Dünya teatr elitası
Bakıya toplaşıb
Onlar bizim günlərin
teatr problemlərini müzakirə edirlər
Regionun mədəniyyət
və incəsənət
mərkəzi statusunu
inamla əlində saxlayan Bakı bu dəfə dünyanın teatr xadimlərini bir araya gətirib və önəmli bir məclisə ev sahibliyi
edir.
Akademik
Milli Dram Teatrında Mədəniyyət
və Turizm Nazirliyinin təşkilatçılığı
ilə müasir dövrün teatr problemləri mövzusunda noyabrın 8-dən başlanan
Bakı Beynəlxalq Teatr Konfransı öz işini davam etdirir. APA-nın məlumatına
görə, konfransda
30-a yaxın ölkənin
70-dən çox teatr
mütəxəssisi iştirak
edir. Mədəniyyət
və turizm naziri Əbülfəs Qarayev konfransdakı çıxışında bildirib
ki, Azərbaycanda teatr tarixinin böyük ənənəsi
var: "XIX əsrin ikinci yarısı Azərbaycanda mədəniyyət
və incəsənət
sahəsində köklü
dəyişikliklər baş
verib, bu dövr Azərbaycan teatrının tarixi üçün həlledici
olub". Nazir xatırladıb: 1873-cü ildə
Azərbaycanda M.F.Axundovun
"Lənkəran xanının
vəziri" və
"Hacı Qara" əsərləri ilk dəfə səhnələşdirilib".
Əbülfəs Qarayev
bildirib ki, hazırda ölkədə
27 dövlət teatrı
var. "Son beş ildə dövlət teatrları tərəfindən 433 yeni
tamaşa hazırlanıb.
Onların 68-i Mədəniyyət
və Turizm Nazirliyinin sifarişi ilə səhnələşdirilib".
Litva mədəniyyət
nazirinin müavini Deividas Stanotkus Azərbaycanda keçirilən
bu konfransı çox əhəmiyyətli
sayıb və onu tarixi konfrans
hesab edir. Rusiyanın "Beş axşam" Teatrı Festivalının rəhbəri
Marina Dmitrevskaya isə bildirib ki, Rusiyada olduğu
kimi, başqa ölkələrdə də
teatr əvvəlki ruhunu itirir: "Teatr indi çox
da yaxşı dövrünü yaşamır.
Bizim hamımızın
bu problemlə bağlı eyni görüşümüz var.
Mən əminəm ki, biz bu
problemin həllinə
nail olacağıq".
Bu beynəlxalq
elmi-praktik konfrans çərçivəsində beynəlxalq seminarlar da keçirilib. APA-nın
məlumatına görə,
seminarlarda kanadalı,
amerikalı, rusiyalı
teatr xadimləri məruzələr oxuyublar.
Seminarlarda Azərbaycanın
bir çox teatr nümayəndələri,
aktyor və aktrisaları iştirak ediblər. Konfrans iştirakçıları üçün
Azərbaycan Dövlət
Opera və Balet Teatrında Üzeyir Hacıbəylinin
"Leyli və Məcnun" operası nümayiş olunub. Dövlət Akademik Milli Dram Teatrında
öz işinə başlayan Beynəlxalq Teatr Konfransında iştirak etmək üçün Avropa, Asiya və Amerika
qitələrinin tanınmış
teatr mütəxəssisləri,
rejissor və dramaturqları, kulturoloqları
ölkəmizə təşrif
buyurublar.
Ayna.- 2010.- 13 noyabr.- S.19.