ƏBƏDİYAŞAR ÖMÜR

Dünyanın ən xoşbəxt xalqlarından biri də bizlərik, çünki tarix bizə Heydər Əliyev kimi böyük bir düha bəxş etmişdir. Məhz onun böyüklüyü, onun əzəməti və onun xidmətləri Azərbaycanı dünyaya tanıdan əsas amillərdən biri olmuşdur. Bu gün hər bir Azərbaycan vətəndaşı dünyanın istənilən nöqtəsində fəxrlə deyə bilər ki, mənim ünvanım Azərbaycan, mənim Ulu Öndərim Heydər Əlirza oğlu Əliyevdir.

Azərbaycan hakimiyyətində olduğu illər ərzində bu xalq üçün, bu Vətən üçün Heydər Əliyev cənablarının gördüyü işləri, qəbul etdiyi qərarları xatırlayıb göz önünə gətirdikcə bu böyük şəxsiyyətin qarşısında qeyri-ixtiyari baş əyməli olursan, çünki onun Azərbaycan üçün etdiklərini bir ömrə sığışdırmaq çox çətindir və bu görülən işlərin hər biri öz davamlılığı ilə seçilir. Bu gün də onun iqtisadi-siyasi kursu davam etdirilir.

Bu gün Ulu Öndərimizin doğum günü ərəfəsində bir daha müstəqilliyimizin qorunub saxlanmasında və onun əbədi olmasında, Azərbaycanın dünya ölkələri sırasında özünə layiqli yer tutmasında və həyata keçirilən islahatların böyük fonunda bir də tarixə nəzər saldıq və qəti əmin olduq ki, "Azərbaycan deyəndə Heydər Əliyev, Heydər Əliyev deyəndə Azərbaycan" yada düşür. Çünki onlar birlikdə bütöv bir varlıq deməkdir. Biz də o varlığın zərrələri olaraq həmin o bütövlüyü qorumaq üçün əlimizdən gələni Azərbaycan naminə bundan sonra da yerinə yetirəcəyik. Azərbaycan üçün yaşamaq, işləmək Heydər Əliyev tapşırıqlarını, arzularını yaşatmaq, reallaşdırmaq deməkdir. ə

Bahəddin Sultanov

İş adamı

Ədalət.- 2009.- 9 may.- S. 6.