ŞƏKİ:
MƏDƏNİYYƏT VƏ TURİZM SEKTORUNUN MÜHÜM
BAZASI
REGİON
AzƏrbaycan Respublikasının Prezidenti yanında kütlƏvi informasiya vasitƏlƏrinin inkişafına dövlƏt dƏstƏyi fondunun maliyyƏ yardımı ilƏ
(əvvəli
ötən saylarımızda)
Bu gün Şəki
özünün ipəyi,
eyni zamanda, halvası, noğulu, mindalı və digər dadlı şirniyyatları ilə tanınır. Azərbaycan Milli Kulinariya
Mərkəzinin direktoru
Tahir Əmiraslanov bildirib ki, belə
festivalların keçirilməsində
əsas məqsəd xalqımızın qeyri-maddi
mədəni irsinin qorunub saxlanmasına nail olmaqdır. Bu festival təkcə Şəkinin
deyil, ölkəmizin zəngin mətbəx mədəniyyətinin daha
yaxından tanıdılmasında
əhəmiyyətli rol
oynayacaq.
Mərasimdə Fransanın Azərbaycandakı
səfiri və digər iştirakçı
ölkələrin təmsilçiləri çıxış
edərək belə festivalların xalqlar arasında dostluğu, sülhü və mədəni əməkdaşlığı
təbliğ etdiyini xüsusi vurğulayıblar.
Sonra tədbir iştirakçıları
xarici ölkələrdən,
həmçinin Azərbaycanın
şəhər və
rayonlarından gəlmiş
qənnadçıların əvvəlcədən hazırladıqları
şirniyyat məhsulları
ilə tanış
olublar. İştirakçı ölkələrin milli mətbəxlərinə
aid şirniyyat nümunələri,
həmçinin Azərbaycan
qənnadıçılarının hazırladıqları paxlava,
fəsəlli, qatlama,
noğul və müxtəlif halvalar tədbir iştirakçıları
tərəfindən böyük
maraqla qarşılanıb.
Şəki qənnadçıları festivalda Şəki halvası, paxlava, qoz və fındıq
mindalı, barama şirni, noğul, bamiyə, qırmabadam və geniş çeşiddə digər
milli şirniyyat nümunələrini sərgiləyiblər.
Korkunov adına
"Moskva şokolad məktəbi"nin rəhbəri
Yelena Suçkovanın sədrlik
etdiyi 23 nəfərdən
ibarət münsiflər
heyətinin rəyinə
əsasən, respublikamızın
təmsilçiləri arasında
Gəncə şəhərinin
şirniyyatçıları birinci yeri tutublar.
Şəki və Zaqatala
qənnadçıları ikinci, Ağdaş, Göyçay, Oğuz rayonları və Naftalan şəhərinin
təmsilçiləri isə
üçüncü yerə
layiq görülüblər.
İştirakçı ölkələr arasında Rumıniya, Qazaxıstan və Fransa təmsilçiləri
birinci yeri tutaraq festivalın qızıl medallarına və Azərbaycan Milli Kulinariya Mərkəzinin kubokuna
sahib çıxıblar. İkinçi yeri Serbiya və Rusiya təmsilçiləri, üçüncü
yeri isə Moldova, Qırğızıstan və
Şimali Kipr Türk Cümhuriyyətinin
qənnadıçıları tutublar. Şirniyyat sexləri arasında
isə Şəkinin
"Ələhməd şirniyyat
evi" birinci yerə layiq görülüb. Bundan əlavə,
Azərbaycan Milli Kulinariya Mərkəzi tərəfindən Şəki
şəhəri Azərbaycanın
ənənəvi şirniyyat
paytaxtı elan edilib və bununla bağlı diplom şəhər rəhbərliyinə təqdim
olunub. Festivalda Şəkinin musiqi
kollektivləri rəngarəng
konsert proqramı ilə çıxış
ediblər.
Avqustun 22-də Azərbaycanın
qədim mədəniyyət
mərkəzlərindən olan Şəki şəhərində növbəti
beynəlxalq tədbir
- "Nağara-2015" Beynəlxalq Zərb Alətləri Festivalının açılışı
olmuşdur. Mədəniyyət və Turizm
Nazirliyi, Şəki Şəhər İcra Hakimiyyəti və
"ALMUS Prodiction" şirkətinin
təşkilatçılığı ilə keçirilən festivalda Azərbaycanla yanaşı, Türkiyə,
İran və Özbəkistandan məşhur
ifaçılar iştirak
etmişlər. Festivalda ölkəmizi
"Natiq ritm" qrupu təmsil etmişdir. Azərbaycanda, eləcə də
Qafqazda ilk dəfə
olaraq reallaşan bu musiqi bayramı
avqustun 26-dək davam etmişdir. Festivalda Özbəkistanın "Abbos",
İranın Lian, Türkiyənin "Harem" qrupları
da iştirak etmişlər. Həmin qrupların aparıcı
musiqiçiləri tərəfindən
ustad dərsləri də keçirilmişdir.
