KÜRDƏMİR: ARZULARIN İŞIĞINDA

Layihənin istiqaməti: Regionların sosial-iqtisadi inkişafının təşviq edilməsi

AzƏrbaycan Respublikasının Prezidenti yanında kütlƏvi informasiya vasitƏlƏrinin inkişafına dövlƏt dƏstƏyi fondunun maliyyƏ yardımı ilƏ

Hər bir il

"Kənd təsərrüfatı ili"...

Məlum olduğu kimi Kürdəmir Şirvanın ən böyük rayonlarından biridir. Mərkəzi aranda yerləşən Kürdəmiri fərqləndirən təkcə bu fakt deyil təbii ki. Nəhəng taxıl kombinatı, pambıq zavodu, konserv məhsulları, üzüm emalı müəssisələri... və kənd təsərrüfatının aparıcı sahələri, xüsusilə pambıq tarlaları ilə də məşhur olub Kürdəmir. "Məşhur" sözünü ona görə keçmiş zamanda işlədirik ki, birbaşa kənd təsərrüfatı ilə bağlı olan həmin sahələr indi əvvəlki yükündən, tutumundan uzaq düşüb. Ancaq nə yaxşı ki, respublikanın hər yerində olduğu kimi Kürdəmirdə də kənd təsərrüfatının həmin o "sıxışdırılmış" sahələri üçün yollar açılır. Cənab Prezidentin söylədiyi kimi: "...Artıq hər bir il məhz kənd təsərrüfatı ilidir, hər bir ili kənd təsərrüfatı ili olmalıdır..."

Doğrudan Kürdəmir rayonunda təsərrüfatın ən vacib və aparıcı sahələri üçün geniş imkanlar mövcuddur. Xüsusilə məşğulluq ənənələrinə sahiblənən üzümçülük, pambıqçılıq, bağçılıq... Və deyəsən bütün bunlar yaxın zamanlarda keçmiş şöhrətin qayıdışına, yeni və daha uğurlu formada dönüşünə ciddi təkan olacaqdır.

...Kürdəmirdə uzun illər boyu arzulanan daha vacib bir məsələnin də son illər həll olunması - rayon mərkəzinin müasirləşdirilməsi, sanki bozumtul bir görüntüdən al-əlvan və işıqlı şəhərə çevrilməsi də gələcəyə inamla baxmağa sövq edir.

Azərbaycan Respublikasının Prezidenti İlham Əliyevin 2015-ci ilin sentyabrında Kürdəmirə səfəri zamanı söylənilənlər bu inkişafın davamlı olduğunu bir daha sübut etmişdir. Cənab Prezident görülən işlərdən razı qalmaqla yanaşı, inkişafın perspektivləri baxımından daha böyük tədbirlərin həyata keçiriləcəyini vurğulamışdır.

Bütün istiqamətlər diqqət mərkəzindədir

Bu yaxınlarda Kürdəmirdə 2015-ci ilin yekunlarına həsr olunmuş ümumrayon yığıncağında da bu məsələlər diqqət mərkəzində olmuş, rayonun inkşaf perspektivləri müzakirə edilmişdir. Yığıncaqda geniş məruzə ilə çıxış edən Kürdəmir Rayon İcra Hakimiyyətinin başçısı Ceyhun Cəfərov demişdir:

- Azərbaycan Respublikasının Prezidenti cənab İlham Əliyevin 2015-ci il sentyabr ayının 17-də rayonumuza səfəri və aparılan abadlıq və quruculuq işləri ilə şəxsən yaxından tanış olması rayonun həyatını daha da əlamətdar etmişdir. Bu səfər zamanı cənab Prezidentimiz Ulu Öndər Heydər Əliyevin abidəsini ziyarət edərək Heydər Əliyev parkında aparılmış yenidənqurma işləri ilə yaxından tanış oldu. Daha sonra Cənab Prezidentimiz əhalinin asudə vaxtının səmərəli təşkili, dövlət rəmzlərinin təbliği məqsədi ilə inşa edilmiş "Bayraq meydanı"nın və "Bayraq muzeyi"nin, Heydər Əliyev Fondunun təşəbbüsü ilə inşa edilmiş 100 yerlik körpələr evi-uşaq bağçasının, 12 min nəfər əhalinin yaşadığı 13 yaşayış məntəqəsini birləşdirən Mollakənd-Axtaçı-Öyləqulu avtomobil yolunun, Yeni Azərbaycan Partiyasının Kürdəmir rayon təşkilatının inzibati binasının, Tarix Diyarşünaslıq Muzeyinin, 624 şagir yerlik Atakişili kənd tam orta məktəbinin və Ağsu-Kürdəmir avtomobil yolunun açılışlarını həyata keçirdi. Cənab Prezident Mollakənd-Axtaçı-Öyləqulu avtomobil yolunun açılışı zamanı bir qrup rayon ictimaiyyətinin nümayəndələri ilə görüş keçirtdi. Görüş zamanı yenidən Kürdəmirdə olduğundan çox məmnun olduğunu bildirərək rayonda görülmüş abadlıq-quruculuq işlərinə yüksək qiymət verdi. Rayonumuza töhfə olaraq cənab prezidentin sərancamı ilə rayonun yaşayış fonduna daxil olan 21 çoxmənzilli yaşayış binalarının əsaslı təmiri ilə əlaqədar 3,0 milyon manat vəsait ayırmış və həmin işlərin görülməsinə başlanılmışdır. Bütün sahələrdə qazanılmış uğurlar bir daha sübut edir ki, Ulu Öndər Heydər Əliyevin qurduğu müstəqil Azərbaycan möhtərəm Prezidentimiz cənab İlham Əliyevin rəhbərliyi ilə yeni və sürətli inkişaf mərhələsini yaşayır, dünya miqyasında daha da güclənir və zəngin dövlətə çevrilir...

