QAX: KEÇMİŞLƏRDƏN YOL ALAN GƏLƏCƏYİN ŞƏHƏRİ

REGİON

(əvvəli ötən saylarımızda)

Təhsil, səhiyyə,

mədəniyyət və turizm

Cari ilin doqquz ayı ərzində Rayon Təhsil şöbəsi təhsilin inkişaf etdirilməsi və keyfiyyətinin yaxşılaşdırılması istiqamətində işini davam etdirmişdir. Belə ki,Tələbə Qəbulu üzrə Dövlət Komissiyası tərəfindən rayonun ümumtəhsil məktəblərinin IX və XI siniflərində mərkəzləşmiş qaydada keçirilən test-buraxılış imtahanlarında IX üzrə 625, XI üzrə 482 nəfər şagird iştirak etmişdir. Onlardan 75 nəfəri gürcü bölməsinin IX sinif, 70 nəfəri isə XI sinif şagirdi olmuşdur. İmtahan nəticələrinə görə IX siniflər üzrə müvəffəqiyyət faizi 79,09 XI siniflər üzrə isə müvəffəqiyyət faizi 83 olmuşdur.

2015-2016-cı tədris ilində rayonun tam orta məktəblərinin Azərbaycan və rus bölmələrini bitirmiş 482 nəfər məzundan 265 nəfəri ali məktəblərə qəbul imtahanlarında iştirak etmişdir. Qəbulun nəticələrinə görə bu il 167 nəfər tələbə adını qazanmışdır. Onlardan 10 nəfəri 600-dən çox, 31 nəfər isə 500-700 arası bal toplamışdır. Şəhər 4 nömrəli tam orta məktəbinin 1 nəfər şagirdi təhsili qızıl medalla başa vurmuşdur.

Fənn olimpiadalarının respublika turunda rayonu 5 nəfər təmsil etmiş,1 nəfər biologiya, 1 nəfər isə Azərbaycan dili və ədəbiyyatı fənni üzrə III yeri tutaraq bürünc medalla təltif olunmuşdur.

"Fövqəladə hallar uşaqların gözü ilə" mövzusunda keçirilən rəsm müsabiqəsinin respublika turunda 2 nəfər şəhər 2 saylı məktəb-liseyin şagirdi I yerə, 1 nəfər şəhər 2 nömrəli məktəb-liseyin və 1 nəfər şəhər 4 nömrəli tam orta məktəbinin şagirdi II yerə və 2 nəfər şəhər 2 nömrəli məktəb-liseyin şagirdi III yerə layiq görülmüşlər. Uşaq Yaradıcılıq Mərkəzləri dərnək üzvlərinin əl işlərinə baxış müsabiqəsində İlisu kənd tam orta məktəbinin şagirdi II yeri tutmuşdur.

"Şahin" hərbi-idman oyunu üzrə rayon komandası zona yarışlarında birinci, respublika yarışlarında VII yeri tutmuşdur.

Gənc nəslin təlim-tərbiyəsində əldə etdiyi nailiyyətlərə görə və 5 oktyabr-Beynəlxalq Müəllim günü münasibəti ilə hesabat dövründə şəhər 2 nömrəli məktəb-liseyin ibtidai sinif müəllimi Ayna Məhsimova "Tərəqqi" medalına layiq görülmüşdür.

2016-cı ilin 9 ayı ərzində rayon Mərkəzi Xəstəxanasının 117 nəfər həkimi və 407 nəfər orta tibb işçisi əhaliyə xidmət göstərmişdir.

Azərbaycan Respublikasının Prezidenti cənab İlham Əliyevin tapşırığına əsasən ötən il olduğu kimi bu il də rayonda fevralın 15-dən may ayının 15-dək əhalinin 18 yaşdan yuxarı 42291 nəfərdən 39965 nəfərinin tibbi müayinədən keçirilməsi təmin edilmişdir. Tibbi müayinədən keçmiş 7526 nəfəri ambulator, 105 nəfəri stasionar müalicəyə cəlb olunmuş, 25 nəfəri isə Bakı şəhərinə müalicəyə göndərilmişdir.

