QAX: UCALAN VƏ ŞÖHRƏTLƏNƏN QƏDİM OĞUZ ELİ

Layihənin istiqaməti: Regionların sosial-iqtisadi inkişafının təşviq edilməsi

"...Azərbaycan müasir dövlətdir, iqtisadiyyatımız bazar iqtisadiyyatı prinsipləri üzərində qurulubdur. Amma eyni zamanda, biz sosial dövlətik. Sosial dövlət o deməkdir ki, insan amili, Azərbaycan vətəndaşı, onun maraqları, onun rifahı siyasətimizin mərkəzindədir".

Azərbaycan Respublikasının Prezidenti

İlham Əliyev

(əvvəli ötən sayımızda)

İqtisadiyyatın əsasını kənd təsərrüfatı təşkil edən Qax rayonunda da 2015-ci ilin ötən dövrü ərzində bitkiçilik və heyvandarlıq məhsulları istehsalının dinamik artımının təmin olunması məqsədi ilə qarşıya qoyulmuş vəzifələrin icrası istiqamətində işlər davam etdirilmişdir. Belə ki, cari ilin birinci rübündə 559 hektar sahədə yonca, 86 hektar sahədə tərəvəz, 119 hektar sahədə vələmir, 54 hektar sahədə bostan, 248 hektar sahədə kartof, 12 ha sahədə qarğıdalı əkini aparılmış və yazlıqların əkini sürətlə davam etdirilir. "İnterTabacco" MMC tərəfindən 400 ha sahəni təmin edəcək tütün şitili yetişdirilmişdir.

Aqroservis filialı tərəfindən güzəştli şərtlərlə satılması məqsədilə 400 ton azot gübrəsi gətirilərək 370 tonu məhsul istehsalçılarına satılmış və taxıl sahələrinə verilməsi təmin olunmuşdur.

Mineral gübrələrin rayona gətirilməsi istiqamətində işlər davam etdirilir.

Ekologiya strateji əhəmiyyət daşıyır

Rayonun ərazisində ekoloji durumun yaxşılaşdırılması və ətraf mühitin mühafizəsinin təmin olunması sahəsində məqsədyönlü tədbirlər davam etdirilmişdir.

Belə ki, rayon İcra Hakimiyyətinin təşəbbüsü ilə Şəki-Qax-Zaqatala magistral yolunun kənarında 5800 ədəd, kəndətrafı ərazilərdə isə 4150 ədəd müxtəlif növ agac əkilmiş və hazırda bu iş davam etdirilir.

İlisu Dövlət Təbiət Qoruğu tərəfindən Dövlət yasaqlığı ərazilərində və xüsusi mühafizə olunan təbiət ərazilərində fauna elementlərinin qorunması və mühafizə rejiminə əməl olunması ilə bağlı tədbirlər davam etdirilmişdir.

Rayon Meşələrin Mühafizəsi və Bərpası Müəssisəsi tərəfindən cari ildə 17 hektar dövlət meşə fondu torpaqlarında meşə əkini və 0.20 hektar sahədə ting səpini aparılmışdır.

Rayonda maldarlığa

yeni münasibət

Rayonda heyvandarlıq məhsulları istehsalının intensiv inkişaf etdirilməsinə zəmin yaradan cins maldarlığın inkişafı və süni mayalandırmanın tətbiqinin daha da genişləndirilməsi istiqamətində aparılan tədbirlər davam etdirilmişdir.

Hesabat dövründə 601 baş inək və düyə yüksək məhsuldar törədici toxumları ilə süni yolla mayalandırılmışdır. Süni mayalandırılmış heyvanlardan 394 baş bala alınmışdır ki, bu da ötən ilin müvafiq dövrü ilə müqayisədə 41 baş çoxdur. Qoyunçuluqda da döl kompaniyası müvəffəqiyyətlə başa çatmış, hər 100 ana qoyundan orta hesabla 94 baş salamat quzu alınmışdır.

Ötən ilin müvafiq dövrü ilə müqayisədə ət istehsalı 7,3 ton artaraq 553,4 tona, süd istehsalı 10,2 ton artaraq 2573,6 tona, yumurta istehsalı 5 min ədəd artaraq 2 milyon 210 min ədədə çatmışdır.

Mövcud mal-qaranın sağlamlığının qorunması, əhalinin sağlam və keyfiyyətli heyvandarlıq məhsulları ilə təmin olunması üçün epizootiya əleyhinə tədbirlərin plana uyğun icrası təmin olunmuş, hal-hazırda profilaktik və müalicə tədbirlərinin aparılması davam etdirilir.

Sudan düzgün istifadə mühüm məsələdir

Hesabat dövründə torpaqların su təminatının yaxşılaşdırılması üçün meliorasiya-irriqasiya işlərinin həyata keçirilməsi məqsədi ilə 243 min m3 həcmdə lildən təmizləmə, 269 m3 beton kanallarda, 5 ədəd hidrotexniki qurğuda və 3 ədəd hidropostlarda təmir işləri aparılmışdır. Sel sularından mühafizə tədbirlərinin həyata keçirilməsi məqsədi ilə 136 min m3 daşqın və selə qarşı məcratəmizləmə işləri aparılmış, 243 m3 qabyon və 947 m3 daş-beton bəndlərdə isə daşqın və selə qarşı sahilbərkitmə işlərinin aparılması məqsədi ilə təmir işləri aparılmışdır.

Təhsil sahəsindəki yeni uğurlar

Hesabat dövründə rayonda təhsilin inkişaf etdirilməsi, onun keyfiyyətinin yaxşılaşdırılması sahəsində də bir sıra işlər görülmüşdür. Belə ki, Azərbaycan Respublikası Təhsil Nazirliyinin 5 dekabr 2011-ci il tarixli 2016 №-li əmrinə müvafiq rayonun ümumtəhsil məktəblərinin IX və XI sinif şagirdləri arasında təhsil şöbəsinin xətti ilə test yoxlama imtahanları keçirilmiş, bu imtahanlarda IX siniflər üzrə 573, XI siniflər üzrə 429 nəfər şagirdin iştirakı təmin edilmişdir. Yoxlama imtahanlarında IX sinf şagirdləri 79,6 %, XI sinif şagirdləri isə 73 % müvəffəqiyyət göstərmişdir.

Fənn olimpiadalarının məktəb, rayon və zona turları keçirilmişdir. 3 nəfər şagirdimiz respublika turunda iştirak etmək hüququ qazanmışdır. Məktəblilərin 47-ci Beynəlxalq Kimya olimpiadasında çıxış edəcək milli komandaya namizədlərin seçiminin rayon və zona mərhələsi keçirilmiş, dörd nəfər şagird respublika turunda iştirak etmək hüququ qazanmışdır.

(ardı gələn sayımızda)

Məzahir ƏHMƏDOĞLU

Ədalət.-2015.-5 may.-S.7.