ORDA BİR KƏND VAR, UZAQLARDA

Layihənin istiqaməti: Regionların sosial-iqtisadi inkişafının təşviq edilməsi

"... Azərbaycanın apardığı xarici və daxili siyasət xalq tərəfindən dəstəklənir və əminəm ki, bu il də görüləcək işlər nəticəsində Azərbaycan daha da güclənəcək..."

Azərbaycan Respublikasının Prezidenti

İlham Əliyev

(əvvəli ötən sayımızda)

Danaçı kəndi böyük yüksəliş

dövrünü yaşayır

Bildiyiniz kimi, indi bu yerlər tamam dəyişibdir. Zəlzələ baş verən kəndlər cənab Prezidentin misilsiz qayğısı sayəsində indi ən inkişaf etmiş ölkələrin şəhər tipli qəsəbələrinə bənzəyir. Rayonun ən böyük kəndlərindən biri olan Danaçı kəndinin də ikinci böyük yüksəliş dövru yaşanır. Aqrar sahənin inkişafı, fermerlərə dövlət dəstəyi, beləliklə də kəndlərin daha da inkişaf edib arzulanan səviyyəyə çatması "Kənd təsərrüfatı ili" elan edilmiş 2015-ci ildə daha mükəmməl xarakter alacaqdır.

Nazirlər Kabinetinin 2014-cü ilin yekunlarına və qarşıda duran vəzifələrə həsr olunmuş iclasında çıxış edən Azərbaycan Respublikasının Prezidenti bu amili aparılan düzgün siyasi və iqtisadi siyasətin uğurları kimi vurğulamışdır. Cənab Prezident demişdir: "... Bu, bir daha onu göstərir ki, bizim tutduğumuz yol düzgün yoldur. Azərbaycan müstəqillik, inkişaf yolu ilə gedir. Bir neçə il bundan əvvəl dünyanı bürümüş iqtisadi və maliyyə böhranı, eyni zamanda, bölgədə baş verən xoşagəlməz hadisələr, toqquşmalar Azərbaycanın uğurlu inkişafına təsir etməmişdir. Bunun başlıca səbəbi Azərbaycanda ictimai-siyasi vəziyyətin sabit olmasıdır, xalqla iqtidar arasındakı birlikdir və bizim bütün proqnozlarımızın uğurlu icrasıdır. Azərbaycanın apardığı xarici və daxili siyasət xalq tərəfindən dəstəklənir və əminəm ki, bu il də görüləcək işlər nəticəsində Azərbaycan daha da güclənəcək.

Ölkə iqtisadiyyatı uğurla inkişaf etmişdir. Keçən ilin əvvəllərində qarşıya vəzifə qoyulmuşdur ki, həm ümumi daxili məhsul, eyni zamanda, qeyri-neft sektorumuz artsın. Bu iki əsas vəzifə tam şəkildə təmin edilmişdir. İqtisadiyyatımız təxminən 3 faiz artmışdır. Bu, bugünkü dünyada çox gözəl göstəricidir. Bəzi ölkələrdə artım da yoxdur..."

Tərəqqinin nümunəsi

İnkişafın, tərəqqinin nümunəsi kimi biz bu gün Zaqatala rayonundan, ayrıca olaraq Danaçı kəndindən heç bir tərəddüd keçirmədən ürəkdolusu söhbət aça bilirik. Elə RİHB-nın Danaçı kənd inzibati dairəsi üzrə nümayəndəsi Məmməd Başiyevlə bu məsələlər barədə danışarkən bütün bunları bir daha yəqinləşdirdik. M.Başiyev söhbətimiz zamanı görülən işlər barədə geniş məlumat verərək dedi:

- Azərbaycan Respublikası Prezidentinin 19 fevral 2013-cü il tarixli Zaqatala rayonunun sosial-iqtisadi inkişafının sürətləndirilməsinə dair əlavə tədbirlər haqqında sərəncamı ilə on altı min nəfər əhalinin yaşadığı 12 yaşayış məntəqəsini birləşdirən Zaqatala-Danaçı-Aşağı Çardaxlar avtomobil yolunun təmiri məqsədi ilə Prezidentin ehtiyat fondundan Zaqatala Rayon İcra Hakimiyyətinə ayırmış vəsait hesabına avtomobil yolunda tikinti işləri davam etdirilmişdir. Keçən il nümayəndəliyə vətəndaşlar tərəfindən 119 şifahi müraciət olunub. Müraciətlərin 22%-i baş vermiş zəlzələ ilə bağlı olmuşdur. Həmin müraciətlərin hər birinin həllinə diqqətlə yanaşmışıq. Bizim səlahiyyətimizdə olan müraciətlər qısa müddətə həll olunub. Səlahiyyətimizdə olmayan müraciətlərin həlli üçün vətəndaşı aidiyyəti üzrə müraciət etməsini, ya da özümüz həmin təşkilatlara müraciət etməklə vətəndaşlara köməklik göstərilməsi üçün çalışmışıq.

