Azərbaycanlı rəssamın Moskva sərgisi

Moskvada fəaliyyət göstərən Beynəlxalq Bədii Fondda həmvətənimiz, istedadlı rəssam Qüdrət Qurbanovun əsərlərindən ibarət sərgi açılıb. Vernisaja gələnlər azərbaycanlı fırça ustasının əvvəllər sərgilənən boyakarlıq və qrafika işləri ilə yanaşı, yeni əsərləri ilə də tanış olmaq imkanı əldə ediblər.

Xatırladaq ki, Cəbrayıl rayonunun Dərizli kəndində dünyaya göz açan rəssam Qüdrət Qurbanov hələ 9 yaşında ikən təsviri sənətlə məşğul olmağa başlayıb. Bakıda Əzim Əzimzadə adına rəssamlıq məktəbini, daha sonra Moskvada Surikov adına Rəssamlıq İnstitutunu bitirib. Hazırda Moskvada tanınmış Azərbaycan rəssamlarından biridir. Qüdrət Qurbanov özünü Abşeron rəssamlıq məktəbinin yetirməsi hesab etsə də, yaradıcılığında həm milli, həm də Avropa rəssamlıq məktəblərinin təsiri duyulur.

Qeyd edək ki, Q.Qurbanovun əsərləri indiyə qədər Almaniya, Belçika, Türkiyə, Çin, İngiltərə və Fransada nümayiş etdirilmiş və uğur qazanmışdır.

Ayna.- 2010.- 5 iyun.- S.20.