Nazir çəkilən filmlərin keyfiyyətindən narazıdır

Film çəkilişlərinə dövlət ildə 6 milyon manat ayırır

Azərbaycanda son illər çəkilən filmlər tamaşaçılar tərəfindən birmənalı qarşılanmır. Bu sözləri mədəniyyət və turizm naziri Əbülfəs Qarayev mətbuat işçiləri ilə söhbətində bildirib. Nazir son illər çəkilən filmlərə müxtəlif yanaşmalar olduğunu diqqətə çatdıraraq bildirib ki, müxtəlif ölkələrdə də az büdcəli və çox böyük büdcəli filmlər çəkilib:

"Azərbaycanda isə biz bu gün çox böyük həcmli filmlərin çəkilişinə vəsait ayıra bilmərik. Hər il dövlət büdcəsindən kino çəkilişinə 6 milyon manata qədər vəsait ayrılır və bu vəsait hesabına biz həm sənədli, həm də tammetrajlı filmlərin çəkilişini həyata keçiririk. Sözsüz ki, bəzən çəkilən filmlərin keyfiyyəti bizi qane etmir, bəzən də deyirik ki, bu vəsaitə daha maraqlı film çəkilə bilərdi. Bu problemlərin aradan qalxması üçün çalışırıq və bu proses davamlı olaraq gedir".

Şəms

Ayna.- 2010.- 19 iyun.- S.20.