Xocalıda əsir götürülmüş 21 uşaq hələ də girov...

Esmira Orucova: "Bəzilərinin bədən orqanları çıxarılaraq satılıb"

"Xocalı faciəsi zamanı Ermənistan hərbi birləşmələri tərəfindən girov götürülən azərbaycanlı uşaqlar hələ də azad edilməyib". Bu barədə "Həsrət Yolu" Əsir və Girovlara Kömək İctimai Birliyinin sədri Esmira Orucova bildirib.

Onun sözlərinə görə, Ermənistanın Azərbaycana qarşı apardığı hərbi əməliyyatlar zamanı işğal edilən ərazilərdə girov götürülən uşaqlardan 168-i (onların 65-i azyaşlı qızdır) Əsir və itkin düşmüş, girov götürülmüş vətəndaşlarla əlaqədar Dövlət Komissiyasının fəaliyyəti nəticəsində azad edilib. Esmira Orucova uşaq ikən əsir götürülmüş 21 azərbaycanlının hələ də Ermənistanda və işğal olunmuş Dağlıq Qarabağda girovluqda saxlanıldığını söyləyir:

"Girovluqda olan uşaqlar müxtəlif ağır işgəncələrə məruz qalıblar. Onların bəzilərinin bədən orqanları çıxarılaraq satılıb. Məsələn, 3 yaşlı Şövqi Xaqani oğlu Əliyevin bazu sümüyü Xankəndində erməni həkimlər tərəfindən çıxarılıb, nəticədə Şövqi ömürlük şikəst qalıb. Kəlbəcərin işğalı zamanı girov götürülən Gülcamal Quliyevanın yeni dünyaya gələn oğlu Arzu Hacıyevə isə erməni həkim Aida Serobyan tərəfindən naməlum tərkibli iynələr vurulub. Bundan sonra Arzu Hacıyev ömürlük şikəst qalıb. 15 yaşlı Nəzakət Məmmədovanın gözləri qarşısında atasına işgəncə veriblər, onun qulaqları kəsilib, anası bunlara dözməyərək dəli olub, qızın özünü isə 4 milyon rubla ailəsinə satıblar".

Bu kimi faktların yüzlərlə olduğunu vurğulayan E.Orucova beynəlxalq təşkilatları və dünyanın böyük dövlətlərini ermənilərin azərbaycanlılara qarşı soyqırım siyasətinə diqqət yetirməyə çağırıb.

Xocalı soyqırımı zamanı girov götürülmüş və hazırda Ermənistanda, işğal altındakı Dağlıq Qarabağ və ətraf bölgələrdə girovluqda saxlanan uşaqların siyahısı (şahid ifadələri ilə təsdiqlənib):

1. Allahverdiyev Mahir Novruz oğlu - 1975-ci ildə Xocalıda doğulub. 26 fevral 1992-ci ildə Xocalıda girov götürülüb.

2. Cəfərov Nüsrət (Anar) Fazil oğlu - 1975-ci ildə Xocalıda doğulub. 26 fevral 1992-ci ildə Xocalıda girov götürülüb.

3. Cəfərov Samir Tacir oğlu - 1988-ci ildə Xocalıda doğulub. 26 fevral 1992-ci ildə Xocalıda girov götürülüb.

4. Əliyev Səbuhi Cahangir oğlu - 1981-ci ildə Xocalıda doğulub. 26 fevral 1992-ci ildə Xocalıda girov götürülüb.

5. Əliyev Səlim Cahangir oğlu - 1987-ci ildə Xocalıda doğulub. 26 fevral 1992-ci ildə Xocalıda girov götürülüb.

6. Hüseynov Məhsəl Elxan oğlu - 1992-ci ildə Xocalıda doğulub (3 aylıq olub). 26 fevral 1992-ci ildə Xocalıda girov götürülüb.

7. Hüseynov Rəcəf Elxan oğlu - 1987-ci ildə Xocalıda doğulub. 26 fevral 1992-ci ildə Xocalıda girov götürülüb.

8. Hüseynova Səbinə Elxan qızı - 1988-ci ildə Xocalıda doğulub. 26 fevral 1992-ci ildə Xocalıda girov götürülüb.

9. Hüseynova Nəsibə Hüseyn qızı - 1982-ci ildə Xocalıda doğulub. 26 fevral 1992-ci ildə Xocalıda girov götürülüb.

10. Məmmədov Möhlət Məmməd oğlu - 1976-cı ildə Ermənistanın Göyçə mahalında doğulub. 26 fevral 1992-ci ildə Xocalıda girov götürülüb.

E.Eldəniz

Ayna.- 2011.- 26 fevral.- S.15.