. Qaratala, Şotavar, Qarabaldır, Fıstıqlı və Çudulu kəndlərində yeni su artezian quyuları qazılıb istifadəyə verilmişdir. Suvarma kanalları və hidrotexniki qurğular işlək vəziyyətə salınmış, əsas və təsərrüfat daxili suvarma kanallarında 206 min kub. metr həcmində lildən təmizləmə işləri aparılmışdır. Cari ilin keçən dövrü ərzində aparılan aqrotexniki xidmət işləri nəticəsində fındıq bağlarında bol məhsulun əsası qoyulmuşdur. Fındıq bağlarında 60 hektar sahədə təhlükəli ziyanverici olan dəyişikipəksarıyana və 4470 hektar sahədə alaqlara qarşı kimyəvi mübarizə aparılmışdır.

Bitkiçilik diqqət mərkəzindədir

2013-cü ilin məhsulu üçün əkilmiş 12198 hektar payızlıq taxıl, o cümlədən 6972 hektar buğda, 5226 hektar arpa sahələrində biçin başa çatdırılmış, 24508 ton payızlıq dənlilər istehsal olunmuşdur.

Buğda istehsalçılarının maddi marağının artırılması və buğda istehsalının stimullaşdırılması məqsədi ilə dövlət büdcəsinin vəsaiti hesabına 1024 nəfər buğda istehsalçısının 6345 hektar əkdiyi sahəyə görə 253816 manat dövlət büdcəsi vəsaiti hesabına yardımın verilməsi artıq təmin olunmuşdur. Yazlıq bitkilərin əkininə və payızlıqların biçini ilə əlaqədar 2739 nəfər istehsalçıya 599861 manat yardım verilməsi ilə bağlı sənədlər Respublika Komissiyasına təqdim olunmuşdur.

Maldarlıq bu rayonun dədə-baba ənənəsidir

Rayonda aqrar bölmənin əsas sahələrindən olan heyvandarlıq sahəsində də cari ilin birinci yarımili ərzində həyata keçirilən məqsədyönlü tədbirlər öz nəticəsini vermiş, heyvandarlıq məhsulları istehsalının dinamik artımı təmin edilmişdir.

01 iyul 2013-cü il tarixə rayonda 26355 baş iribuynuzlu mal, o cümlədən 12772 baş ana mal, 115588 baş qoyun-keçi mövcud olmuş, ailə-kəndli təsərrüfatlarında hal-hazırda 100 mindən artıq müxtəlif növ ev quşları, 8 mindən yuxarı arı ailəsi saxlanılır.

Rayonda heyvandarlıq məhsulları istehsalının intensiv inkişaf etdirilməsinə zəmin yaradan cins maldarlığın inkişafı və süni mayalandırmanın tətbiqinin daha da genişləndirilməsi istiqamətində aparılan tədbirlər davam etdirilmişdir. Belə ki, ötən dövr ərzində Respublikaya idxal olunan cins düyələrdən 10 baş gətirilərək 50 faiz güzəştlə lizinq yolu ilə 1 nəfər sahibkara satılması təmin olunmuşdur.

Sahibkarlara satılmış cins düyələr baytar nəzarətinə götürülmüş, tələb olunmuş baytarlıq tədbirləri həyata keçirilmişdir. Cins düyələrə normal yemləmə-bəsləmə şəraiti yaradılması ilə bağlı sahibkarlara lazımi tövsiyələr verilir. Rayonda heyvandarlıq məhsulları istehsalının dinamik artımının təmin olunması məqsədilə həyata keçirilən tədbirlər müsbət nəticəsini vermişdir. Belə ki, ötən ilin müvafiq dövrü ilə müqayisədə 6 ay ərzində ət istehsalı 48 ton artaraq 1303 tona, süd istehsalı 430 ton artaraq 7101 tona, yumurta istehsalı 83 min ədəd artaraq 4 milyon 70 min ədədə çatmışdır. Cari ildə 114,3 ton fiziki çəkidə yun istehsal olunmuşdur.

Təhsil və mədəniyyət sahələrində yeniliklər

Rayon Təhsil şöbəsi cari ilin ötən 6 ayında təhsilin inkişaf etdirilməsi, onun keyfiyyətinin yaxşılaşdırılması istiqamətində bir sıra işlər görmüşdür.

Rayonun bütün ümumtəhsil məktəblərində fənn olimpiadaları, rəsm, inşa-yazı müsabiqələri, idman oyunları keçirilmişdir. Respublika Prezidentinin sərəncamı ilə keçirilən "Ən yaxşı ümumtəhsil məktəbi" respublika müsabiqəsində şəhər 2 №-li tam orta məktəb, "Ən yaxşı müəllim" müsabiqəsində isə həmin məktəbin İnformatika müəllimi Nərminə Abdullayeva, Qorağan kənd tam orta məktəbinin müəllimi Alqış Həsrətov iştirak etmiş və qalib olmuşlar. Rayon Mədəniyyət və Turizm şöbəsi tərəfindən 2012-ci ilin 6 ayı ərzində tarixi gün, bayram və yubiley tədbirlərinin həyata keçirilməsi təmin edilmişdir. Şöbə Respublika Mədəniyyət və Turizm Nazirliyi tərəfindən keçirilən respublika səviyyəli tədbirlərdə rayonu layiqincə təmsil etmişlər.

Ulu öndər Heydər Əliyevin 90 illik yubileyi ilə bağlı Azərbaycan Respublikası Mədəniyyət və Turizm Nazirliyinin Mədəniyyətşünaslıq üzrə Elmi-Metodiki Mərkəzin illik iş planına müvafiq olaraq Qax rayon Dövlət Rəsm Qalereyasında "Xalı və xalçaçılıq sənəti" adlı zona sərgisi keçirilmişdir. Ümumrespublika əhəmiyyətli sərgidə 14 bölgədən olan xalçaçıların 60-dan çox xalçası nümayiş olunmuşdur.

Məzahir ƏHMƏDOĞLU

Ədalət.-2013.-17 sentyabr.-S.3.