GÖRƏNLƏRİ OVSUNLAYAN QAFQAZ İNCİSİ

(əvvəli ötən sayımızda)

Təhsil müəssisələrinin tikintisi və yenidənqurulması ilə bağlı Dövlət Proqramında şəhər 4 №-li tam orta məktəbinin əsaslı təmiri, Zərnə kəndində 12 №-li uşaq bağçasının, Qapıçay kəndində 17 №-li uşaq bağçasının və İlisu kəndində 25 №-li uşaq bağçasının bərpa-gücləndirilməsi nəzərdə tutulmuşdur. Məlumat üçün bildirirəm ki, artıq şəhər 4 №-li tam orta məktəbində əsaslı təmir işləri davam etdirilir, qeyd olunan uşaq bağçalarında isə bərpa-gücləndirmə ilə bağlı son tamamlama işləri görülür. Yaxın vaxtlarda hər üç uşaq bağçası istifadəyə veriləcəkdir.

Səhiyyə müəssisələrinin tikintisi və yenidənqurulması ilə bağlı rayonda əsaslı təmir və tikinti sahəsində işlərin davam etdirilməsi nəzərdə tutulmuşdur. Bu məqsədlə 2014-cü ilin birinci rübündə Qıpçaq kəndində həkim məntəqəsi istifadəyə verilmişdir.

Əhalinin təhlükəsizliyi tədbirləri ilə bağlı rayonda sel sularından mühafizə tədbirlərinin həyata keçirilməsi sahəsində müvafiq işlərin davam etdirilməsi nəzərdə tutulmuşdur. Bu məqsədlə 2014-cü ilin birinci rübündə 116,97 min m3 lildən təmizləmə, 190,7 min m3 daşqın və selə qarşı məcratəmizləmə, 1650,3 m3 daşqın və selə qarşı sahilbərkitmə işləri aparılmışdır.

Almalı kəndi ərazisindəki əkinə yararlı torpaq sahələrinin suvarılmasının yüksək səviyyədə təmin olunması üçün çəkilməsi nəzərdə tutulan 5,5 km uzunluğundakı beton kanalın 2 km-lik hissəsinin tikintisi başa çatdırılmışdır.

Rayon mənzil təsərrüfatı və abadlıq-quruculuq tədbirləri ilə bağlı işlərin davam etdirilməsi və məişət tullantılarının zərərsizləşdirilməsi tədbirləri də nəzərdə tutulmuşdur. Bu məqsədlə rayonun yerli büdcə xərclərində mənzil fondunun əsaslı təmiri maddasinə uyğun olaraq şəhərin Ü.Hacıbəyov küçəsi 8a, 6a saylı kommunal yaşayış binalarının dam örtükləri, fasadları və Ş.Rustavelli küçəsi 14 saylı kommunal yaşayış binasının fasadının əsaslı təmiri işləri planlaşdırılmış, yaxın günlərə başlanılacaqdır.

Rayon büdcəsindən şəhərin abadlığı üçün ayrılmış vəsait hesabına "Şəhər" parkında təmir işləri və uşaqların əylənməsi üçün atraksionların quraşdırılması işlər davam etirilir. O cümlədən şəhər nümayəndəliyinin xətti ilə C.Cabbarlı, Okrocanaşvili küçəsində abadlıq işlərinə başlanılmışdır.

Ölkə Prezidentinin 21 avqust 2013-cü il tarixli 3078 nömrəli sərəncamı ilə Azərbaycan Respublikasının 2013-cü il Dövlət büdcəsində nəzərədə tutulmuş Azərbaycan Respublikası Prezidentinin Ehtiyat Fondundan ayrılmış vəsait hesabına şəhərin Qaxmuğal, M.P.Vaqif, M.Məmmədov küçələrində bərpa və abadlıq işləri davam etdirilmişdir. 2013-cü ildən əsaslı təmiri planlaşdırılmış 530 şagirdyerlik şəhər 4 saylı tam orta məktəb binasında işlər davam etdirilmişdir.

İkinci kənd İnvestisiya layihəsi çərçivəsində rayonun Şotavar, Güllük, Almalı, Baydarlı, Zəyəm, Cəlayir və Qıpçaq kəndlərində yolların təmiri, Ləkit və Ağyazı kəndlərində isə içməli su xətlərinin təmiri aparılmışdır.

2014-cü ilin birinci rübündə rayonda 18 ədəd fərdi yaşayış evi və 6 ədəd sahibkarlıq obyekti olmaqla,ümumilikdə 24 fərdi tikinti aparılmışdır. Aparılmış tikinti işlərinin ümumi smeta dəyəri 780 min manata yaxındır.

Meliorasiya və irriqasiya tədbirləri ilə bağlı rayonun Meşəbaş, Əmircan, Şotavar, Uzuntala, Şıxlar, Qaysarlı, İngiloy Kötüklü, Almalı, Ağyazı, Cəlayir və Dəymədağlı kəndlərində subartezian quyularının qazılması nəzərdə tutulmuşdur. Artıq kəndlərdə subartezian quyularının qazılması ilə bağlı yerlər müəyyənləşdirilmiş və layihə-smeta sənədlərinin işlənilməsi aparılır.

