Kürdəmirdə sürətli inkişafa necə nail olunur?

"... İqtisadi müstəqillik bizim üçün böyük imkanlar açır. Biz iqtisadi müstəqilliyimizi düşünülmüş siyasətlə, aparılan islahatlarla, investisiya siyasətimizlə və regionların sosial-iqtisadi inkişafı Dövlət proqramlarının icrası ilə təmin etmişik".

Azərbaycan Respublikasının Prezidenti İlham Əliyev

Layihənin istiqaməti: Regionların sosial-iqtisadi inkişafının təşviq edilməsi

AzƏrbaycan Respublikasının Prezidenti yanında kütlƏvi informasiya vasitƏlƏrinin inkişafına dövlƏt dƏstƏyi fondunun maliyyƏ yardımı ilƏ

(əvvəli ötən sayımızda)

Muradxan kəndində tikinti işlərinin başlanırması bu günlərdə təmin ediləcəkdir. Hal-hazırda rayonun qaz almayan yaşayış məntəqələrinin qazlaşdırılması işləri sahəsində "İlkin-N", "Qaradağ-2008", "ANKZ-4" podratçı təşkilatları çalışır. Daha bir podratçı təşkilat Muradxan kəndinin qazlaşdırılması işlərinə cəlb edirmişdir.

Dövlət Proqramına uyğun olaraq hazırda rayonda əhalinin içməli su ilə təminatının daha da yaxşılaşdırılması və eyni zamanda şəhərin kanalizasiya şəbəkəsinin yenidən qurulması sahəsində işlərin gedişində müəyyən ləngliyə yol verilir. Dövlət Proqramına uyğun olaraq 2015-ci ilin I rübündə Kürdəmir şəhərinin Babək küçəsində diametri 500 mm olan polietilen boru vasitəsi ilə 200 p/m uzunluqda mərkəzi kanalizasiya xətti çəkilməkdədir. Bundan əlavə Babək küçəsində diametri 400 mm olan polietilen borularla 6 p/m kanalizasiya borusu dəyişdirilmişdir. Qeyd olunmalıdır ki, Babək küçəsində yüksək səviyyədə yenidənqurma işləri aparılacaq. Artıq həmin küçənin asfalt işlərinə başlanmışdır.

2015-ci ilin I rübündə mənzillərə 155 ədəd su sayğacı quraşdırılaraq aktivləşdirilmiş və əhalinin istifadəsinə verilmişdir. Xidmət olunan abonentlərin sayı 6100-ə çatdırılmış, abonentlərdən 31000 manat vəsait toplanmışdır.

Dövlət Proqramının uğurlu icrası və digər mühüm tədbirlər

Kürdəmirdə Regionların sosial-iqtisadi inkişafı Dövlət Proqramında nəzərdə tutulmuş tədbirlərdən əlavə xeyli yenidənqurma, tikinti və abadlıq işləri aparılmışdır.

2015-ci ilin I rübündə Qələbə parkında 110 p/m bordür və 106 m2 mozaik tava döşənmiş, 60 m2 hörgü işləri, 138 m2 ağlay işləri görülmüş və 15 ədəd müasir işıqlandırma dirəkləri quraşdırılmışdır. Park ərazisinə 2500 m2 qazon bitkisi səpilmişdir. Hal-hazırda Qələbə parkında işlər başa çatdırılmış və park əhalinin istifadəsinə verilmişdir.

Tarix Diyarşünaslıq muzeyinin dam örtüyü və fasad hissəsi müasir üslubda yenidən qurulmuş, binanın qapı-pəncərələri müasir dizayna uyğun şəkildə yenilənmişdir. Hazırda binanın daxilində təmir bərpa işləri aparılır. Yeni Azərbaycan Partiyasının rayon təşkilatının yeni 2 mərtəbəli binasının fasad hissəsində ağlay işləri başa çatdırılmış, hazırda daxili divarlarda rənglənmə işləri aparılır.

Bayraq meydanında 815 m2 hörgü işləri, 544 m2 suvaq işləri, 301 m3 dəmir beton işləri, 300 m3 çınqıl daşınma işləri, 4015 m3 torpaq daşınma işləri, bayraq muzeyinin fasad hissəsində 335 m2 cəbhə sisteminin quraşdırılması, bayraq dirəyinin gücləndirilməsi, 2 ədəd fontan elemetlərinin quraşdırılması, 150 p/m kanalizasiya çəkilişi işləri aparılmış 60 metr hündürlüyündə bayraq dirəyi qaldırılmışdır. H.Əliyev parkında əsaslı yenidənqurma və abadlıq işləri davam etdirilərək 1195 m2 qranit döşəmə işləri aparılmışdır. Bütün bu görülən işlərlə bərabər müasir üslubda tikilən körpələr evi-uşaq bağçasında 100 p/m bordür işləri, 135 m2 kafel metlaq işləri, 342 m2 hörgü işləri, 844 m2 suvaq işləri, 168 m2 tametdöşəmə işləri, 29 m3 dəmir beton işləri, 150 p/m kanalizasiya çəkilişi işləri, 90 m2 qranit döşəmə işləri və 950 m2 rəngləmə işləri görülmüş, 31 ədəd müasir tipli avropa qapıları və binanın yanğından mühafizə çıxışları quraşdırılmışdır. Artıq bağçada son tamamlanma işləri aparılır.

