BU YAŞDA

Hələ yaşanmamış illər varımış,

Tuta bilmədiyim əllər varımış.

Sən demə ətirsiz güllər varımış,

Haray bildiklərim səsdi, bu yaşda.

Ovcumu yandırdı götürdüklərim,

Özgə həyətiymiş bitirdiklərim.

Elə mənimkiymiş itirdiklərim,

Təzədən ha qazan, nəsdi, bu yaşda.

Nahaqmış yatanı oatmağım da,

Kökdən qaçmağımmış boy atmağım da.

Nə vaxtsa keçmişə qayıtmağım da,

Ömrümə, günümə qəsddi, bu yaşda.

Heyif keçənlərə, o olanlara,

Ölü xəyallarda sağ qalanlara.

Vahid Əlifoğlu ağ yalanlara,

Inandın bu qədər, bəsdi, bu yaşdag

***

İlahi, əkdiyin bəsdi,

Gözümü tökdüyün bəsdi.

Göylərə çəkdiyin bəsdi,

Bir az yerə endi məni.

Sarımısan, bələmisən,

Ələk tutub ələmisəng

Bildiyini eləmisən,

Neyləyirsən indi məni?..

Asırlar, eşim dilimi,

Qıyıq ver, deşim dilimi.

Yeyəcək dişim dilimi,

İnsaf elə, dindi məni.

...Quru səhra ölüm, itim,

Su yoxdursa necə bitim?

Dedim göndər, minim, gedim

Gəldi, bu at mindi mənig

***

At neynəsin, baxta çıxıb,

Cilov umub, noxta çıxıb.

Dünya, karın taxta çıxıb.

Koruna and içmək üçün.

Toxuyursan, tək toxuma,

Ilməsini çək, toxuma.

Qayıt, hörümçək toxuma,

Toruna and içmək üçün.

Dərd ağacı əkiblər ki,

Çəpərini çəkiblər ki,

Bu bazarı tikiblər ki,

Şoruna and içmək üçün.

... Hansı yazıq doğdu bizi,

Qucağı boş, yerdə dizi.

Öldürmüşük dədəmizi,

Goruna and içmək üçüng

MƏNİ QOÇA ÇEVİR

Qara dərdim baş ağartdı,

Qəbir qazdı, daş ağartdı.

Ac doyurdum, diş ağartdı,

Tanrım, məni qoça çevirg

Cütə gəlməz boyunlar var,

Tərs oynanan oyunlar var.

Çiçək yeyən qoyunlar var,

Tanrım, məni qoça çevirg

Bostan əkdim, asdı kəllə,

Seyrək ağıl, yastı kəlləg

Şeytan quran tasdı kəllə,

Tanrım, məni qoça çevirg

Yazıqlanmaq ömür deyil,

Baxta düşən əmir deyilg

Tox qarınlar dəmir deyil,

Tanrım, məni qoça çevirg

Çörəyimin düzü çıxıb,

Gümanımın gözü çıxıb.

Hər şeyin buynuzu çıxıb,

Tanrım, məni qoça çevirg

KÖC

Aman, bu məzarlar vaxtdan xəbərsiz,

Beşikdə, yüyrükdə qazılır elə.

Taledən xəbərsiz, baxtdan xəbərsiz,

Alın yazıları yazılır elə.

Beli çomaqlıdı yetim qoçların,

Əcəli asandı çətin qoçların.

Bu künkü təkələr qədim qoçların,

Köhnə buynuzundan asılır elə.

Getdik it hürənə, yollandıq daha,

Şeytan qarılara aldandıq daha.

Dibsiz quyulara sallandıq daha,

Tutduğumuz kəndir üzülür elə.

Yığılıb boğaza canı bu köçün,

Ovsarın çəkənlər hanı, bu köçün?..

Hardadı əvvəli, sonu bu köçün,

Dəvələr muncuqtək düzülr elə.

Hay-həşir saldılar, haya basdılar,

Biçib zəmimizi taya basdılar

Koroğlu, bizi də çaya basdılar.

Yüz ildi suyumuz süzülür elə.

***

Dağ verdi, duman apardı,

Min yerə güman apardıg

Zamanı saman apardı,

Apardı, sözü çıxmamış.

Nəsə itir, nəsə dönür,

Uzun yollar kəsə dönür.

Elə şey var səsə dönür,

Yerindən özü çıxmamış.

Dəlləklik qırxmaq üçündü,

Danışmaq axmaq üçündü.

Göz də ki, baxmaq üçündü,

Neyləsin gözü çıxmamış?!

Gördü uzaqdan suyu da,

Başın çıxartdı, qayıda...

Qamış bitmişdi quyuda,

Şahın buynuzu çıxmamış...

BU DÜNYA PƏNCƏRƏDİ

Ömür-gün söz ağacıdı,

Yolları duz ağacıdı.

Bu dünya qoz ağacıdı,

Selbəsinə baxım, gedim.

Dərd gələndə bilmək olmur,

Dərdə kələk gəlmək olmu.

Adam kimi ölmək olmur,

Suya dönüm, axım, gedim.

Boş qazanlar daşan deyil,

Qaynayan daş bişən deyil.

Daha alma düşən deyil,

Yarpaqları yığım, gedim.

Göylər qapı, yer pəncərə,

Sim-sim umur hər pəncərə.

Dörd divardı, bir pəncərə,

Aç qapını, çıxım gedim...

***

Dam dikəldər pərdi, qozbel,

Dərd eləyər mərdi qozbel.

Bu dünyanın dərdi qozbel,

Çəkməsən düzələn deyil.

Haqqa sarı kim yeridi,

Arxasınca qəm yeridi.

Hər ağrı bir şum yeridi,

Əkməsən düzələn deyil.

Kim kəl kəsir, xış saxlamır,

Təhnələri qış saxlamır...

Hansı diz ki, baş saxlamır,

Bükməsən düzələn deyil.

...Yazıq eşşək çox döyüldü,

Keçdi ağacdan, söyüldü...

Yük ki, alıxdan əyildi,

Sökməsən düzələn deyil...

***

Dəf imiş qatıq qazanı,

Dindirir çırtıq qazanı.

Saxlayıb yırtıq qazanı,

Qapağı satmışıq gedib.

Baxt bu yolu saldı göyə,

Gümanımız qaldı göyə.

Allah, bizi qaldır göyə,

Torpağı satmışıq gedib...

Tüstüləndikcə yaşımız,

Qaralır ocaq daşımız

Açıq qalıbdı başımız,

Papağı satmışıq gedib...

***

Allah, qaçdı bəndən uzaq,

Üzü qara səndən uzaq.

Satan aydan, gündən uzaq -

Bazarda pəncərə olmur.

Bu budağın xatası var,

Açılmağa çatası var.

Dərdin cana qapısı var,

Azarda pəncərə olmur.

Eşidilmir gecə səsin,

Səs içində neçə səsing

Bəlkə daşdan keçə səsin,

Hasarda pəncərə olmurg

Gözlərim səni kim sıxıb,

Nəyin qalıb, nəyin axıb...

Ağlama, torpağa baxıb,

Məzarda pəncərə olmur...

Vahid ƏLİFOĞLU

Ədalət.-2013.-16 yanvar.-S.7.