33 sual
Əkbər
Qoşalı
-
Özünüzü "ƏN" şəkildə təqdim
edin
- Ən çox sevdiyiniz ədəbi cərəyan?
Belə bir bölgüm, sıralamam yoxdur...
- Çağdaş ədəbiyyatımızda ən çox oxunan yazarlar kimdir ()?
Bu statistikaya vaqif deyiləm, cavabım yalnız ehtimal yükü daşıyardı...
- Gənc yazarlardan ən çox kimləri oxuyursunuz?
Mən oxumağa Addan daha çox Əsərin özü ilə başlayıram...
Olur ki, bir cümlə məni vadar edir oxumağa.
Əlbəttə, özümün də mənsub olduğum DGTYB-nin üzvlərinin yaradıcılığına mümkün
olduğu qədər
daha çox diqqət göstərməyə
çalışıram.
- Ən aparıcı
qüvvə fikrinizcə
kimlər olmalıdır
- ədəbiyyatımız nəzərdə tutulur -
(gənc, orta, yoxsa yaşlı nəsil)?
Gələcəyi olanlar!
- Ən çox
bəyəndiyiniz əsəriniz?
Yazdıqlarımın hamısı mənə əzizdir - bəlkə... cırıb
atdıqlarım belə...
- İlla da, bir əsər göstərməliyiksə, hələlik,
"Türk Dünyasında
Ədəbiyyat... Ədəbiyyat(ımız)da Türk Dünyası..."
adlı məruzəmi
fərqləndirəlim... ANAR müəllimin "model məruzə"
dediyi o məruzəni
Yazıçıların XII Qurultayı qarşısında,
"Türk Dünyasında
Ədəbiyyat" adlı
hesabat konfransında oxumuşdum...
- Ən az
bəyənmədiyiniz əsəriniz
(hansı əsərininzi
yenidən işləmək
istərdiniz)?
Bu barədə düşünməmişəm...
- Ən çox
xoşladığınız peşə?
Yenə
eyni cavabı təkrarlamalı olacam: Bu
barədə düşünməmişəm...
- Ən çox
bəyəndiyiniz insani
özəllik?
Comərdlik!
- Ən çox
bəyənmədiyiniz insani
özəllik?
O şey ki, "insani özəllik"dir
o necə ən "bəyənmədiyimiz kateqorisi"nə
girə bilər?
- Ən çox
sevdiyiniz yazıçı
və ya şair?
İsa Muğanna, Can Yücel.
- Ən çox
hansı sosial şəbəkədən istifadə
edirsiniz?
"Feysbuk".
- Ən çox
sevdiyiniz geyim brendi?
Brend zövqüm sabit sayılmaz...
- Ən çox
sevdiyiniz telefon markası?
"Nokia"
- Ən çox
sevdininiz maşın markası?
Bugün
etibarı ilə
"Honda"...
- Ən yaxşı
dostunuz kimdir?
Bu necə sualdır,
a sağ olmuş?
- Ən sevimli idman növünüz?
Futbol.
- Ən çox
hansı vacibdir: İş, sevgi yoxsa istirahət?
Bunlar bir bütövün parçalarıdır...
- Ən çox
sevdiyiniz rəqəm və nə üçün?
3. - "Niyə"si açıq
qalsın...
- Ən çox
sevdiyiniz rəssam?
Ən çox sevdiyim rəsm(lər) ola bilər...
ancaq "ən çox sevdiyim" deyə nişan verəcəyim rəssamı
bəlirləməmiş durumdayam...
- Ən çox
sevdiyiniz kinofilim?
İdeoloji yüklərini önplanda
tutmasaq, Sovet dövrü filimlərimizin
böyük əksəriyyəti
"Ən..." kateqorisinə
layiqdir. Dünya kinosuna baxarsaq, gənəl olaraq, Maksimuslu "Qladiator"...
- Ən çox
sevdiyiniz telekanal?
"Bu suala uyğun "Ən" cavabəm yoxdur...
Yenə,
"National Geografi TV" ola bilər...
- Ən çox
sevdiyiniz mahnı?
Mən
"Kral orkestri"nə
də, Vivaldinin bəstələrinə də,
Pavarottiyə də, Barış Mançonun əsrarlı mahnılarına
da, Songül Qarlının oxuduğu türkülərə, şərqilərə
də, öz aşıqlarımızın şahanə
ifasına (örnəyi,
Aşıq İmranın
"Əmimoğlu Ağbulağa
gəlmədi"sinə, Mikayıl
Azaflının "Gözlərim"inə,
Aşıq Əkbər
Cəfərovun "Ay Mirzə
dayı"sına...) da
- hər birinə özgü zövqlə qulaq, göz, ruh verə bilirəm...
- Hərəsinin öz
yeri var... ancaq sualınızın
tələbi gərəyi,
rəhmətlik Nəzakət
Məmmədovanın ifasında...
"Harda olsam gələrəm" deyək...
- Ən çox
sevdiyiniz ədəbi janr?
Şeir.
- Ən çox
sevdiyiniz Azərbaycanlı
aktyor?
Xalq artisti Yusif Vəliyev.
- Ən çox
sevdiyiniz teatr tamaşası?
"YUĞ"un, "Pantomim"in
bəzi tamaşalarını
fərqləndirmək olar.
Teatr tamaşaları baxımından hələlik
"Ən"im yoxdur...
- Ən xoşlamadığınız
keyfiyyət (müasir
qızlar və oğlanlar nəzərdə
tutulur)
Ədəbsizlik. Əlbəttə, bütün müasir gənclərimizə aid deyil.
- Ən çox
xoşladığınız şeir parçası?
"...Qoca Azaflıyam, dilim var lalam,
Təbrizdə qardaşım, Sibirdə
balam...
Elə bir dərd varmı çəkməmiş olam?! -
Bax, onlar ağartdı saçımı mənim..."
- Ən çox
xoşladığınız atalar sözü?
"Haqq nazilər,
üzülməz!"
-Ən çox həyatda nə ilə qarşılaşmısınız
-məhəbbətlə, yoxsa
nifrətlə?
Məhəbbət deyəlim...
-"ƏN" olmaq üçün
nə etmək lazımdır.
Ədalətli olmaq, yaxşı
düşünmək, comərd
davranmaq...
- Sizin üçün
"ƏN" rubrikasında ən maraqlı sual hansı oldu?
Birinci sual...
- Ən çox
hansı sualın sizə verilməsini istərdiniz?
Kitabla, şəhərlə,
futbolçu (ümumən
idmançı) ilə, komanda ilə
bağlı suallar ola
bilərdi... Üstəlik, buradakı bəzi sualları verməmək
də olardı, deyə düşünürəm...
Ədalət.-2015.-5 mart.-S.5.