...YOXSA BU DAĞLARIN ŞAHZADƏSİMİ?

(əvvəli ötən saylarımızda)

Tikinti, təmir və abadlıq işlərinin 6 aylıq statistikası

2014-cü ilin I yarımili ərzində Zaqatala rayonunda bütün maliyyə mənbələri hesabına 13,4 milyon manat dəyərində tikinti, təmir və abadlıq işləri görülmüşdür.

Dövr ərzində Zaqatala şəhərində Heydər Əliyev Mərkəzi üçün yeni binanın tikintisi başa çatdırılmış, Qandax kəndində Yaponiya səfirliyinin maliyyə dəstəyi ilə yeni tibb məntəqəsi inşa edilərək istifadəyə verilmişdir. Rayon Maliyyə İdarəsi və rayon Məhkəməsi üçün yeni inzibati binaların, Azərbaycan Müəllimlər İnstitutunun Zaqatala filialınının, Zaqatala şəhərində Dövlət Yanğın Xidmətinin rayon şöbəsinin depo binasının, Əliabad qəsəbəsində və Çobankol kəndində yeni Yanğından Mühafizə bölmələrinin tikintisi davam etdirilmişdir. Rayon Mıərkəzi Xəstəxanasının reanimasiya və cərrahiyyə şöbələri üçün liftin tikintisinə başlanılmışdır.

Yuxarı Tala kənd 2 saylı tam orta məktəbin yerində yeni 450 şagird yerlik məktəb binasının tikintisi davam etdirilmiş, 2012-ci ilin may ayında baş vermiş güclü zəlzələ nəticəsində qəzalı vəziyyətə düşmüş Aşağı Tala kənd 3 saylı 600 şagird yerlik və Yuxarı Tala kənd 4 saylı 360 şagird yerlik tam, Kürdəmir kənd 50 şagird yerlik ümumi orta məktəb binaları istifadəyə verilmişdir.

2014-cü ilin I yarımili ərzində rayonda məktəbəqədər təhsil müəssisələrinin tikintisi və təmiri, onların maddi-texniki bazalarının möhkəmləndirilməsi istiqamətində də işlər davam etdirilimişdir. Belə ki, Azərbaycan Respublikası Nazirlər Kabinetinin müvafiq sərəncamları ilə zəlzələ nəticəsində qəzalı vəziyyətə düşmüş körpələr evi-uşaq bağçalarının bərpa-gücləndirilməsi və tikintisi üçün ayrılmış vəsait hesabına Aşağı Tala kənd 1 saylı, Əliabad qəsəbə 4 saylı və Muxax kənd körpələr evi-uşaq bağçalarında bərpa-gücləndirmə işləri aparılmış, yeni texnoloji avadanlıqlarla təchiz edilərək istifadəyə verilmişdir. Hazırda şəhər 2 saylı körpələr evi-uşaq bağçasının yerində 50 yerlik, Lahıc və Danaçı kəndlərinin hər birində 40 yerlik və Faldarlı kəndində 20 yerlik yeni körpələr evi-uşaq bağçalarının tikintisində və şəhər 6 saylı və Muğanlı kənd körpələr evi-uşaq bağçalarının bərpa-ğücləndirməsində son tamamlama və abadlıq işləri aparılır.

Əliabad qəsəbəsində 1 saylı körpələr evi-uşaq bağçası təmir edilərək yeni inventar və avadanlıqlarla təchiz edilmişdir.

Heydər Əliyev fondunun maliyyə dəstəyi ilə şəhərin şimal-qərb yaşayış massivində yeni 100 yerlik uşaq bağçasının tikintisinə və Azərbaycan prospekti 108 saylı ünvanda yaşayış kompleksinin 1-ci mərtəbəsindəki qeyri-yaşayış sahələrində yenidənqurma işləri aparmaqla yeni 100 yerlik uşaq bağçası kimi uyğunlaşdırılması işlərinə başlanılmışdır.

Rayonda ümumi sahəsi 8682 kvm olan 57 fərdi yaşayış evi tikilərək istifadəyə verilmiş, yeni ticarət, xidmət, turizm və istirahət obyektlərinin, yüksək mərtəbəli yaşayış binalarının tikintisi davam etdirilmişdir.

