"Rübai karvanı"

Dördlük çələngi silsiləsindən nümunələr

Oqtay Rza,

Şair, əməkdar müəllim

Meşə yaşayırdı gənclik çağını,

Qonaqlar - gündəlik adam axını.

...Taqor söyləmişkən: -Ağac sap üçün

Baltaya pay verdi öz budağını.

Böyük hind şairi

***

Oxu kəlamını, tövsiyəsini,

Bilik bayrağına çevir Tusini!

Gələcək nəsillər öyrənsin gərək

Ustadın "Əxlaqi-Nasir" dərsini!

***

Bir ölkə çox kasıb, bir ölkə toxdur,

Bəd xəbər bağrıma sancılan oxdur.

Qoçuluq eyləyən dövlətlər də var,

Niyə Türkiyənin atomu yoxdur?!

***

Məşhur din ocağı qoca Vatikan

Gah gedib güzəştə, gah tutub divan.

Orta əsrlərin son pilləsində

Axır ki, qadına söyləyib insan.

***

Rəssam, heykəltaraş, memar...da Vinçi*

Yaradıb yüzlərlə misilsiz inci;

Beş-altı şeirli bu sənətkara

Şair deməsələr olarmış incik.

*Leonardo, İtalyan mütəfəkkiri

***

Nə vaxt sirr qapısı qaçıb, Arximet*,

Elə bil uca dağ aşıb Arximet;

Üzmə qanunu kəşf edən zaman

Uşaq tək sevinib, qaçıb Arximet.

Dünyanın hələ də dərd-səri çoxdur,

Qayğılı axşamı, səhəri çoxdur.

Batan gəmilərin müsibətindən,

Yaxşı ki, alimin xəbəri yoxdur!

ABŞ da gecəni gündüzə qatıb,

Sorağı ən uzaq ünvana çatıb -

Heç vaxt təyyarəyə minməyən Ayzek*

Fəzadan bəhs edən roman yaradıb.

*Məşhur fransız yazıçı

***

Ötsə də çoxsaylı illər o vaxtdan -

Birinci "Leyli və Məcnun"lu çağdan.

Necə sinfoniya, balet hələ də

Od alır muğamat adlı ocaqdan.

***

Tikanlı gül kimi iyniyənlər var,

Bülbülə torağay söyləyənlər var.

Məhəmməd Füzuli bilsin ki, indi

Salamı mükafat eləyənlər var.

Bir dayan yadıma nə isə düşdü,

Yolum dəbdəbəli məclisə düşdü;

Bir nəfər salamı elə verdi ki,

Onun çox hissəsi rəisə düşdü.

***

Mirzə Fətəlimiz sanki dağ idi,

Xalq üçün şam kimi yanıb əridi;

Bir vaxt tabutunu qaytarmışdılar,

Şəkidə heykəli ucalır indi.

***

Cüt bacılı - deyil qardaşları Munis*,

Ölkədə bəlkə az adaşlı Munis.

Nənənin, ananın qalmaqalına

Baxıb hey gülürdü dörd yaşlı Munis.

*Munis

***

Çətin məqamlarda özünü sına,

Qütbdə dolaşıb gəz yana-yana;

De ki, çox yaraşır doqquz cür iqlim

Sərvətlər ölkəsi Azərbaycana!

Siyasət söz açır əyridən, haqdan,

Keçmiş zəmanədən, gələcək çağdan.

... Xanım-Prezident Akino* deyib:

"nənəlik üstündür rəhbər olmaqdan".

*Filippində

***

Verin Dəyanətə gül qucaq-qucaq,

Şəmsi Vəfadarın oğludur qoçaq;

Nüfuzlu iqtisad tələbəsidir,

Bəlkə maliyyəçi, nazir olacaq?!

***

Xəyalım yol gedir London tərəfə,

şeirlə yüksəlib uca şərəfə -

Bernm-Krallığın böyük şairi

Boşanıb-evlənib yeddinci dəfə.

***

Süzür xəyalımda göy atın, qardaş!

Köçüb ömürlərə həyatın, qardaş!

Adı bilinməyən oğlusan elin,

Vətən kəlməsidir soyadın, qardaş!

***

Gözüm zəifləyib çeşmək istəyir,

Bu gənc eşq odunda bişmək istəyir;

...Cənab həmsədrlər* nağıl uydurub,

Ginnes kitabına düşmək istəyir.

*Minsk qrupu

***

Bü büro balaca senat kimidir,

Bu tənqid adamı fanat kimidir.

Səksən yaş otuz min günə bərabər,

Səksən yaş otuz min kitab kimidir!

***

Sözünü çox rəvan, səlis deyir o,

Nə "əla", nə "yaxsı", nə "pis" deyir o,

Bir zaman İliçi tərifləyirdi,

Bu gün Məhəmməddən hədis deyir o.

Ədalət 2017.- 1 sentyabr.- S.11.