Müasirliyin ünvanı - Ağcabədi

"... Kənd təsərrüfatının inkişafı üçün kreditlər, gübrələr, əlavə texnika verilir. Soyuducu anbarlar, taxıl anbarları tikilir. Yəni, biz istəyirik ki, bu inkişafa daha da güclü təkan verək. Çünki hər bir bölgədə, hər bir kənddə yaxşı şərait olsun, rifah artsın, iş yerləri açılsın və gözəl abadlıq işləri görülsün".

Azərbaycan Respublikasının Prezidenti

İlham Əliyev

(Əvvəli ötən sayımızda)

Adətən istənilən bir yerə qonaq gedəndə insanın diqqətini çəkən görünənlər, yəni göz önündə dayananlar olur. Yəni nəyi görürsənsə, ona bir maraqla, bir öyrənmək həvəsi ilə diqqət yetirirsən. Bax, bu mənada mən Ağcabədidə demək olar ki, hər dəfə yeni nəyinsə şahidi oluram və gördüyüm də mənə bir vətəndaş olaraq xoş ovqat yaratmaq imkanı verir. Ən azından ona görə ki, yaradılan şərait, göz oxşayan gözəllik hamı üçündür. Həm ağcabədililər üçün, həm də gələn qonaqlar üçündü. Birincilər ondan hər gün zövq alacaq, ikincilər görüb gözlərində, könüllərində aparacaqlar - mənim kimi...

Bəli, indi rayon mərkəzini gəzərkən diqqətimi çəkən yeniliklərdən biri ağacların boy sırasını sanki bir iplə, bir xətkeşlə nizamlamasıdır. Adama elə gəlir ki, bu ağaclar özləri də onlara göstərilən qulluqdan bir növ zövq alırlar, həvəslənirlər. Ona görə də artımları, qol-budaq atmaları eyni səviyyədə baş verir. Bu da öz növbəsində ümumi mənzərəni daha gözəgəlimli bir duruma gətirir. Üstəlik də şəhərin əsas küçələri ilə yanakı tin və dalanlarında da eyni səliqə-səhmanın olması, işıq dirəklərinin müasirliyindən tutmuş əl işlərinin ornamentlərinə qədər hamısının bir incəsənət nümunəsi kimi göz oxşaması məhz dediyim torpağa sevginin bariz nümunəsidir. Heç də təsadüfi deyil ki, həmsöhbət olduğum hər kəs, xüsusilə də Ağcabədidə tanış olub ünsiyyət yaratdığım gənc dostum Xalid müəllimin də vurğuladığı kimi, bu işlər məhz Ağcabədi üçündü, ağcabədililər üçündü. Ona görə də adamlar görülən işdən həm zövq alırlar, həm də bir rahatlıq duyurlar. Xalid müəllim vurğulayır ki, 15-20 il bundan öncə Ağcabədidə heç kim ağlına gətirə bilməzdi ki, rayon mərkəzi bir Avropa şəhərinə çevriləcək. Buranın işıqlandırma sistemindən tutmuş kanalizasiya, su, qaz xətlərinin yüksək səviyyəli çəkilişlərinə qədər, yol, küçə, səki tikintisinə qədər hər şey bu qədər müasir və həm də rəngarəng olacaqdır. Təbii ki, bu rəngarəngliyi də yaradan bizim hər birimizə həm tövsiyə verən, həm qayğı göstərən, həm də tələb edən rayon icra hakimiyyətinin başçısı Şahin Məmmədovdur. Məhz Şahin müəllimin təşkilatçılığı, işə yaradıcı yanaşması bizlərə qol-qanad verir. Bizim özümüzün də fikirlərimizin daxilimizdə arzu kimi illərlə qalan istəklərimizin ortaya çıxmasında, rayonumuzun simasında öz əksini tapmasına şərait yaratmış olur. Tam gəminliklə deyə bilərəm ki, bu gün Ağcabədidə hər kəs ölkə rəhbərinə, xüsusilə cənab prezidentə bizə göstərdiyi qayğı və diqqətə görə, rayonumuzun inkişafına verdiyi dəstəyə görə minnətdardır.