Şəhərin Bakı prospektindən başlayaraq yolun hər iki tərəfindən Bayraq meydanı istiqamətində 1651 p/m bordür düzülmüş ,348 m2 mozaik tava döşənmiş, 84 m2 hörgü128 m2 suvaq işləri aparılmış, yolun sağ və sol hissələrinə 200 min m3 torpaq daşınaraq süni torpaq yamacları yaradılmışdır.

Dövlət Proqramına əsasən əhaliyə rabitə xidmətinin yaxşılaşdırılması məqsədi ilə rayonun Muradxan, Köhünlü, Şilyan, Sığırlı kənd EATS-lərinin daxili xətt şəbəkələrində cari təmir işləri aparılmış, ümumilikdə 50 ədəd telefon xətti texniki normaya gətirilmişdir.

Kürdəmir Poçt filialı tərəfindən cari ilin 3 ayında investisiya hesabına rayonun Qarabucaq qəsəbəsində və Qarasaqqal kəndində müasir tələblərə cavab verən yeni poçt binaları tikilərək istifadəyə verilmiş, hazırda Qocalı kəndində yeni poçt binasında son tamamlama işləri aparılır və yaxın günlərdə istifadəyə verilməsi nəzərdə tutulmuşdur.

Təhsil, səhiyyə və mədəniyyət sahələri daim diqqət mərkəzində

Rayonda təhsil, səhiyyə və mədəniyyət sahələrinin inkişaf etdirilməsi, mövcud problemlərin aradan qaldırılması ilə əlaqədar müvafiq tədbirlərin həyata keçirilməsi diqqət mərkəzində olmuşdur.

Regionların sosial-iqtisadi inkişafı Dövlət Proqramına uyğun olaraq Rayonlararası Psixiatriya Xəstəxanasının tikintisi üçün hazırlıq işləri aparılmış, yerli büdcə vəsaiti hesabına Uşaq Xəstəxanası və Poliklinika şöbələrində, Muradxan və Qarasaqqal kənd həkim məntəqələrində cari təmir işləri görülüb başa çatmışdır.

2014-cü ildə inşasına başlanmış 624 şagird yerlik Atakişilli kənd tam orta məktəb binasında 2015-ci I rübündə binanın əsas korpusunun ikinci mərtəbəsinin hörgü işləri tamamlanmış, bir hissəsinin monolit tavası tökülmüşdür. Akt zalı və idman zalı yerləşən korpusda ikinci mərtəbənin hörgü işləri aparılır. Tikintinin dəhliz hissəsində birinci mərtəbəsinin hörgü işləri tamamlanmış, monolit örtük tavası tökülmüşdür. Azərbaycan Respublikasının Prezidenti Cənab İlham Əliyevin tapşırığına əsasən 2015-ci ilin fevral ayının 2-dən rayonda əhalinin tibbi müayinədən keçirilməsinə başlanılmışdır. Bu məqsədlə 30 nəfərdən ibarət xüsusi komissiya yaradılmış, həmin komissiyalar Mərkəzi Rayon Xəstəxanasında, Poliklinika şöbəsində, rayonun Karrar və Mollakənd kənd xəstəxanalarında, Xəlsə, Şilyan, Sığırlı, Yenikənd, Topalhəsənli və Qarasaqal kənd həkim məntəqələrində əhalinin tibbi müayinədən keçirilməsində iştirak etmişlər. Artq rayon üzrə tibbi müayinə tədbirləri uğurla başa çatdırılmışdır. Rayonda ötən müddətdə maddi və mədəni irsin qorunması və inkişaf etdirilməsi istiqamətində davamlı olaraq tədbirlər həyata keçirilmişdir. Azərbaycan Respublikasının Prezidenti Cənab İlham Əliyevin həyata keçirdiyi daxili və xarici siyasətin təbliği rayon İcra Hakimiyyəti Başçısı Aparatının apardığı ideoloji işin başlıca istiqamətini təşkil edir.

İctimaiyyət arasında nüfuza, təbliğat sahəsində səriştə və təcrübəyə mailk olan təbliğat qrupları daimi fəaliyyət göstərir. Fəalların və təbliğat qruplarının yaxından iştirakı ilə möhtərəm Prezidentimizin həyata keçirdiyi siyasətin təbliği ilə bağlı məqsədyönlü ictimai-siyasi tədbirlər həyata keçirilir.

Cinayətkarlığa qarşı mübarizə günün tələbləri səviyyəsindədir

Dövlətçilik və müstəqillik prinsipləri ilə fəaliyyət göstərən rayonun hüquq-mühafizə orqanları vətəndaşlarımızın hüquq və azadlıqlarının təmin edilməsində, cinayətkarlığa qarşı mübarizə və ictimai-siyasi asayişin qorunması sahəsində ardıcıl olaraq iş aparmışlar.

2015-ci ilin birinci rübündə rayonda 45 cinayət hadisəsi qeydə alınmaqla baş vermiş cinayət hadisələrinin açılması əsasən təmin olunmuşdur. Rayonun hüquq-mühafizə orqanları cinayətkarlığa və hüquq pozuntularına qarşı müntəzəmliklə ciddi tədbirlər həyata keçirir, polis əməkdaşları asayişin qorunmasında yüksək fəallıq nümunəsi göstərirlər.

Ədalət.-2015.-23 may.-S.4.