Müdafiə və
təhlükəsizlik sektorunda nə baş verib? (15-31 may)
May ayı hadisələr baxımından zəngin oldu. SNT layihəsi
çərçivəsində Azərbaycanın və
ümumilikdə regionun təhlükəsizlik və müdafiə
sektorunda baş verən hadisələrin icmalını
hazırlamaqda davam edirik. Bu dəfə də
ənənəmizə sadiq qalaraq mayın ikinci
yarısında baş verən hadisələrin qısa
icmalın təqdim olunur.
Dağlıq
Qarabağ münaqişəsi
19 may. ABŞ dövlət
katibinin köməkçisi Filipp Qordon mayın 18-də
Senatın Xarici əlaqələr komitəsinin Avropa işləri
üzrə alt komitəsində çıxışı
zamanı bildirib ki, "Qarabağla bağlı sülh
sazişi üzərində işə başlamağın
vaxtı çatıb".
19
may. Ermənistanın müdafiə naziri Seyran Ohanyan bildirib
ki, "Azərbaycan müharibəyə başlasa, Ermənistanın
KTMT tərkibindəki müttəfiqlərinin dəstəyini
almağa haqqı var".
20
may. Vaşinqtonda Ermənistanın xarici işlər naziri
Edvard Nalbandyanla görüşdə Amerika Birləşmiş
Ştatlarının dövlət katibi Hillari Klinton bəyan
edib ki, "Qarabağ münaqişəsi yalnız sülh
yolu ilə həll oluna bilər".
20
may. PA beynəlxalq əlaqələr şöbəsinin
müdiri Novruz Məmmədov deyib ki, "KTMT-nin Azərbaycanın
daxili işlərinə qarışmağa ixtiyarı
yoxdur".
23
may. Qazaxıstan Prezidenti yanında Strateji Tədqiqatlar
İnstitutunun baş elmi işçisi Murat Laumulin bildirib ki,
Dağlıq Qarabağda hərbi münaqişə
başlayarsa, bu, Azərbaycanın Ermənistana hücum etməsi
demək olmayacaq".
26 may. Fransanın Dovil şəhərində keçirilən G-8 sammiti çərçivəsində Rusiya, Fransa və ABŞ prezidentləri Dağlıq Qarabağ münaqişəsinin nizamlanması ilə bağlı birgə bəyanat imzalayıblar. Prezidentlər bəyanatda Azərbaycan və Ermənistan liderlərini "əhalini müharibəyə deyil, sülhə hazırlamağa, iyunda keçiriləcək sammitin gedişində əsas nizamlanma prinsipləri üzərində işi başa çatdırmağa" çağırıblar.
31 may. ABŞ səfiri Metyu Brayza bildirib ki, "Rusiya, ABŞ və Fransa prezidentlərinin G-8 ölkələrinin bu yaxınlarda Dovildə keçirilən sammiti çərçivəsində Dağlıq Qarabağ münaqişəsi ilə bağlı birgə bəyanatla çıxış etmələri həm ABŞ, həm də həmin ölkələrin bu münaqişənin sülh yolu ilə həlli üçün çalışdıqlarına bir daha sədaqətli qalmaları kimi dəyərləndirilməlidir".
31 may. Prezident Administrasiyasının beynəlxalq əlaqələr şöbəsinin müdiri Novruz Məmmədov deyib ki, "bölgədə status-kvonun dəyişdirilməsi Dağlıq Qarabağ ətrafındakı rayonların işğaldan azad olunması ilə başlamalıdır".
Təmas xətti
18 may. Azərbaycan Ordusu cəbhə bölgəsində növbəti genişmiqyaslı hərbi təlimlərə başlayıb. Müdafiə naziri, general-polkovnik Səfər Əbiyevin komandanlığı altında həyata keçirilən təlimlərdə quru qoşunları və Hərbi Hava Qüvvələrinin şəxsi heyəti iştirak edib.
