ƏNƏNƏLƏR
MƏDƏNİYYƏTİN MODERNLƏŞMƏSİNƏ
TƏMİNAT YARADIR
Sosial-iqtisadi inkişafın ölkənin
bütün bölgələrini
əhatə etməsi,
insanların rifah halının yüksəlməsi
digər istiqamətlərə
də işıq salmışdır. Dövlət Proqramlarında qarşıya
qoyulan vəzifələr,
artıq hansısa bir binanın cari təmiri və ya hansısa
bir yola yüngül bir asfalt döşənməsi
kimi bəsit məsələləri gündəmə
gətirmir.
Bu tərəqqi, bu
yüksəliş Azərbaycan
Respublikasının adi
vətəndaşından tutmuş,
onun rəhbərinə
kimi sevinc və qürur bəxş edir. Ölkə prezidenti
İlham Əliyev regionlara səfəri zamanı ictimaiyyət nümayəndələri ilə
görüşlərində ən sadə adamlarla bu sevinci
bölüşür, Azərbaycan
Respublikasının gələcəyinin
daha gözəl olacağına inandığını
bildirir. Bu mənada nə vaxt Göyçay rayonundan da söz
düşəndə söhbətin
hansı mövzu üzərində qurulmasından
asılı olmayaraq, bu rayonun özünəməxsus
mədəni həyatı
mütləq xatırlanır.
Öz tikililəri və təbii gözəllikləri
ilə göz oxşayan yaraşıqlı
Göyçay şəhəri
və onun bir çox kəndləri aranın dağ ətəkləri ilə qovuşan bir təmtəraqdı.
İnkişaf bütün sahələrin
uğurlarına yol açır
Son illər Göyçayın
bütün istiqamətlərində
nəzərəçarpacaq inkişaf diqqəti cəlb etməkdədir. Rayon rəhbərliyinin ciddi səyi nəticəsində
Prezidentin tarixi fərmanları hər yerdə olduğu kimi, Göyçayın həm gündəlik, həm də perspektiv həyatında mümkün rol oynayır. Abadlıq
və müasirləşmə,
bir-birinin ardınca istifadəyə verilən
irili-xırdalı obyektlərin
timsalında yeni iş yerlərinin açılması, müxtəlif
sahələrdə irəliləyişlər
əhalini daha böyük uğurlara ruhlandırır.
Paralel olaraq digər sahələrin - təhsil, səhiyyə, mədəniyyət və
başqa strukturların
inkişafını da
xüsusi vurğulamaq
lazımdır. Məsələn, rayon mədəniyyət və turizm şöbəsinin son illərdəki
fəaliyyəti də
sevinc doğurur.
Şübhəsiz bu uğurların
reallaşmasında şöbəyə
rəhbərlik edən
Sahib Şükürovun zəhməti
danılmazdır. Bacarıqlı mütəxəssisin əzmkar
fəaliyyəti nümunə
göstərilir. Məhz bu
səbəbdəndir ki,
rayonu əhatə edən böyük bir mədəniyyət və turizm şəbəkəsi mərkəzdən
tutmuş ucqarlaradək
sakinlərin qəlbən
və ruhən qaynayıb-qarışdığı, üz tutduğu, içində yaşadığı
sevimli bir dünyasıdır.
Prezident
sərəncamları diqqətlə
öyrənilib həyata
keçirilir
3 noyabr 2013-cü il tarixdə Göyçay İnkişaf Mərkəzi
İctimai Birliyinin Gəncələr Fondu və "Baku Languages and Busness
School"un dəstəyi
ilə birlikdə
"Gəncliyi gələcəyimiz
üçün quraq!"
layihəsi çərçivəsində
"Kitab müzakirə
klubu" vasitəsilə
"Elm öyrənək - gəncliyimizi quraq" adlı geniş məktəbli auditoriyası
ilə tədbir keçirilmişdir.
Həmçinin rayonda uşaq və gənclərə milli-mənəvi tərbiyə
vermək, onların inkişafına yaxından
kömək etmək,
bilik və bacarıqlarını artırmaq
məqsədi maraqlı
müsabiqələr və
əyləncəli oyunlar
təşkil edilmişdir.
Azərbaycan Respublikası Prezidentinin 24.06.2013-cü il tarixli Sərəncamı ilə təsdiq olunmuş "Narkotik vasitələrin, psixotrop maddələrin və onların prekursorların qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Prqramı"nın icrasının həyata keçirilməsi məqsədi ilə rayon Mədəniyyət və Turizm şöbəsi narkomanlığın cəmiyyətə ziyanı, sağlamlığa mənfi təsiri ilə bağlı mövzularda mülahizələr təşkil etmiş, "Sağlam gənclik uğrunda" devizi altında rayon gəncləri arasında idman növləri üzrə əyləncəli yarışlar təşkil etmişdir. Rayon polis şöbəsinin sahə müvəkilləri və səhiyyə şöbəsinin əməkdaşları ilə birlikdə mədəniyyət evləri və klublarda gənclərlə görüşlər keçirilmiş, bu mövzuda mühazirələr təşkil edilmişdir.
"Dövlət orqanlarında elektron xidmətlər göstərilməsinin təşkili sahəsində bəzi tədbirlər haqqında" Azərbaycan Respublikası Prezidentinin 23 may 2011-ci il tarixli Fərmanının icrası ilə əlaqədar olaraq rayon Mədəniyyət və Turizm şöbəsi tabeliyində olan müəssisələri kompüter avadanlıqları ilə təmin etmiş və onların internet saytlarının yaradılması istiqamətində bir sıra işlər görmüşdür. Belə ki, Heydər Əliyev Mərkəzində, rayon Mərkəzi kitabxanasında və Mədəniyyət və Turizm şöbəsində interent saytları yaradılmışdır.
Musiqi məktəbinin uğurları
Uşaq Musiqi Məktəbinin xor kollektivi 2013-cü ildə Bərdə şəhərində Respublika Uşaq xor kollektivlərinin Respublika baxış müsabiqəsində müvəffəqiyyətlə çıxış etmiş və münsiflər heyəti tərəfindən yüksək qiymətləndirilmişdir.
Musiqi məktəbinin tələbəsi Səmədova Lalə Laçın qızı IV Beynəlxalq Uşaq Muğam Festivalının laureatı olmuş, Qran-pri və təşkilatçılar tərəfindən 600 manat pulla mükafatlandırılmışdır.
2013-cü ilin may ayında Ümumilli lider Heydər Əliyevin 90 illik yubileyi münasibəti ilə fortopiano üzrə Ümumrespublika müsabiqəsində uşaq musiqi məktəbinin şagirdlərindən 2 şagird diplom, 4 şagird fəxri-fərman, 3 şagird isə tərifnamə ilə təltif edilmişdir.
Ümumilli lider Heydər Əliyevin 90 illik yubileyinə həsr edilmiş "Azərbaycan mədəniyyəti" mövzusunda bilik müsabiqəsində Uşaq Musiqi Məktəbinin şagirdləri iştirak etmiş və mükafatlandırılmışdırlar.
Azərbaycan Respublikasının Prezidenti yanında kütləvi informasiya vasitələrinin inkişafına dövlət dəstəyi fondunun maliyyə yardımı ilə
(ardı gələn
sayımızda)
Məzahir
ƏHMƏDOĞLU
Ədalət.-2014.-12 aprel.-S.19.