Bildiyimiz kimi, Danaçı kənd inzibati ərazi dairəsi üzrə nümayəndəliyin ərazisi inzibati cəhətdən rayonun iri nümayəndəliklərindən biridir. Nümayəndəlikdə 2 yaşayış məntəqəsi olmaqla 2253 təsərrüfat vardır. Danaçıda 7331 nəfər, Uzunqazmalarda 504 nəfər olmaqla cəmi 7835 nəfər yaşayır. Bayaq sizin də qeyd etdiyiniz kimi, 07 may 2012-ci il və sonrakı tarixdə bölgəmizdə baş vermiş zəlzələ nəticəsində Danaçı kənd inzibati ərazi dairəsi üzrə nümayəndəliyinin Danaçı və Uzunqazmalar kəndlərində də vətəndaşların çoxsaylı fərdi yaşayış evlərinə və sosial obyektlərinə xeyli ziyan dəymişdir.

12.05.2012-ci il tarixindən başlayaraq FHN-nin komissiyaları evlərə baxış keçirmişdir. Ümumiyyətlə komissiyalar tərəfindən tərtib edilmiş baxış aktlarına əsasən Danaçı KİƏD-si üzrə vətəndaşlara məxsus fərdi yaşayış evlərinə qəzalılıq kateqoriyası verilmiş, 532 ev vətəndaşların, Danaçı 1 və 2 saylı tam orta, 4 saylı ibtidai məktəbləri tikilərək müəllim və şagirdlərimizin ixtiyarına verilmişdir. Baxış aktına əsasən bərpa-gücləndirməsi nəzərdə tutulmuş 241 fərdi yaşayış ev sahibinə 1 177 000 manat konpensasiya ödənilmişdir.

29.01.2013-cü il tarixində RİH-nin başçısı cənab Mübariz Əhmədzadə və FHN-nin müavini cənab Orucəli Hacıyev kənd ictimaiyyəti ilə görüş keçirmişdir. Görüşdə çoxsaylı vətəndaşların fərdi yaşayış evlərinə təkrar baxılması ilə bağlı müraciətinə əsasən RİN-nin başçısının təşəbbüsü ilə FHN-nin 3 qrup komissiyaları nümayəndəlik üzrə olan bütün fərdi yaşayış evlərinə təkrar baxış keçirilmişdir. Uzun illər Danaçı kənd camaatının arzusunda olduğu qaz çəkilişi artıq reallaşmışdır. Ümumiyyətlə, Danaçı kəndində 1870 qaz sayğacı quraşdırılıb, 1693 sayğacın kodu açılaraq qeydiyyata alınıb və artıq 1693 nəfər qazdan istifadə edir. Vətəndaşlara qazın verilməsi işləri davam etdirilir.

Kənd camaatının içməli suya olan tələbatını nəzərə alaraq Dövlət Proqramına uyğun su şəbəkəsinin yaradılması istiqamətnində də işlər aparılır. Belə ki, Danaçı kəndində artezian quyusu qazılmış, 200 kubmetrlik su anbarı və 7600 metr müxtəlif diametrli yeraltı plastik boru çəkilmişdir. Ümid edirik ki, 2015-ci il ildə nəzərdə tutulmuş istiqamətlərdə su şəbəkəsi vətəndaşların istifadəsinə veriləcəkdir. 29 yanvar 2014-cü il tarixli Sərəncamının icrası olaraq "Azərbaycan Meliorasiya və Su Təsərrüfatı" ASC tərəfindən kənddə bir ədəd artezian quyusu qazılaraq vətəndaşların istifadəsinə verilmişdir. 2014-2018-ci il Dövlət Proqramına uyğun kənddə əlavə artezian quyularının qazılması nəzərdə tutulub. Rayon icra hakimiyyəti tərəfindən 4 dəfə 15 ailəyə ərzaq və pul yardımı göstərilmişdir. Bütün bunlara görə Azərbaycan Respublikasının Prezidenti cənab İlham Əliyevə, bölgəmizin ağsaqqalı, Meliorasiya və Su Təsərrüfatı ASC-nin sədri cənab Əhməçd Əhmədzadəyə, Rayon İcra Hakimiyyətinin rəhbərliyinə həmişə minnətlarıq. Çalışırıq ki, bundan sonra da dövlətimizin bu qayğısına öz əməli işimizlə cavab verək və bütün dövlət çağırışlarında cənab Prezidentimizin siyasətini dəstəkləyək...

(Ardı var)

Məzahir ƏHMƏDOĞLU

Ədalət.-2015.-23 yanvar.-S.7.