18 may. Ermənistan silahlı qüvvələri
peşəkar snayperlərini cəbhə xəttinin ön
nöqtələrinə yerləşdirməyə
başlayıb. Tərtər
və Ağdam rayon icra hakimiyyətlərindən verilən məlumata
görə, vəziyyət təhlükəli olduğundan, təmas
xəttinin yaxınlığında yerləşən
yaşayış məntəqələrinin icra nümayəndələri
və bələdiyyələr yerli sakinlər arasında
düşmən snayperlərindən qorunmaq üçün
maarifləndirmə işləri aparır.
26 may. Ermənistan silahlı qüvvələri Azərbaycanın işğal altında olan ərazilərindən Ağdam rayonunun Çıraqlı kəndindəki əkin sahələrində çalışan sakinləri atəşə tutublar.
27 may. Ekologiya və təbii sərvətlər naziri Hüseynqulu Bağırov bildirib ki, Azərbaycanın Ermənistanın işğalı altında olan ərazilərini daim nəzarətdə saxlamaq üçün nazirlikdə xüsusi komissiya yaradılıb.
İtkilər
17 may. Müdafiə Nazirliyinin Gəncədəki N saylı hərbi hissəsində əsgər, 2010-cu ilin aprelində Quba RHK-dan çağırılmış 19 yaşlı Əkbər Cəbrayıl oğlu Dəmirov postda olarkən əlindəki xidməti silahla davranma qaydasını kobud şəkildə pozduğu üçün atəş açılıb və hərbçi yoldaşına dəyib. Nəticədə onunla birgə xidmətdə olan əsgər, 2010-cu ilin aprelində Şuşa RHK-dan çağırılmış 19 yaşlı Xaqani Zakir oğlu Allahverdiyev aldığı güllə yarasından keçinib.
17 may. Naxçıvandakı N saylı hərbi hissədə xidmət edən kiçik çavuş, 19 yaşlı Əliyev Elvin Əkbər oğlu (Ordubad RHK) əsgər yoldaşı, 19 yaşlı Abdullayev Tofiq Madar oğlunu (Şərur RHK) qətlə yetirib. Elvin Əliyev sonra intihar edib.
19 may. Müdafiə Nazirliyinin N saylı hərbi hissəsinin əsgərlərini Mingəçevirdəki hospitala aparan avtobusda olan əsgər Şəhriyar İmranlı özünü maşından atıb. Nəticədə əsgərin boynu sınıb və bir sıra ağır xəsarətlər alıb.
20 may. Ağdamın Baş Qərvənd kəndi yaxınlığında yerləşən mövqelərdən Ermənistan silahlı qüvvələrinin açdığı atəş nəticəsində Azərbaycan SQ-in hərbi qulluqçusu, Ağdam RHK-dan çağırılmış, müddətdən artıq hərbi qulluqçu Məmmədov Rəhman Eldar oğlu aldığı güllə yaralarından həlak olub.
22 may. Ermənistan silahlı qüvvələrinin cəbhənin Tərtər rayonu istiqamətində atəşkəsi pozması nəticəsində Şuşa RHK-dan ötən ilin iyulunda çağırılmış Milli Ordunun əsgəri Fərid Vidadi oğlu Fərəcov həlak olub.
24 may. Goranboyda yerləşən N saylı hərbi hissənin əsgəri, bir həftəlik məzuniyyətə gəlmiş 18 yaşlı Qəhrəman Ömürmalı oğlu Cavadov Sumqayıtda yol qəzasında ölüb.
27 may. Tərtər istiqamətində - qoşunların təmas xəttində ermənilərin açdığı atəş nəticəsində müddətdən artıq xidmət edən Ənvər Rafiq oğlu İsgəndərov aşağı ətraf nahiyəsindən güllə yarası alıb.
Hərbi siyasət
18 may. Azərbaycan və Rusiya arasında Qəbələ RLS-in icarə müddətinin artırılmasına dair danışıqların başlandığına dair məlumat yayılıb.
19 may. İranın Rusiya səfiri Mahmud Rza Səcadi Rusiyanı ölkəsinə "C 300" zenit-raket kompleksi satmaqdan imtina etdiyinə görə tənqid edib. Səfir bəyan edib ki, bu addım iki ölkə arasında ticarət münasibətlərinə neqativ təsir göstərəcək.
