Altay Sadıqzadənin "22 HX" sərgisi açıldı

"Mexanika məkandır"ın ecazkarlığı heyrətləndirməyə bilmir

Paytaxtın Müasir İncəsənət Muzeyində tanınmış rəssam Altay Sadıqzadənin rəsm və heykəltəraşlıq əsərlərindən ibarət "22 HX" sərgisi açıldı və bu maraqlı sərgi fevralın 6-dək davam edəcək.

Altay Sadıqzadə kifayət qədər tanınan rəssamdır, qrafika və səhnə dekorasiyaları ilə də məşğul olur. Son illərdə rəssam tezliklə çoxölçülü rəssamlıq işini xatırladacaq monumental üçölçülü art-obyektlərin - "Mexanika məkandır" metal qaynaq konstruksiyalar seriyası üzrə öz ideyalarının gerçəkləşdirilməsi ilə məqsədyönlü şəkildə məşğul olur. Onlar rəssamın dünyanı heroqliflər, ezoterik elçilər, palma budaqları, antropomorf maşınlar, Yerdən kənar "keşikçilər", ulduz və insan axtarıcıları vasitəsilə çoxrəngli, öz xəyalında canlandırdığı mətn vasitəsilə özünəxas dərk etdiyinə örnəkdir.

54-cü Venesiya biennalındakı (2011-ci il) Azərbaycan pavilyonunda Altay Sadıqzadə özünün monumental "kosmik" rəsmlərini və heykəltəraşlıq əsərlərini tamaşaçıların başqa dünyaların təqdimatında humanizm ideyasını görüb qiymətləndirmələri üçün onların mühakiməsinə verib: tamamilə aydındır ki, şəxsi azadlığın və yaradıcılığın imkanları sonsuzdur və onlar məhdudiyyətə tab gətirmir.

Altay Sadıqzadə Bakıda Müasir İncəsənət Muzeyinin memarlıq konsepsiyasının tərtibatının müəllifidir. Muzeyin daxili məkanı avanqard üslubda işlənib - maili divarlar, qapı və künclərin olmaması - bütün bunların hamısı muzeyin binasını, özlüyündə incəsənəti və orada saxlanan incəsənət əsərlərini canlı orqanizmdə birləşdirməyə imkan verib. Muzeydə rəssamın metal konstruksiyalardan heykəlləri, onun instalyasiya və yağlı boyalarla çəkilmiş rəsmləri təqdim olunub. O həmçinin muzeyin kolleksiyasına daxil etmək üçün predmetlərin seçimində də iştirak edib.

Altay Sadıqzadə yanvarın 17-dən 29-dək Londonda "Bakıya uçuş. Azərbaycanın müasir incəsənəti" sərgisində iştirak edəcək.

Ayna.- 2011.- 31 dekabr.- S.20.