ÜMÜMTƏHSİL SİSTEMİNDƏ MÜASİRLƏŞMƏ DÖVRÜ

(Mövzu əsasında XXVII yazı)

Respublikamızda son illər aparıdan davamlı islahatlar siyasəti ölkəmizin iqtisadiyyatının əhəmiyyətli dərəcədə güclənməsinə imkan vermiş, dinamik sosial-iqtisadi inkişafı və insanlarımızın rifah halının yaxşılaşdırılmasını təmin etmişdir. Məqsəyönlü iqtisadi inkişaf strategiyasının həyata keçirilməsi nəticəsində Azərbaycan regionun ən qüvvətli dövlətinə çevrilmişdir.

İnkişafın innovasiya mərhələsinə keçilməsi, rəqabətə davamlı milli iqtisadiyyatın formalaşması və inkişaf dinamikasının sürətləndirilməsi başlıca olaraq insan kapitalı ilə bağlı bir çox məsələlərin öz həllini tapmasını, o cümlədən təhsilin dünya standartlarına cavab verməsini tələb edir.

Ulu öndər Heydər Əliyevin əsasını qoyduğu siyasi kursun davamçısı Prezident İlham Əliyevin "Neftdən əldə edilən kapital insan kapitalının inkişafına yönəldilməlidir" konsepsiyası təhsil işçilərinin qarşısına yeni vəzifələr qoyur.

Qəbul olunmuş yeni Dövlət Proqramı bu dəfə də bütün sahələrdə olduğu kimi, təhsilimizin də inkişafında, müasirləşməsində mühüm rol oynayacaqdır. Bu istiqamətin əvvəlindən götürülən uğurlu start qeyd etdiyimiz kimi, cəmiyyətin yeniləşən mərhələsində, göz önündədir.

Heydər Əliyev Fondunun böyük dəstəyi

Azərbaycanda təhsilin inkişafı, müasirləşməsi ayrıca olaraq Heydər Əliyev Fondunun da ciddi yanaşdığı, böyük əhəmiyyət və dəstək verdiyi məsələdir. Heydər Əliyev Fondu ən geniş layihələrini təhsil sahəsində reallaşdırır.

İndiyədək fondun təşəbbüsü ilə 300-dən artıq müasir tipli təhsil müəssisələri tikilərək istifadəyə verilmişdir. Əbəs yerə deyil ki, Azərbaycanın birinci xanımı, Heydər Əliyev Fondunun prezidenti, YUNESKO və İSESKO-nun xoşməramlı səfiri Mehriban Əliyeva məsələyə münasibət bildirərək hər zaman Azərbaycan üçün təhsilin inkişafının prioritet sahə olduğunu diqqətə çatdırır.

"Təhsil əsri" və İKT

Ümumtəhsil sisteminin müasirləşməsindən söz açarkən xüsusi qeyd etmək lazımdır ki, biliklərə əsaslanmış iqtisadiyyatın təşəkkül tapmadığı şəraitdə İnformasiya və Kommunikasiya Texnologiyasının (İKT) inkişafı ölkənin inellektual və elmi potensialının vacib göstəricilərindən biridir. Bu bir danılmaz faktdır ki, bu gün qloballaşan dünyada ölkələrin rəqabət qabiliyyəti, ilk növbədə onların İKT-dən səmərəli istifadəsi ilə formalaşır. Müstəqilliyin şərəfli yolları ilə gələcəyə doğru inamla irəliləyən ölkəmizdə son illər ərzində aparılan davamlı islahatlar siyasəti dövlətimizin əhəmiyyətli dərəcədə güclənməsinə imkan vermiş, dinamik sosial inkişafı və xalqımızın rifah halının yaxşılaşmasının sürətləndirmişdir. Azərbaycan Respublikasının Prezidenti İlham Əliyevin imzaladığı "Azərbaycan gəncliyi 2011-2015-ci illərdə Dövlət Proqramı"nın təsdiq edilməsi haqqındakı sərəncamı ölkədə gənclərə, onların savadlı, vətənpərvər, XXI "Təhsil əsri"nə layiq olmalarına göstərilən qayğının, dəstəyin parlaq nümunəsidir. Prezident İlham Əliyevin dəfələrlə səsləndirdiyi "Təhsil Azərbaycanın davamlı strategiyasının ən öncül istiqamətlərindən biridir" fikri təhsilin dövlət siyasətinin mərkəzi subyekti olduğunu sübut edir.

