"2011-ci il Beynəlxalq Harmoniya Sərgisi"

Seulda "Azərbaycan-Koreya Mədəniyyət Mübadiləsi Assosiasiyası" (SEBA), "Türkiyə-Koreya Mədəniyyət Mübadiləsi Assosiasiyası" və Koreyanın "Art Bent" şirkətinin təşkilatçılığı ilə "2011-ci il Beynəlxalq Harmoniya Sərgisi" adlı rəsm sərgisinin açılış mərasimi keçirilib.

Azərbaycanın Koreya səfirliyindən verilən bilgiyə görə, mərasimdə beynəlxalq sərginin təşkilatçıları, Azərbaycandan gəlmiş rəssamlar, Azərbaycanın Koreye səfirliyinin işçiləri, Koreyanın incəsənət və mətbuat nümayəndələri, eləcə də sərgiyə dəvətlilər iştirak ediblər.

Mərasimdə sərginin təşkilatçısı "Art Bent" şirkətinin sədri Kvon Younq-il, Azərbaycan heyətinin sədri Validə Məmmədova, xalq rəssamı Cəmil Müfidzadə və digər qonaqlar çıxış ediblər.

Sərgidə Azərbaycan və Türkiyə rəssamlarının əsərləri ilə birgə Koreya rəssamlarının əsərləri də nümayiş etdirilib.

Ayna.- 2011.- 2 aprel.- S.20.