Bədii fotoya
həvəs qalır
Gənclər öz
əsərlərini sərgiyə çıxardılar
Azərbaycan Dövlət Mədəniyyət
və İncəsənət
Universitetinin İİ kurs
tələbələrinin foto
işlərindən ibarət
sərginin açılış
mərasimi keçirilib. APA-nın məlumatına
görə, mərasimdə çıxış edən Mədəniyyət
və İncəsənət Universitetinin prorektoru Rafiq
Sadıqov bildirib ki, sərgidə müxtəlif
mövzuları əhatə edən 50-dən artıq foto
nümayiş etdirilir:
"Bizim universitet 40-a yaxın ölkənin universitetləri ilə əməkdaşlıq həyata
keçirir. Universitetdə kinorejissor, televiziya rejissoru, xüsusi ilə kinooperator rejissorluğu üzrə təhsil alan
tələbələr bilavasitə
kinofoto işi ilə məşğul olurlar. Bu gün
burada nümayiş etdirilən foto sənətinin nümunələri
bu sənətin xüsusi əhəmiyyətini,
bədii səviyyəsini,
onun estetik gözəlliyini, fəlsəfi
düşüncəsini, ümumiyyətlə
tarix və foto sənəti problemini əks etdirir".
Onun sözlərinə görə,
universitet tələbələrinin
təqdim etdikləri fotoları bəzən teatrlarda bədii tərtibatları üçün
istifadə edilir.
Sərgidə müxtəlif
mövzularda 12 fotosu nümayiş etdirilən Mədəniyyət və
İncəsənət Universitetinin
kinooperatorluq fakültəsinin
II kurs tələbəsi
Vaqif Rəşidov çəkilişləri bir
il müddətinə
apardığını qeyd
edib. "Çəkilişlərdə
müxtəlif məkanlardan
istifadə etmişəm.
Təqdim etdiyim hər fotom bir mövzuya həsr olunub və işlərimlə izləyicilərə fikrimdəkiləri
çatdırmaq istəmişəm".
Vaqif Rəşidov fotolarının ilk dəfə
nümayişə çıxarıldığını
diqqətə çatdırıb
və bundan böyük fəxr hiss keçirdiyini ifadə edib. O, eyni zamanda,
bir neçə fotonun da qəhrəmanıdır.
Mədəniyyət və İncəsənət Universitetinin eyni kursdan və fakültədən tələbəsi olan Vüsal Rəşidovun sərgidə 10 fotosu nümayişə çıxarılıb. Onun sözlərinə görə, sərgilənən fotolarda bütün mövzuları əhatə etməyə çalışıb: "Bu gün 10 əsərim nümayiş olunur və birinci kursdan etibarən foto çəkməyə başlamışam. Düşünürəm ki, hər hansısa bir insanı çəkiriksə, həmin foto o insana həmin saniyədən yadigardır. Bu sənətə hədsiz həvəsim var və gələcəkdə uğur qazanmağım üçün daima üzərimdə çılışacağam". Sərgidə universitetin tələbələrindən Zaur Rəsulov, Samir Şaxtaxtinski, Şahpəri Abbasova və başqalarının fotoları təqdim olunub. Nümayişin bir həftə davam edəcəyi gözlənilir.
Ayna.- 2010.- 30 oktyabr.- S.19.