Mövludum üçün

Bu qəsdin, qərəzin nəydi –

Bağrımı didəcəm,oğlum

Gedəndə səni axtarıb,

Qoynunda yatacam, oğlum.

Ta bu boyda dostu tapsan –

"Bir əclaf oğlu əclafsan”.

…Sən bir əfsanəsən, gapsan,

Ölüncə ötəcəm, oğlum.

Yonun hayana getməli,

Varıb hayanda itməli?..

Akif Səməd, Şaiq Vəli

Yolunda bitəcəm, oğlum.

Bilsən, bu görüşü asan,

Məni özün qarşılarsan.

Goyun 17-ci qatından

Yanına gedəcəm, oğlum.

Ehtiram İlham

Ədalət.-2017.-29 mart.-S.4.