Onuncunun birincisi

Camal Zeynaloğlu oxucularını çox intizarda saxlamağı sevmir. İstedadlı yazıçı və tərcüməçinin yaradıcılığını diqqətlə izləyənlər onun qələmindən çıxan "Uğursuz nikah", "Məni qınamayın", "Qanlı fevral gecəsi", "Ölümlə üz-üzə", "Həqiqət işığında", "Ölüm doğmalığı" və başqa əsərləri maraqla qarşılayıblar. Camal bu illər ərzində dünya şöhrətli yazıçıların yaradıcılığından etdiyi bədii tərcümələri isə "Baş nazirin oğurlanması" adlı kitabda nəşr etdirib.

Bu günlərdə yazıçının sayca onuncu kitabı - "Talelər dünyası" işıq üzü görüb. "Ünsiyyət" nəşriyyatında çap olunan kitaba Camal Zeynaloğlunun yeni qələmə aldığı "Həyat üzümə gülmədi", "Acı tale", "Böhtan", "Onun etirafı" adlı həyat hekayələri daxil edilib.

Kitabda müəllifin esseləri də yer alıb. "Əlim yetmədi sənə", "Həsrət", "Sən gedəni" adlı esselər maraqla oxunur.

Müəllif həyat hekayələrindən birinə Leflerin "Qadının təmiz adı o qədər zərifdir ki, hətta ən xəfif küləkdən belə qorunmalıdır" kəlamını epiqraf seçib.

Camal Zeynaloğlu bu kitabında oxucularını bir-birindən müxtəlif qadın taleləri ilə baş-başa buraxır. Ehtirasının diktəsi ilə hərəkət edən gənc qızlara, sevgilərində uğursuzluğa düçar olanlara doğru yol göstərir, həyatda atdıqları səhv addımları düzəltmək üçün gənclərə şans verir.

Kitabın redaktoru fəlsəfə elmləri namizədi Həqiqət Kərimovadı. onuncu kitabının birinci hissəsidi. Oxucularını intizarda qoymayan yazıçı kitabın ikinci hissəsini də nəşrə hazırlayır.

E. CƏBRAYILOĞLU

Ədalət.-2014.-26 fevral.-S.6.