Zaqatalanın tarixi keçmişinə Prezident qayğısı

Şəhər abadlığına ayrılmış vəsait hesabına Azərbaycan Respublikasının Prezidenti cənab İlham Əliyev 23 avqust 2013-cü il tarixli 3083 nömrəli Sərəncamı ilə Zaqatala şəhərinin tarixi görkəminin geri qaytarılması və abadlıq-quruculuq işlərinin davam etdirilməsi məqsədilə Azərbaycan Respublikası Prezidentinin ehtiyat fondundan Zaqatala Rayon İcra Hakimiyyətinə ayrılmış vəsait hesabına şəhərin H.Əliyev prospektində, 28 may, Ü.Sadıqov, Şəhriyar və Qarabağ küçələrində binaların fasadlarında 1568 kvm bərpa, dam örtüklərində 992 kvm əsaslı təmir işləri aparılmış, küçələrə 2205 metr uzunluğunda bardür, səkilərə 1560 kvm asfalt, 1309 kvm tamet örtüyü döşənmiş, 936 metr uzunluğunda yağış suyu arxı tikilmiş, 41 ədəd yeni işıq dirəyi quraşdırılmış və 1040 kvm yaşıllıq zolağı salınmışdır. Hazırda bu istiqamətdə işlər davam etdirilir.

Hüquq mühafizə orqanları

İnsan və vətəndaş hüquq və azadlıqlarının qorunması sahəsində Rayon İcra Hakimiyyəti öz fəaliyyətini qanunçuluq, ədalət, qərəzsizlik, aşkarlıq və şəffaflıq prinsipləri əsasında qurmuşdur.

"Azərbaycan Respublikasında insan hüquq və azadlıqlarının müdafiəsinin səmərəliliyinin artırılması sahəsində Milli Fəaliyyət Proqramı"nın icrası təmin edilmiş, Azərbaycan Respublikasının qanunvericilik aktlarının icrası nəzarətdə saxlanılmışdir. İctimai asayişin qorunması, kriminogen vəziyyət, habelə vətəndaşların hüquq və azadlıqlarının, qanuni mənafelərinin qorunmasının təmin olunması haqqında məhkəmə, ədliyyə, prokurorluq və polis orqanlarından məlumatlar alınmış, hüquqpozmaların profilaktikası üzrə tədbirlər həyata keçirilmişdir.

2014-cü ilin birinci yarımilində rayonda 83 cinayət hadisəsi qeydə alınmış, kompleks şəkildə aparılmış təşkilati-əməliyyat-axtarış tədbirləri nəticəsində cinayətlərin açılması 95.8 faiz olmuşdur. Rayon ərazisində narkotiklərlə mübarizə sahəsində 9 cinayət faktı aşkar olunmuş, 7 kq qurudulmuş marixuana qanunsuz dövriyyədən çıxarılmışdır.

Rayonda "Korrupsiyaya qarşı mübarizəyə dair və Açıq Hökumətin təşviqinə dair 2012-2015-ci illər üçün Milli Fəaliyyət Planı"nın aidiyyətı bəndlərinin icrası diqqətdə saxlanılmış, mərkəzi icra hakimiyyəti orqanlarına hesabatlar verilmişdir.

Vətəndaş müraciətlərinə həssaslıq və qarşıda duran vəzifələr

2014-cü ilin birinci yarısında RİHB-nın yerlərdə 22 səyyar qəbul-görüşləri keçirilmişdir ki, bu görüşlərdə 3122 adam iştirak etmiş, 127 tənqidi-qeyd və təklif irəli sürülmüşdür.

Təhlil göstərir ki, səyyar qəbullarda qaldırılan məsələlərin 13,4 faizi elektrik təchizatı məsələləri, 11,9 faizi içməli su və kanalizasiya, 12,6 faizi məktəb tikintisi və təmiri, 11,9 faizi yolların təmiri, 11,9 faizi təbii qaz çəkilişi məsələləri və digər məsələlərlə bağlı olmuşdur.

Səyyar qəbullarda irəli sürülən tənqidi qeyd və təkliflərin 30 faizi artıq həll edilmiş, 21 faizinin icrası nəzarətə götürülməklə həlli davam etdirilir, digər müraciətlərin isə aidiyyəti qurumlar və ya Dövlət Proqramı əsasında həll olunacağı barədə vətəndaşlara müvafiq izahatlar verilmişdir.

Vətəndaşların müraciətləri əsasında onlarla kilometr yollar asfaltlaşdırılmış, qaz və elektrik xətləri çəkilmiş, məktəblər, uşaq bağçaları, mədəniyyət, səhiyyə və idman obyektləri əsaslı təmir edilmişdir. Körpülər, suvarma kanalları tikilmiş və təmir edilmiş, ehtiyacı olan minlərlə insana, şəhid ailələrinə, Qarabağ əlillərinə, müharibə və əmək veteranlarına müxtəlif yardımlar göstərilmişdir.

Məzahir ƏHMƏDOĞLU

Ədalət.-2014.-14 avqust.-S.3.