...Hesabat ilində Dövlət Proqramına əsasən rayonumuzda nəzərdə tutulmuş tədbirlər uğurla həyata keçirilmişdir. Ümumi daxili məhsul 6,0 faiz artaraq 339 milyon 293 min manat olmuşdur. Ümumi məhsul buraxılışının 72,2 faizi məhsul istehsalı sahələrində, o cümlədən 16,2 fazi sənayedə, 17,7 faizi inşaat kompleksində, 38,3 faizi isə kənd təsərrüfatı sahəsində olmuşdur. Ümumi məhsul buraxılışının 27,8 faizi isə xidmət sahələrində, o cümlədən 26,2 faizi ticarət və ictimai iaşə, 1,4 faizi nəqliyyat, 0,2 faizi isə rabitə sahəsində əldə edilmişdir.

Tikinti, quruculuq və abadlıq işləri daha

böyük miqyas alır

2015-ci ildə rayonda tikinti, quruculuq və abadlıq işləri geniş vüsət almış, şəhərin küçə və meydanlarının abadlaşdırılması, yenidən qurulması ilə bağlı təxirə salınmaz tədbirlər keçirilmişdir. Belə ki, Heydər Əliyev parkında Heydər Əliyev muzeyinin qarşısındakı ərazidə beton mozaik tavalar 1406 m2 sahədə qranit plitələrlə əvəz edilmiş, muzey qarşısındakı klassik formada quraşdırılmış fontan qurğusu sökülərək yenidən yeni üslubda, modern tipli fontan qurğusu kimi quraşdırılmış, şəhərin Bakı prospektində piyada yoluna 580 p/m beton səki düzülmüş, 420 m2 mozaik tavalar qoyulmuşdur. Şəhərin "Kürdəmir Taxıl" Açıq Səhmdar Cəmiyyətinin ərazisindən "Bayraq meydanı"na kimi olan məsafədə yolun kənarlarına 5220 p/m beton səki daşları düzülmüş, 62 ədəd 2 plafonlu müasir tipli işıq dirəkləri quraşdırılmışdır.

Ərazisi 5,5 ha olan "Bayraq meydanı" kompleksinin, "Bayraq muzeyi"nin və "Gənclər kafesi"nin fasad hissəsində cəbhə sistemi quraşdırılmış, qarşısına dəmir şəbəkə bərkidilmişdir. "Bayraq meydanı" və "Bayraq meydanı"ndan şəhər istiqamətində salınmış yolun sağ və sol tərəfində yamaclara ümumilikdə 6 hektar sahədə qazon ot bitkisi, 15 mindən çox ağac və gül kolları əkilmişdir.

"Bayraq muzeyi"ndə və "Gənclər kafesi"ndə 2370 m2 sahədə mərmər və qranit üzlük materialı vurulmuş, tavan alçipanla üzlənmiş, havalanma sistemi, mebel avadanlıqları və qapıları quraşdırılmış, işıq sistemi çəkilmiş, iri həcmli kondisionerlər qoyulmuş, daxili divar və kalonlar oboyla üzlənmiş, emulsiya ilə rənglənmişdir. "Bayraq meydanı"nın ərazisində kanalizasiya xətləri çəkilmiş, müasir tipli suvarma sistemləri quraşdırılmışdır, "Ala qapı" baş giriş qapısı tikilmiş, ərazidə 2 ədəd müasir tipli fontan qurğusu quraşdırılmışdır. Hündürlüyü 52 metr olan Bayraq dirəyi gücləndirilmiş və muzey üzərində qaldırılmışdır. "Bayraq muzeyi" və "Gənclər kafesi" üzərindəki 600 m2-lik ərazi hidroizolyasiya olunmuş, mərmər plitələrlə üzlənərək ətrafına 150 p/m-lik şüşə lövhəli məhəccər quraşdırılmışdır.

(ardı var)

Ədalət.-2016.-12 mart.-S.5.