DÜNYA ELƏ BAXIR...

 

O göylər çiynimə əl kimi enə,

Varammı, yoxammı?!.İndi kimə nə?..

Tanrı elə ömür verib ki, mənə

vaxtsa başıma qaxası deyil.

 

Bu alın yazımın ömrü az olar,

Pozulmasın deyə daşa yazılar.

Mən ki qocalmışam

cavan arzular

Çevrilib üzümə baxası deyil.

 

Özümü yandırır "Şikəstə" sinəm,

Dərdim zil kökdədir, haraylarım bəm.

Gözümün kökündə daş bağlayıb qəm,

Göz yaşım könlümə axası deyil.

 

Mənim tale payım-şirin bir yuxu,

Nədir uduzduğu, nədir udduğu?!.

Dünya elə baxır,

bərk-bərk tutduğu

Guya ki, Sahibin yaxası deyil.

YOXDUR

 

Sinəm ocaq çatıb onu anmağa,

Ayrılıq öyrəşib məni danmağa.

Bu eşqim hazırdır oda yanmağa,

Amma söz deməyə cürəti yoxdur.

 

Neyləyim yalquzaq dəmlər əlindən?

Zilim qan ağlayır bəmlər əlindən.

Gizlənə bilmədim qəmlər əlindən,

Bu boyda dünyanın xəlvəti yoxdur.

 

Yox, yox, "Sahib" demir o səs, o səda,

Gəlmir daş ürəklim gözüm dolsa da.

Hamının belə bir yarı olsa da,

Hamının belə bir həsrəti yoxdur.

 

QARIŞQA

 

Qarışqa, mən kiməm, nəçiyəm-sorma,

Oxşarıq qarışqa taleyimizdən.

Sən mənim boyuma həsəd aparma,

Bir harın gözündə qarışqayam mən.

 

Niyə şir olmadın, niyə, həyatda?!.

Bir bax, qan tökəni "böyük" sayırlar.

Sən hər gün ölürsən ayaqlar altda,

Axı kiçikləri tapdalayırlar.

Yalanlar yeriyir qarışqa təki,

Ali kürsülərə dırmanır min-min.

Lenin ordenin,

, ki,

"Şərəf lövhəsi"ndə şəklin var sənin.

 

Səndən pay umurlar o yol kəsənlər,

Paysızı yandırıb kül eləyirlər.

Halal qazancında haram gəzənlər,

Səni hey şişirdib fil eləyirlər.

 

Bir az nəfəsini dərəsən bəlkə,

Qarışqa fürsətin bitdimi məgər?

Sən yük daşıyırsan özündən yekə,

Yekənin yükünü kiçiklər çəkər.

 

Qaçırıq bir tikə çörək adına,

Mənim şum ömrümü tərim suvarır.

Belə ağır zəhmət

Torpaq altına

Bizi ölü, səni diri aparır.

 

Kim deyir, qaralıq eyibdir, eyib?!.

Bəxtin qarasında axtarma günah.

Səni qara günün qara eləyib,

olsan qarışqa olmazdın vallah!..

 

ƏLLƏR TİKAN ƏKİR...

 

Əllər tikan əkir qol-budaq olur,

Ayaqlar axırda badalaq olur.

Dərdlər yığılanda böyük dağ olur,

Dağlar da yığılır ürəyin üstdə.

 

Götürən tapılmır üzdən boyanı,

Daha Fərhad çapmır daşı, qayanı.

Kəmərlə asıblar abır-həyanı,

Dollar kəmər olub göbəyin üstdə.

 

Görən hara gedir indi bu yollar?!.

Acları "doyurur" köhnə nağıllar.

"Anam sənə qurban" deyən oğullar,

Rəqs edir "Ay sarı köynək"in* üstdə.

 

Özüm böyümürəm, böyüyür sözüm,

Tanrının payıdır mənə bu dözüm.

Özgə vaxt heç nəyi seçməyən gözüm,

Dörd olub bir qanlı kötəyin üstdə.

 

Elə bil, sərxoşdur, mey içib dünya,

Bizi yox, Şeytanı seçib bu dünya.

Tamah barmağına keçib bu dünya,

Fırlanır bir tikə çörəyin üstdə.

 

*"Ay sarı köynək" xalq mahnısıdır.

GÖZLƏRİMİN BİR QAPISI

 

Bu gediş, bu gəliş?

Yazıq canım, bax kirimiş.

Nadanlara açıq imiş,

Bu dünyanın sirr qapısı.

 

Qorxuram yol çata sona,

Ümidimin tabı sına.

Açılır şah qapısına

Daha haqqın pir qapısı.

 

Qəzəbə tuş gəlmisiniz,

Əlləri boş gəlmisiniz.

Bəzənib "Xoş gəlmisiniz!"

Sözü ilə şir qapısı.

 

Sinəm olub qabar-qabar,

Bütün dərdlər məni tapar.

Könlümün min qapısı var,

Gözlərimin bir qapısı.

 

TAPMIŞAM

 

Bal dadır bu eşqin barı könlümdə,

Yığılıb dünyanın varı könlümdə.

Tutub saxlayacam yarı könlümdə,

Axır ki, özümdə cürət tapmışam.

Yüz aşiq odlayar bircə baxışı,

Yağdırıb ömrümə qarı, yağışı.

Axır öz ovcuma gözümün yaşı,

Bəxtə bax, müftəcə qismət tapmışam.

 

Açılan çiçəkdir yaz havasında,

Mən isə qalmışam eşqin yasında.