Hesabat dövründə rayon Mərkəzi Xəstəxanasında talassemiya və hemofiliyalı xəstəliklərdən əziyyət çəkən insanlara kömək məqsədi ilə Elmi-Tədqiqat Hemotologiya və Transfiziologiya İnstitutunun nəzdindəki Mərkəzi Qan Bankının səyyar həkim briqadası tərəfindən könüllü qanvermə aksiyası keçirilmiş və 115 nəfər könüllü qan vermişdir.

Cari ilin 9 ayı ərzində 42 nəfər həkim Həkimlərin Təkmilləşdirmə İnstitutunda, 79 nəfər orta tibb işçisi isə ixtisasartırma kursunda olmuş, 12 nəfər həkim və 49 nəfər orta tibb işçisi isə sertifikasiya komissiyasından keçmişdir.

Hesabat dövründə 94,6 min manatlıq dərman preparatları alınmış və rayonun bütün tibb müəssisələrinə qaimə əsasında bölüşdürülmüş, güzəştli, imtiyazlı və aztəminatlı xəstələrə 66,9 min manatlıq dərman preparatları verilmişdir.

Rayon Mədəniyyət və Turizm şöbəsi Bakı şəhərində Dənizkənarı Milli Parkda keçirilən "Novruz" şənliklərində iştirak etmiş, həmçinin 2016-cı ilin "Multikulturalizm ili" elan olunması ilə bağlı Xaçmaz rayonunda keçirilən "Multikultural dəyərləri yaşadaq" adlı I Beynəlxalq festifalda Qaxingiloy kənd mədəniyyət evinin "Şvidkatso" Gürcü Xoru, 27 iyun - 1 iyul tarixlərində Bakı şəhərində keçirilən Azsaylı xalqların V İncəsənət Festifalında Ağyazı kənd mədəniyyət evinin "Samur" və Əlibəyli kənd mədəniyyət evinin "Pesvebi" rəqs kollektivi iştirak edərək rayonu layiqincə təmsil etmişdir.

Azərbaycan Respublikası Mədəniyyət və Turizm Nazirliyinin "Kitabxana-informasiya şəbəkəsinə daxil olan kənd kitabxanalarının fəaliyyətinin yaxşılaşdırılmasına dair tədbirlər planı"na əsasən məktəblilər üçün kitabxanalarda "Yay məktəbləri", ahıl və yaşlı oxucular üçün "Heydər Parkı"nda, həmçinin turizm obyektlərində səyyar kitabxana xidməti təşkil olunmuşdur.

Qax respublikanın turizm potensialına malik olan rayonlarından biri olduğundan hər il bura gələn turistlərin sayı artmaqdadır. Belə ki, cari ilin 9 ayı ərzində rayonda 27509 nəfər turist istirahət etmişdir. Onlardan 26304 nəfəri yerli, 1205 nəfəri isə xarici turist olmuşdur.

Əhalinin sosial müdafiəsi, məşğulluğun təmin edilməsi

Hesabat dövründə Dövlət Sosial Müdafiə Fondunun Qax rayon şöbəsində məcburi dövlət sosial sığorta haqları üzrə proqnoz ümumilikdə 88,7% yerinə yetirilməklə büdcə sektoru üzrə 91,6%, qeyri-büdcə sektoru üzrə isə 79,7% təşkil etmişdir. Hesabat dövründə 1 hüquqi, 86 fiziki şəxs, 14 pay torpaq mülkiyyətçisi uçota alınmış və şöbə üzrə 01 oktyabr 2016-cı il tarixə cəmi 8647 sığortaedən uçotda olmuşdur.

(ardı gələn sayımızda)

Məzahir ƏHMƏDZADƏ

Ədalət.-2016.-15 noyabr.-S.3.