Mən demək olar ki, Ağcabədi şəhərinin nisbətən arxa küçəsi hesab olunan məhəlləyə dönürəm. Bir vaxtlar bu yolla keçib avtovağzala, Ağdam yoluna doğru hərəkət etmişdim. O vaxtlar bu küçənin sıxlığı, yolun bərbadlığı bir növü gözdən, könüldən uzaq olmağı məndə heç də xoş olmayan fikirlər oyatmışdı. İndi isə bu küçəyə doğru hərəkət edəndə gözlərimə inanmadım. Demək olar ki, küçə sanki genişlənmişdi. Aparılmış təmir, abadlıq işləri elə bil yolu çəkib böyütmüşdü. Dərhal hiss etdim ki, burda yol işçiləri çox vicdanla çalışıblar. Artıq nə olubsa hamısını ləğv ediblər, əvəzində isə gözəl bir prospekt yaranıb. Prospektin hərəkət etdiyim istiqamətinin sol tərəfində müasir, böyük əraziyə malik xəstəxana da tikilib. İnanın ki, gecənin qaranlığında bu mənzərəni seyr etmək, bu binanın möhtəşəmliyini bir daha gözə, könülə köçürmək insana daxili bir rahatlıq bəxş edir. Mən də hələ icra hakimiyyəti binası qarşısında, daha doğrusu, YAP-ın rayon şöbəsinin binası qarşısında Rövşən Əhmədovla söhbət edərkən onun söylədiklərinin həm canlı şahidi kimi, həm də bir qonaq nəzərləri ilə seyr edən insan kimi bütün bunlardan çox məmnun oldum. Elə xəstəxananın girişinin qarşısında qarşılaşdığım, özünü rayonun Avşar kəndinin sakini kimi təqdim edən Məmməd kişidən öyrəndim ki, bu xəstəxana onların həm də ümid yeridi. Məmməd kişi bildirdi ki, əvvəlki xəstəxanamız çox basırıq bir binada yerləşirdi. Şükür Allaha ki, indi çox gözəl xəstəxanamız var. Həkimlərimiz də hamısı savadlıdı. İndi Bakıya, Şəkiyə, Gəncəyə getməyə ehtiyac yoxdur. Burda adamı sağaldıb yola salırlar, çıxıb gedir evinəg

Məmməd kişinin söylədiklərini xəstəxananın həyətində həmsöhbət olduğum digər xəstələr və xəstə sahibləri də təkrar etdilər. Onlar bildirdilər ki, binanın özü də yaraşıqlıdı, həyəti də genişdi, burda insanlara qayğı göstərən həkimlər də çox mehribandılar. Hətta orta yaşlı bir xanım vurğuladı ki, ::::doktorların hamısı özümüzünkülərdi. Hamısının qadasını alım. Baxırlar, dərdimizi deyib dərmanımızı da yazırlar::::.

Həqiqətən də bölgələrdə yaşayan insanların mentalitetimizə uyğun xoş rəftarı, məsələyə yanaşma mədəniyyəti var. Elə Ağcabədidə də şahidi oldum ki, rayon sakinləri öz bölgələrini sevdikləri kimi, onun yaxşı, uğurlu göstəricilərini də sevməyi, təqdim etməyi böyük ürəklə bacarırlar. Yəni bu adamlar içlərində ancaq sevgi, alqış daşıyırlar. Ona görə Allah da onları həmişə böyük lütflə qiymətləndirir. Mən bunu təsadüfi demirəm. Çünki məhz adamların ən narahat yerlərindən biri olan sağlamlıq məsələsi ilə bağlı xəstəxana həyətində qarşılaşdığım hər kəs ölkə prezidentinə və rayon rəhbərliyinə alqış edirdi. Onlar vurğulayırdılar ki, biz yaradılmış şəraitə görə prezidentimizə və rayonumuzun rəhbərinə düaçıyıq.

Ağcabədidə olduğum zaman kəsiyində mənim qarşılaşdığım hər bir məqama yerli sakinlərin özəl münasibətini öyrəndikcə içimdə bir rahatlıq da yaşayırdım. Necə deyərlər, bölgənin uğurlarını mətbuata çıxaran bir qələm adamı kimi daxilən rahat olurdum. Çünki mənim qonaq gözü ilə seyr edib gördüklərimi, onların fikirləri, münasibətləri daha da möhkəmləndirib, daha da cilalayırdı. Bu da mənə hər kəsə daha böyük həvəslə, ehtiramla yanaşmağa stimul verirdi. Elə həmsöhbət olduğum Hacı Mirələm də məhz mənim düşündüklərimi bir növü özünün təqdimatında mənə çatdırdı.

(Ardı var)

Əbülfət MƏDƏTOĞLU

Ədalət.- 2015.- 7 iyul.- S. 3.