Qoy məni axtarsın qəm yuvasında,

Yardan gizlənməyə xəlvət tapmışam.

 

Bilmirəm, bir şirin güman olacam,

Yoxsa dağ ayrısı duman olacam?!.

Gözləri gözələ qurban olacam,

Ay Allah, gözəl fürsət tapmışam.

 

Bu fağır bildiyim qəlbim kür imiş,

Ağrı suvarmağa qanım gur imiş.

Doğrudan sevginin gözü kor imiş,

Vüsal əvəzinə həsrət tapmışam.

 

UNUDAM GƏRƏK...

 

Niyə çəkdiyimi biləsən, niyə?!.

Niyə ağrı-acım gözünə dəyə?!.

Neynim, yerim yoxdur qəm gizlətməyə,

Xəlvətə çəkilib qəm udam gərək.

 

Daha sən mənsizsən alqışlarımda,

Bir qərib sevgi var baxışlarımda.

Özünü görürsən göz yaşlarımda,

Gözümün yaşını qurudam gərək.

 

Həsrət sevinmir heç sənin təki,

O hansı ürəkdir bölünüb iki?!.

İstədim unudam səni,

gördüm ki,

Ən əvvəl özümü unudam gərək.

 

ÜRƏK DEMİR...

 

Qara bulud dolub gedir,

Yerdən halı olub gedir.

Göy yarpaqlar solub gedir,

Sinirəmmir yel deyəni.

 

Sinəm üstdə dağlar qalıb,

Yar dilində "ah"lar qalıb.

Yazıq bülbül ağlar qalıb,

Tikan sancır gül deyəni.

 

Yolum yoxuş, şələm ağır,

Ürəyimdən qanlar axır.

Bir qaydadır əzəl-axır

Başlar çəkir dil deyəni.

 

Vaxt fələyə fələk demir,

Hər əsənə külək demir.

Mən neyləyim, ürək demir

Ay deyəni, il deyəni.

 

ŞİMŞƏK

 

Dayan, yaxşı-yaxşı görüm üzünü,

Yaxın gəl, mən olum qoy dərd bölənin.

Eh, yoxsa mənimtək için özünü

Çölün özgəni yandırır sənin.

 

Oduq ikimiz , amma çox azıq,

Özüm eşidirəm səsimi yalnız.

Ağlını göylərə vermə, ay yazıq,

Yerdə guruldamaq olmaz arxasız.

 

pay umanın var, yol kəsənin,

Vergi qoyan yoxdur od həvəsinə.

Meydanın böyükdür göylərdə sənin,

Yerdə bələdiyyə yer verməz sənə.

 

Göründün yenə göynədi yaram,

Bəlkə daha xoşdur dincliyin, mürgün?!.

Sənin işığına görə

Qorxuram

Bizdən işıq pulu yığalar hər gün.

 

Yox, enmə göylərdən, orda alış sən,

Orda atını çap, orda qanad gər.

Yerdə özbaşına yanmaq istəsən,

Səni heç yanmamış kül eləyərlər.

 

Bir qəmin nurunda ömür sürmüşəm,

Mənim ki istəyim o göylər idi.

Yerdə şimşəkləri elə görmüşəm,

Göyə baxmağa da qorxuram indi.

 

Sənə deyiləsi neçə sözüm var,

Dişimlə sıxmaqdan dilim əzilib.

Göydə şimşək nəsli artırmaq olar,

Yerdə şimşək nəsli çoxdan kəsilib.

 

SONRA

 

Min ildir deyirlər əvvəl-axır var,

Səbr diləməyə hələ ahıl var.

Papaq altda baş var, bir ağıl var,

Papaqlar boş qalır ağıldan sonra.

 

O kimdir mey içir qanlı bərədə?

Yurd çadır olubdur bir az bəridə.

Nağıl söyləyirlər Şuşa barədə,

Alma Şuşa olmur nağıldan sonra.

 

Ürəyim quruyub, sözüm su içmir,

O dağım, o dərəm, düzüm su içmir.

Mənim bu noğuldan gözüm su içmir,

Vətən yaddan çıxır noğuldan sonra.

 

Qana bax saxtanın saxta dinində,

Tülkü hiyləsində, Şeytan kinində.

Torpaqlar yaşayır oğul çiynində,

Torpaq şəhid görmür oğuldan sonra.

 

 

YARIMÇIQ

 

Dedim, bu çəmənin gülləri buta,

Demədim, tikanı dizimə bata.

Əyrilər dolaşır əlində balta,

Görürəm hər yerdə düzü yarımçıq.

 

Bəxtimin dalınca bir daş atmışam,

Başımı dərdimə qoyub yatmışam.

Yarımçıq evimdə ocaq çatmışam,

İsidir canımı közü yarımçıq.

 

ayım bəllidir, günüm bəlli,

Təzyiq yaxamdan tutub min əlli.

Tanrı üz göstərmir mənə əməlli,

Görünür Tanrının üzü yarımçıq.

 

Bu yurdu yarımçıq qoydular necə,

Yarımçıq nur saçır Ay da hər gecə.

Ay aman!.. Yarımçıq imiş,

gör neçə

Bütöv bildiyimin özü yarımçıq.

 

Doğuldum yarımçıq bir yoldan ötrü,

Bitmir arzumun da yarımçıq dövrü.

Sözündə bütövdür Sahibin ömrü,

Gedir qəzetlərdə sözü yarımçıq.

 

Ədalət.-2015.-15 oktyabr.-S.7.