O, SƏHİYYƏMİZİN DƏ QAYĞIKEŞİ İDİ

İnsanın təkcə cismani sağlamlığı yox. Onun ruhu, sağlamlığı da zamanla, o zamanın hakim mühiti ilə, ictimai yükü ilə və ən nəhayət, tarixi şəxsiyyətləri idarə edənləri ilə sıx bağlı olur. Bu təmas istər-istəməz insanı xəstəliklərdən, ağrı-acılardan qorunmağa, ruhən sağlam olmağa və hətta lazım gələndə fiziki xəstəliklərə cəsarətlə müqavimət göstərmək imkanı da verir. Təsadüfi deyil ki, Azərbaycan xalqının ruhən mübariz və sağlam olmasında onun böyük oğlu, Ulu Öndərimiz, ümummilli liderimiz, dünya çapında hər kəsin qəbul etdiyi siyasi xadim Heydər Əliyev cənablarının danılmaz xidmətləri var.

Xalqımızın böyük oğlu istər sovet dönəmində, istəsə də imperiyanın dağılıb onun xarabaları üzərində xaosun baş qaldırdığı bir zamanda xalqın tələbi ilə ikinci dəfə hakimiyyətə qayıdandan sonra da bütün həyatını Azərbaycana, onun tərəqqisinə və dünya dövlətləri arasında layiq olduğu yeri tutmasına sərf etmişdir. Məhz bu böyük insanın əməyi nəticəsində Azərbaycan səhiyyəsi yenidən ayağa qalxmış və yeni əsirin, böyük dünyanın tələbləri səviyyəsində qurulmağa başlamışdır. Çünki yaranmış boşluq və xaos Azərbaycanın səhiyyə ocaqlarına da, qabaqcıl səhiyyə işçilərinə də öz mənfi təsirini göstərmiş, bəzilərinin bağlanmasına, fəaliyyətinin dayandırılmasına, bəzi tanınmış səhiyyə kadrlarının isə ölkəni tərk edib digər məmləkətlərdə iş axtarmasına səbəb olmuşdur.

Belə bir zamanda yalnız Heydər Əliyev dühası Azərbaycan səhiyyəsini məhv olmaqdan xilas edə bilərdi. Və elə o da bu tarixi qərarın, bu tarixi xilasın müəllifi oldu. Azərbaycanın səhiyyə sahəsinə yetərincə maliyyənin ayrılması, elmi-texniki tərəqqinin dünya miqyasındakı uğurlarının Azərbaycana gətirilməsi, qarşılıqlı əlaqələrin gücləndirilməsi demək olar ki, qısa bir zamanda səhiyyəmiz üçün yeni bir səhifə açdı.

Yalnız xalqını və millətini sevən böyük oğullar öz həyatını, öz bilik və bacarığını vətəninə həsr edir. Ulu Öndərimiz də yorulmaq bilmədən ardığıl iş apardı. Təkcə ölkə paytxtında deyil, həmçinin regionlarda da səhiyyə ocaqlarının bərpası, yenidən qurulması və yenilərinin tikilməsi də sürətlə həyata keçirildi. Bu gün də Ulu Öndərimizin kursunu uğurla həyata keçirən Azərbaycan prezidenti İlham Əliyev cənabları Ulu Öndərimizin adını daşıyan Fondun prezidenti, millət vəkili Mehriban xanım Əliyevanın fəaliyyəti də məhz digər sahələrlə yanaşı, səhiyyənin də zamanla səsləşməsinə xidmət edir.

Bəli, Azərbaycan xalqının bəxtinə doğmuş Heydər Əliyev adlı Günəş öz işıqlarını onun sağlamlığına da, yəni həm mənəvi, həm də cismən sağlamlıq durumuna da səpməkdədir. Bunun nəticəsidir ki, Azərbaycan səhiyyəsi sahəsində çalışan hər kəs Ulu Öndəri öz qəlbində yaşadır, onun doğum gününü böyük sevinclə qeyd edir. Çünki bu böyük insan səhiyyə işçiləri üçün həqiqətən doğma olmuş, həqiqətən onların qayğısına qalmışıdır.

Şahnaz Baxşəliyeva

Respublika Dəri- Zöhrəvi

Dispanserinin baş həkimi

Ədalət.- 2009.- 9 may.- S. 9.