Respublikamızın mövcud potensialı müasir və innovativ təhsil sisteminin təkmilləşdirilməsi üçün geniş imkanlar açmaqla onun iqtisadi inkişafının mühüm amilinə çevrilməsini təmin etməlidir fikrini əsas götürən ölkə rəhbəri 2011-2021-ci illərdə Azərbaycan təhsilinin inkişafı üzrə milli strategiyanın həyata keçirilməsinə zəmin yaratmışdır. Göründüyü kimi, bu sahədə böyük işlər davam etməkdədir.

Kürdəmir rayonunda təhsilin müasirləşməsi yeni uğurlara yol açır

Burada mövzunun ünvanını bir qədər də konkretləşdirmək zərurəti yaranır. Məlumdur ki, Kürdəmir mərkəzi aran bölgəsinin ən böyük kənd rayonlarından biridir. Burada sosial-iqtisadi inkişaf son illərdə daha ciddi faktlarla zənginləşir. Bütün istiqamətlər üzrə qazanılan uğurlar, ölkənin hər yerində olduğu kimi, Kürdəmir rayonunda da sevinc doğurur. Həmişə xüsusi diqqət mərkəzində olan və daha çox nailiyyətlər qazanılmasını təmin edən təhsil sisteminin fəaliyyəti son illər özünü müasirləşmədə də təsdiqləyir. Bu mənada rayon rəhbərliyinin də xüsusi diqqətini göstərmək lazım gəlir. Rayonda təhsillə bağlı elə bir tədbir olmaz ki, icra başçısı İrşad Əliyev şəxsən maraqlanmasın və ya orada iştirak etməsin. Bu, olduqca nümunəvi yanaşmadır.

Kürdəmir rayonunun təhsil şöbəsinin müdiri Tacəddin Novruzov təcrübəli pedaqoqdur. O, həm də həvalə olunmuş sahəyə bacarıqla rəhbərlik edir. T.Novruzovla budəfəki söhbətimiz 2013-2014-cü dərs ilinin ikinci yarısının əvvəllərinə təsadüf etdi. Söhbətimiz zamanı o, rəhbərlik etdiyi sahənin fəaliyyətindən danışaraq dedi:

Prezidentin nitqləri uğurlara ruhlandırır

- Ölkə Prezidenti cənab İlham Əliyevin Nazirlər Kabinetinin "2013-cü ilin sosial-iqtisadi inkişafının yekunları"na həsr olunmuş iclasındakı proqramm xarakterli nitqləri bütün Respublikada olduğu kimi, rayonumuzda da təhsil işçilərinin böyük marağına səbəb olmuş, onları gənc nəslin təlim-tərbiyəsində daha yüksək nailiyyətlər qazandırmağa ruhlandırmışdır. Yola saldığımız 2013-cü il ölkəmizin və xalqımızın həyatında bir sıra əlamətdar hadisələrlə yadda qalmışdır. Əsası Azərbaycan xalqının böyük oğlu ümummilli lider Heydər Əliyev tərəfindən qoyulmuş balanslaşdırılmış müdrik daxili və xarici siyasət, nəhəng quruculuq işləri onun siyasi varisi, müasir təfəkkürlü siyasətçi və dövlət xadimi, ölkəmizin Prezidenti cənab İlham Əliyev tərəfindən uğurla davam etdirilir.

(ardı gələn sayımızda)

Məzahir ƏHMƏDOĞLU

Azərbaycan Respublikasının Prezidenti yanında kütləvi informasiya vasitələrinin inkişafına dövlət dəstəyi fondunun maliyyə yardımı ilə

Ədalət.-2014.-12 fevral.-S.7.