Qaz təchizatında

yeniliklər

Rayonda qaz təchizatının yaxşılaşdırılması sahəsində müvafiq işlərin davam etdirilməsi məqsədilə 2014-cü ilin birinci rübündə Cəlayir kəndində 306, Almalı kəndində 17 və Qax şəhərində 70 abonentə təbii qaz xətti çəkilişi aparılmışdır. Qaz İstismar Sahəsi tərəfindən rüb ərzində 29 ədəd qaztənzimləyici şkaf təmir olunmuş, şəhərin M.F.Axundov, C.Cabbarlı, İ.Dağıstanlı, V.Eyvazov küçələrində, Qaxbaş və Qaxingiloy kəndlərində qaz xətlərindəki sızmalar aradan qaldırılmışdır.

Qeyd olunan sahələrdə görülən işlər belə deməyə əsas verir ki, artıq üçüncü Dövlət Proqramında rayon üçün nəzərdə tutulmuş tədbirlərin əksəriyyətinin icrasına başlanılmış və qarşıdakı beş ildə Proqramda nəzərdə tutulan tədbirlərin icrasına nail olunacaqdır.

Aqrar sahənin

mühüm istiqamətləri

2014-cü ilin ötən dövrü ərzində rayonda bitkiçilik və heyvandarlıq məhsulları istehsalının dinamik artımının təmin olunması məqsədi ilə qarşıya qoyulmuş vəzifələrin icrası itiqamətində işlər davam etdirilmişdir.

Belə ki cari ilin 1-ci rübü ərzində 661 hektar sahədə yonca, 86 hektar sahədə tərəvəz, 75 hektar sahədə vələmir, 8 hektar sahədə bostan, 233 hektar sahədə kartof, 6 ha sahədə qarğıdalı əkini aparılmış və yazlıqların əkini sürətlə davam etdirilir. İnter Tabacco MMC tərəfindən 400 ha sahəni təmin edəcək sağlam tütün şitili yetişdirilmişdir.

Aqroservis filialı tərəfindən güzəştli şərtlərlə 490 ton azot gübrəsi gətirilərək taxıl istehsalçılarına satılmış və həmin gübrənin taxıl sahələrinə verilməsi təmin olunmuşdur. Hazırda səpin aparılması üçün qarğıdalı sahələrində hazırlıq işləri başa çatmaq üzrədir. 500 hektar taxıl sahəsində gəmiricilərə qarşı, 500 hektar sahədə isə alaqlara qarşı kimyəvi mübarizə işi aparılmışdır. Buğda istehsalçılarının maddi marağının artırılması və buğda istehsalının stimullaşdırılması məqsədi ilə dövlət büdcəsinin vəsaiti hesabına 1054 nəfər buğda istehsalçılarına 7050 hektar sahəyə görə 282 min manat yardımın yaxın günlərdə verilməsi təmin olunacaqdır.

Qaxda təhsil sistemi həmişəki kimi

nümunəvidir

Son illərdə təhsilin inkişafı istiqamətində atılan mühüm addımlar, maddi texniki bazanın təkmilləşdirilməsi və təminatı sahəsində Prezident İlham Əliyevin sərəncamları əsasında geniş tədbirlər həyata keçirilmiş, təhsilin inkişafı üzrə Dövlət Strategiyası təsdiq edilmişdir.

Rayon Təhsil şöbəsi də cari ilin 3 ayı ərzində təhsilin inkişaf etdirilməsi, keyfiyyətinin yaxşılaşdırılması sahəsində öz işini dövrün tələbləri səviyyəsində qurmağa çalışır.

Məlum olduğu kimi 2009-cu tədris ilindən bu günədək ümumtəhsil məktəblərinin I-VII siniflərini əhatə edən, səriştəyə əsaslanan şəxsiyyətyönümlü təhsilin məzmununu əhatə edən fənn kurikulumları bu gün də uğurla davam etdirilir.

Təhsil sahəsində insan resurslarının müasirləşdirilməsi, innovativ təhsil metodlarının tədbiq edilərək təhsilin məzmununun səmərəli mənimsənilməsi üçün modern təhsil infrastrukturunun yaradılması vacib şərtdir. Bu sahədə rayonun təhsil müəssisələrinin ən son texnologiyalarla zənginləşdirilməsi baxımından sinif otaqları yeni interaktiv (ağıllı) lövhələrlə təchiz olunması dərslərin keyfiyyətlə qurulmasına xidmət etmişdir. Belə ki, Təhsil Nazirliyi tərəfindən rüb ərzində 14 interaktiv lövhə alınmış və istifadə üçün şəhər məktəblərinə verilmişdir.

(ardı gələn sayımızda)

Məzahir ƏHMƏDOĞLU

ədalət.-2014.-9 may.-S.19.