Təbiət şairi

Poeziya işıqdır, nurdur.

Hər insan bu işıgın həndəvərində dolaşa bilməz. Dolaşmaq üçün gərəkdi ki, SÖZə etibarın ola, SÖZə hörmətin ola. Sözün qaygısını çəkən, ona səbrlə, təmkinlə yanaşasan. Onda Söz də sənə dogma olar.

SÖZə dogma şairlərdən biri də gözəl şair dostumuz Şahin Həmidlidir.

Şeirlərini uzun müddət dövrü mətbuatdan izləmişəm.

Elə, obaya sədaqət, dosta etibar, kənd, kəsəyə məhəbbət şairin şeirlərinin əsas qayəsini təşkil edir.

Tarix nəfəsini dərir dərindən.

Olmaz ocagından, olmaz pirindən.

Heç zaman ayrılmaz biri-birindən.

Dagımız, dərəmiz, bir də kəndimiz.

Müqəddəs izlər var, cıgırda, izdə.

Dadı suyumuzda, çörəyimizdə.

Yan-yana düzülüb ürəyimizdə.

Dagımız, dərəmiz, bir də kəndimiz.

Şairin yaradıcılıgında Payız lövhələri" xüsusi yer tutur. Payıza fərqli münasibət, payızla söhbətlər, görüşlər, ayrılıqlar şeirləri daha da özünəməxsus edir.

Göyə bulud gəlib, hava qaralıb

Son bahar boylanır güllər içindən

Yaşıllıq çəməndən düşüb aralı

Otlar şehə batıb qan-tər içində.

Küləkli havayla çəkir içini.

Səpir bu torpaga bir ətir payız.

Hamıya göstərir öz sevgisini.

Dərdini hamıdan gizlədir payız.

Şahin Həmidli ən yaxın dost, sirdaş kimi təbiətlə dərd-sərini bölür.

Şair təbiətin dilini gözəl bilir. Və deyərdim ki, əzbər bilir.

Çünki çox şeirlərində yol, cıgır, meşə, bulaq var.

Bu yollarla da arxayın gedir, büdrəmir, büdrəmir, çaşmır, getdiyi cıgırlara şeirləri işıq saçır:

Torpaq anasıdır kolun, agacın...

Onları bəsləyir öz ocagında.

Bəxtinə çiçəklər düşür yamacın.

Bitir bənövşələr yol qıragında.

Təpələr dagların dərdi, qəmidir

Qayalar dagların daş yuvaları.

Çöl-çəmən yaşıl bir muzey kimidir,

Sənət əsəridir quş yuvaları.

Kitabda ən maraqlı məqamlardan biri də şairin öz-özünə yanaşmasıdır. Şair özü haqqında elə ürəklə yazıb ki, bu onun taleyidir, özünün özünə öz saglıgında qoydugu heykəldir:

Mən dagdan enmişəm, düzə gedirəm,

Taleyim, qismətim sizə gedirəm,

Dən-dən cücərirəm, söz-söz bitirəm,

Qalmışam dodaqla, dil arasında.

Qəlbinə hakimdir sevgi ilə kin,

Onun varlıgıdır bu iman, bu din.

Allah adamıdır Həmidli Şahin,

Yaşayır dünyanın gör harasında.

Şahin Həmidli sədaqətli dostdur. Dosta vəfasını şeirə çevirəndə daha mükəmməl olur.

Şair, rəssam qardaşımız Sehran Allahverdiyə yazdıgı şeir əsil məqamına düşüb.

Yeri qaldır göyə, göyü sal yerə.

Çıxar təzədən ək, kolu, agacı.

Nəzər sal müqəddəs ocaga, pirə...

Doldur kətan üstə yalı, yamacı.

Bu şeirin hər sətri bir canlı fəlsəfədir. Şair bu şeirində də təbiətlə qol, boyundur.

Və yaxud gözəl şair Balayar Sadiq haqqında yazdıgı şeirə nəzər salaq:

Arada adına ustad deyirlər,

Şərlə arası yox, dostdur xeyirlə.

Hər yerdə tanınır gözəl şeirlə,

Biriylə, beşiylə, yüzüylə şair!

Bu şeirin hər bəndində Balayar Sadiqin şözlə portretini yaradıb.

Şahin Həmidlinin yaxın dostlarından olan Müşfiq Borçalıya yazdıgı şeir ürəyimi oxşadı.

Bu şeirdə də şair dost sədaqətini, dost ucalıgını yüksək tutur.

Baxdım bir şəkilə dəyişdi halım

Elə bi dünyaya gəldim təzədən.

Ömrün uzun olsun Müşfiq Borçalı

Üz-üzə qalmışıq.. o illər.. və mən..

Azalmır tarixin dumanı, sisi...

Ötənlər yadından çıxmır heç kimin.

Bu gün xatırladım gözəl Tiflisi..

Şeiri yada düşdü Əlizaminin.

Şairin yaradıcılıgında ana sevgisi özəl yer tutur. Bu mövzu bütün yaradıcıların şeirlərindən işıqlı yol kimi keçir.

Yoluma göz dikib anamın qəbri

Öpüm torpagını, verim canımı.

Ürəyim kövrəlib, tükənib səbrim,

Gizlədə bilmirəm həyəcanımı...

Şahin Həmidli nədən yazır, yazsın yenə təbiətə, gözəlliyə, torpaga qayıdır. Gözəl Xalq şairimiz Musa Yaqubun bütün şeirləri təbiətə söykənir. Şahin Həmidlinin də şeirləri belədir. Hər sətrindən təbiət boylanır. Şairin Musa Yaquba yazdıgı şeirdən bir bəndini xatırlayım:

İlhamla vəsf etdin dumanı, çəni,

Sənət bir dünyadır, sən sökülən dan.

Təbiət o qədər istəyir səni,

Heç yana buraxmır İsmayıllıdan..

Şahin Həmidlinin "Mənim ürəyimə köçüb kəndimiz" kitabını sətir-sətir oxudum, şeir-şeir duydum.

Elə bil kəndimizə getdim.. Elə bil təbiətlə ünsiyyətdə oldum.

Qələmin yorulmasın, gözəl şair!

Fərqanə Mehdiyeva

"Ulduz” jurnalının poeziya şöbəsinin rəhbəri

Ədalət.- 2020.- 17 mart.- S.8.