Saatlı rayonu Prezidentin etimadını doğrultdu

(əvvəli ötən sayımızda)

Rayon sakinlərinin həyətyanı sahələrini əhatə edən 200 kvadrat metr divarlar hörülüb suvaq edilmişdir. Ərazidə salınan Bayraq Meydanı ilə həmsərhəd olan yaşayış evlərinin dam örtüyü dəyişdirilmişdir. Saatlı şəhərinin Gənclər küçəsində yerləşən 2 mərtəbəli yaşayış binasının dam örtüyü dəyişdirilmiş, binanın fasad hissəsi aqlay üzlük plitələrlə yenidən üzlənmiş, köhnə pəncərələr plastik pəncərələrlə əvəzlənmişdir.

Daxili imkanlar hesabına rayonun bir neçə yaşayış məntəqəsində 60 min kvadrat metrə yaxın daxili yollarda qum-çınqıl materiallar tökülməklə cari təmir işləri görülmüşdür. 2013-cü ilin 1-ci yarımilində 132 kilometr yerli əhəmiyyətli avtomobil yolunun 125 kilometr hissəsinin saxlanmasına aidiyyati təşkilatlar tərəfindən 137,3 min manat vəsait sərf edilmişdir.

Azərbaycan Respublikası Prezidentinin 12 may 2011-ci il tarixli Sərəncamı ilə Saatlı rayonunda Olimpiya İdman Kompleksinin və Gənclər Mərkəzinin tikintisinə başlanılması məqsədi ilə Azərbaycan Respublikası Prezidentinin ehtiyat fondundan Saatlı rayon İcra Hakimiyyətinə ilkin olaraq 1 milyon manat vəsait ayrılmışdır.

Simmetriya dəyəri 12,5 milyon manat olan idman kompleksinin "A" blokunda hal-hazırda tikinti işləri davam etdirilir. Kompleksdə 800 nəfər tamaçaşı yeri olan əl oyunları meydançası və inzibati otaqlardan ibarət 2 mərtəbəli əsas korpusu, 200 nəfər tamaçaşı yeri olan üzgüçülük korpusu, 5 ədəd 2 mərtəbəli kotteclərin tikintisi aparılacaq. 4 hektar ərazi abadlaşdırılmaqla yaşıllıq zolağı salınacaq. Bu işlərin avqust-sentyabr aylarında başa çatdırılması nəzərdə tutulmışdır.

Saatlı şəhər mərkəzində İstiqlaliyyət-Bayraq Meydanı yaradılmaqla, sahəsi 1,2 hektardan çox olan meydanda İstiqlaliyyət muzeyinin tikintisi, hündürlüyü 86 metr olan bayraq qülləsinin ucaldılması, ərazinin müasir görkəmə salınması işləri başa çatdırılmışdır. Meydanda aparılan abadlıq və yaşıllıq işləri çərçivəsində 2500 kvadrat metr sahədə üzlük plitələr döşənmiş, 160 metr qala tipli daş hasarlar, 120 tağ şəkilli hasarlar hörülmüşdür. Bayraq Meydanında aparılan bu işlər şəhərə tamam başqa bir görkəm vermişdir.

Kənd təsərrüfatı

rayonun əsas

məşğuliyyətidir

Xeyli əkin sahəsi olan Saatlı rayonunda kənd təsərrüfatının inkişafı üçün geniş imkanlar var. Bu mənada Azərbaycan Respublikası Prezidentinin 23 yanvar 2007-ci tarixli sərəncamı ilə kənd təsərrüfatı məhsulları istehsalçılarına dövlət büdcəsi hesabına maliyyə yardımı verilməsi xüsusi qeyd edilməlidir. Bu ilin əvvəlində 5824 nəfər buğda istehsalçısına 20405,52 hektar əkin sahəsi üçün 816,2 min manat pul yardımı verilmişdir. 10077 nəfər istehsalçıya 47678,37 hektar becərilən əkin sahəsi üçün 1907,1 min manat subsidiya hesablanaraq toplanmış sənədlər Respublika komissiyasına təqdim edilmişdir.

Rayonda fəaliyyət göstərən pambıq zavodları tərəfindən əhaliyə qabaqcadan avans olaraq 367,8 min manat nəğd pul vəsaiti verilmişdir. 2013-cü ilin məhsulu üçün 23902 hektar sahəyə taxıl əkilmişdir. 20 iyul 2013-cü il tarixə kimi 20960 hektar buğda sahəsindən 86232,2 ton məhsul yığılmışdır ki, bu da hər hektardan 41,1 sentner məhsul deməkdir.

2013-cü ilin 6 ayında rayonda diri çəkidə 3546 ton ət, 19330 ton süd və 4599000 min ədəd yumurta istehsal edilmişdir. İndi Saatlıda iribuynuzluların sayı 31585 baş, xırdabuynuzluların sayı isə 101389 baş olmuşdur. Keçən ilin müvafiq dövrü ilə müqayisədə mal-qara 79 baş, qoyun və keçilərin sayı isə 773 baş artmışdır.

Saatlı "Aqroservis" filialı və müvafiq təşkilatlar tərəfindən 2013-cü ilin 6 ayı ərzində 2292 nəfər istehsalçıya 11450,2 hektar becərilən əkin üçün 50 faiz güzəştlə ümumilikdə 1604,9 ton azot gübrəsi satılmışdır.

Saatlı rayonu üzrə 2013-cü ilin birinci yarımilində rayon ərazisində fəaliyyət göstərən pambıq zavodları əhali və fiziki şəxslər daxil olmaqla, 4984 hektar sahə üçün istehsalçılarla pambıq toxumu əkilməsi üçün müqavilə bağlanmışdır.

Burda sahibkarlığa geniş imkan var

Saatlıda ötən illərdə olduğu kimi, bu ilin ilk 6 ayında da sahibkarlığın inkişafına xüsusi fikir verilmişdir. İş adamları və sahibkarların iqtisadi fəaliyyət proqramına cəlb olunması öz bəhrəsini vermişdir.

Hazırda rayonda 612 hüquqi, 3479 fiziki şəxs kiçik və orta sahibkarlıqla məşğul olurlar. 2013-cü ilin 6 ayında 265 yeni iş yerinin açılması da buna sübutdur.

Məhsul istehsalının həcminin yüksəlməsi, əməkhaqlarının, pensiya və müavinətlərin artırılması, yeni iş yerlərinin yaradılması əhalinin pul gəlirlərinə müsbət təsir etmişdir. 2013-cü ilin 6 ayında əvvəlki eyni dövrlə müqayisədə əhalinin pul gəlirləri 5,6 faiz artaraq 114 milyon 278 min manat olmuşdur.

Sahibkarların dövlət tərəfindən dəstəklənməsi, fəaliyyətlərinə hüquqi və təşkilati yardımların göstərilməsi, kreditlərlə köməklik edilməsi önə çəkilmişdir.

Bundan əlavə sahibkarlığı inkişaf etdirmək, iş adamlarının fəaliyyəti üçün daha normal və hərtərəfli şərait yaratmaq məqsədi ilə hüquqi və fiziki şəxslərin müraciətləri əsasında onların mülkiyyətində, istifadə və icarəsində olan torpaq sahələrində ticarət, iaşə, bostan və tərəvəz məhsullarının saxlanılması üçün anbarlar, aptek və digər obyektlərin tikintisinə icazə verilmişdir.

Səxavət Məmmədli

Ədalət.-2013.-21 sentyabr.-S.4.