Masallıda folklor bayramı - III Beynəlxalq Festival

Masallıda böyük folklor bayramı keçirilir. Artıq üçüncü ildir ki, təşkil olunan Masallı Beynəlxalq Folklor Festivalı iyunun 13-də başlanğıç götürüb.

Adalet.az-ın Masallıya ezam olunmuş əməkdaşı xəbər verir ki, Heydər Əliyevin xətirəsinə həsr olunmuş Masallı III Beynəlxalq Folklor Festivalı bu gün səhər saatlarında iştirakçı ölkələrin şəhərin baş meydanından təntənəli keçidi ilə başlayıb. Masallı rayin İcra Hakimiyyətinin təşkilatşılığı ilə keçirilən festivalda Azərbaycanın müxtəlif folklor qrupları ilə yanaşı, Türkiyə, Rusiya, Litva, Latviya, Qazaxıstan, İran, Gürcüstan və digəər ölkələrin təmsilçiləri də iştirak edir.

İştirakçı ölkələrin bayram keçidi zamanı havanın kəskin pisləçməsi, güclü yağış yağması yüksək səviyyədə təşkil olunmuş tədbirə maneyə yarada bilməyib. İştirakçı ölkələrin milli rəqs nümunələri meydana toplaşmış şəhər sakinləri tərəfindən böyük maraqla qarşılanıb.

Festivalın növbəti hissəsində iştirakçılar rayon Mədəniyyət Məkəzinin qarşısında təşkil olunmuş xalq yaradıcılığı və milli mətbəx sərgisinə tamaşa ediblər.

Festivalın açılış mərasimində ölkəmizdə fəaliyyət göstərən xarici ölkə səfirliklərinin əməkdaşları, Mədəniyyət Nazirliyinin nümayəndələri, millət vəkilləri və Masallı ictimaiyyətinin təmsilçiləri də iştirak edib.

Qeyd edək i, bu gün axşam saat 20:00-da Heydər Əliyev parkındakında III Beynəlxalq Folklor festivalın açılış konserti keçiriləcək.

14 iyun tarixində saat 12:00-da Masallı rayonunun Qızılağac və Tüklə kəndlərində folklor qruplarının çıxışları nəzərdə tutulub. Axşam 20:00-da Folklor Festivalının iştirakçıları üçün ziyafət təşkil olunacaq.

15 iyun saat 20:00-da Heydər Əliyev parkında Ulu öndər Heydər Əliyevin 91 illik yubileyinə həsr olunmuş III Beynəlxalq Folklor Festivalı yekun konserti keçiriləcək.

Tədbiri işıqlandırmaq məqsədilə Bakıdan Masallıya geniş tərkibdə jurnalist qrupları ezam olunub.

Ceyhun

Ədalət.-2014.-14 iyun.-S.12