Avqustun 28-də Azərbaycanın
qədim mədəniyyət
mərkəzlərindən olan və festivallar
şəhəri kimi tanınan Şəkidə
növbəti beynəlxalq
tədbir - IV Beynəlxalq
Qafqaz Motofestivalı keçirilmişdir. "Harley Davidson" "Baku HOG
Azerbaijan", Şəki Şəhər
İcra Hakimiyyəti,
Mədəniyyət və
Turizm Nazirliyi, Gənclər və İdman Nazirliyi və Çingiz Mustafayev Fondunun birgə təşkilatçılığı
ilə keçirilən
festivalda dünyanın
müxtəlif ölkələrindən
gələn baykerlər
iştirak etmişlər.
Dünya
şöhrətli "Beatles" və "Lady Qaqa" qruplarının "tribute"larının
çıxışı tamaşaçılar
tərəfindən maraqla
qarşılanıb. Festival "Natiq ritm" qrupunun çıxışı ilə
başa çatıb.
Avqustun 29-da Qəbələdə
keçirilən III Beynəlxalq
Mürəbbə Festivalında
Şəkinin şirniyyatçıları
və qənnadı ustaları da, habelə xalq tətbiqi sənəti ilə məşğul olan el sənətkarları
da təmsil olunmuşlar. Festivalda ölkəmizin ayrı-ayrı
bölgələri ilə
yanaşı Türkiyənin,
İranın, Qırğızıstanın,
Çuvaşiya və
Yakutiyadan da qənnadı ustaları iştirak etmişdir.
Şəkinin qənnadı ustaları
festivalda uğurla iştirak edərək baş mükafata - qızıl medala layiq görülmüşlər.
Müasirləşən infrastruktur da xüsusi əhəmiyyət
kəsb edir
Hazırda Şəkidə 20 mehmanxana
və mehmanxana tipli obyektlər vardır.
Mehmanxana və mehmanxana tipli turist obyektlərinin
hamısında restoran,
kafe, bəzilərində
isə bar mövcuddur.
Bunlarla yanaşı, şəhərdə
geniş restoran və kafelər vardır. Onlardan
"Çələbixan", "Soyuqbulaq", "Qurcana",
"Qaqarin", "Xan
bağı", "Karvan",
"Məkan", "Arzu",
"Ləziz", "Qırxbulaq",
"Sahil", "İdeal",
"Min bir gecə",
"Sərin ada" və s. restoran və kafeləri, habelə Şəki şirniyyatı və zəngin çeşiddə
mürəbbələr təklif
olunan çoxlu sayda "Çay evləri" vardır.
Şəkidəki dağ kəndlərinin ətəklərində kifayət
qədər qaynama suları və çeşmələr vardır. Bunlar əsasən
yay aylarında çıxır. Onlardan
aşağıda adları
qeyd edilənlər xalq
arasında daha məhşurdur:
- "İsitmə bulağı"
(şəhərin "Yuxarıbaş"
Tarix-Memarlıq Qoruğunun
şimal sərhəddində)
- "Qaranlıq dərə" (Baş Zəyzid kəndi ərazisində)
- "Taclıq suyu" (şəhərin şimali-şərqindəki
dağ massivində)
- "Nöyül bulağı"
(şəhərin dağdibi
hissəsində)
- "Soyuqbulaq" (şəhərin
şimal hissəsində)
- "Kükürdlü bulaq"
(Cunud kəndindəki
dağ massivində)
Hazırda yaşıl turizmin (kənd turizminin) coğrafiyası genişlənməkdədir. Şəkinin
əsasən dağətəyi
kənd yaşayış
məntəqələrində turistləri qəbul etmək və onlara normal xidmət göstərmək üçün
40-a yaxın ev
vardır. Yaxın perspektivdə ovçuluq
turizminin infrastrukturunun
yaradılması ilə
bağlı təşkilati
və əməli tədbirlərin həyata
keçirilməsi nəzərdə
tutulur.
Mədəni-maarif müəssisələrinin maddi-texniki
bazasının yaxşılaşdırılması
və onların təyinatı üzrə
ən zəruru inventar və avadanlıqlarla təchizatı
yönümündə təşkilati
və əməli tədbirlər görülmüşdür. Mədəni-maarif
müəssisələri çoxlu
sayda kompüter dəstləri, şkaf, kitab rəfi, stol, stul,
pərdə, kovralit və digər bərk və yumşaq inventarlarla təchiz edilmişdir.
Məzahir
ƏHMƏDOĞLU
Ədalət.-2015.-2 0ktyabr.-S.3.