Gözəlləşən ölkədən əlvan panoramlar

Bakıda Qazaxıstana həsr olunmuş fotosərgi açıldı

Türk dünyasının ərazicə böyük, sürətlə inkişaf edən ölkəsi - Qazaxıstana həsr olunmuş "Barış və quruculuğun 20 ili" adlı fotosərginin açılışı oldu. Bu geniş spektrli fotosərgi Qazaxıstanın Azərbaycan səfirliyi tərəfindən "1969 Qalereyası"nda təşkil olunub və ölkənin müstəqilliyinin 20-ci və konstitusiyanın qəbulunun 16-cı ildönümünə həsr edilmişdir. Fotolarda Qazaxıstanın əsrarəngiz təbii mənzərələri, gözəlləşən şəhərləri, Astana və Almatı panoramları dolğun təəssürat yaradırdı. Açılış törənində Qazaxıstan səfiri Serik Primbetov çıxış edərək ölkəsinin müstəqillik dönəmində qazandığı böyük uğurlardan, onun dünya ölkələri arasında nüfuzunun gündən-günə artdığından söz açmış, Qazaxıstanın ATƏT-ə uğurlu sədrlik etdiyini, Astanada bu beynəlxalq təşkilatın zirvə toplantısı faktını, paytaxt Astananın dünya dinləri liderlərinin görüş mərkəzinə çevrildiyini, Azərbaycan diasporunun fəallığını, azərbaycanlıların Qazaxıstanın iqtisadi və mədəni həyatına qırılmaz tellərlə inteqrasiya olunduğunu ayrıca qeyd etmişdir. Səfir Primbetov iki ölkə arasında münasibətlərin yüksək səviyyədə olduğunu vurğulamış, ticari-iqtisadi və mədəni əlaqələrin genişlənməkdə olduğunu söylədi.

İSMAYIL

Ayna.- 2011.- 27 avqust.- S.20.