19 may. GUAM-ın Ukraynanın paytaxtı Kiyev şəhərindəki mənzil qərargahında terrorizmlə mübarizə üzrə işçi yarımqrupunun 6-cı iclası keçirilib. İclas iştirakçıları terrorizmlə mübarizə sahəsində regional, o cümlədən ikitərəfli və çoxtərəfli səviyyələrdə əməkdaşlığın inkişafına dair fikir mübadiləsi aparıblar. İclasda GUAM çərçivəsində informasiyanın kriptoqrafik müdafiəsi üzrə layihənin reallaşdırılması gedişi nəzərdən keçirilib. Forumun nəticələrinə görə protokol imzalanmışdır.
20 may. Rusiya SQ Kosmik Qoşunlarının qərargah rəisinin müavini, polkovnik İqor Morozov deyib ki, Avropa Raket Hücumundan Müdafiə Sisteminə inteqrasiya üçün ən uyğun obyekt Qəbələ RLS-dir.
23 may. ABŞ-ın Bakı səfirliyi terror həyəcanının qüvvədə qaldığını bildirib.
24 may. Azərbaycanın NATO yanında nümayəndəliyinin rəhbəri, səfir Xəzər İbrahim bildirib ki, "Azərbaycan-NATO tərəfdaşlığı bu günədək böyük inkişaf yolu keçərək möhkəmlənib və məzmunca dərinləşib".
25 may. Azərbaycanın Pakistan səfiri Daşqın Şikarov Pakistanın Birləşmiş Qərargah Rəisləri Komitəsinin sədri, ordu generalı Xalid Vaynla görüşüb.
25 may. Azərbaycan Qoşulmama Hərəkatına tamhüquqlu üzv qəbul olunub.
Bu barədə qərar İndoneziyanın Bali adasında keçirilən Qoşulmama Hərəkatının 16-cı Nazirlər Konfransında qəbul olunub.
25-28 may. Silahlı Qüvvələrə Demokratik Nəzarət üzrə Cenevrə Mərkəzinin (DCAF) direktor müavini Filip Flurinin rəhbərlik etdiyi heyət Azərbaycanda səfərdə olub.
27-30 may. Azərbaycanlı millət vəkilləri mayın 27-dən 30-dək Bolqarıstanın Varna şəhərində NATO Parlament Assambleyasının yaz sessiyasında iştirak edib. Sessiyanın iclaslarında informasiya və milli təhlükəsizlik, Ukraynada daxili dinamika və xarici siyasətin prioritetləri, Əfqanıstanda idarəetmə problemləri, raket əleyhinə müdafiə, Çinin tərəqqisi və bunun NATO üçün mümkün nəticələri, bioloji və kimyəvi təhdidlərə qarşı müqavimət göstərilməsi, sənayenin su təhlükəsizliyinə təsiri və digər mövzularda məruzələr dinlənilib, fikir mübadiləsi aparılıb.
30 may. İran və Ermənistan enerji, ticarət, sənaye və digər sahələrdə əməkdaşlığa dair saziş imzalayıblar. Müvafiq sənəd ötən gün Tehranda İran-Ermənistan hökumətlərarası komissiyanın iclası çərçivəsində imzalanıb. Təmaslar zamanı tərəflər Culfa-Sisyan dəmiryol xəttinin tikinti layihəsini müzakirə ediblər. İran Dəmiryol İdarəsinin rəsmisi Reza Pilpayeh deyib ki, layihənin ümumi dəyəri 2,5 mlrd. dollara yaxındır və indi əsas məqsəd sərmayəçiləri tapmaqdır.
31 may. Dövlət Torpaq və Xəritəçəkmə Komitəsinin sədri Qərib Məmmədov deyib ki, Azərbaycan sərhədlərin delimitasiyası və demarkasiyası ilə bağlı Gürcüstandan diplomatik kanallarla dəvət gözləyir. Azərbaycanla Gürcüstan arasında 480 kilometr sərhəd olduğunu xatırladan komitə sədri bunun 300 kilometrinin artıq razılaşdırıldığını, təxminən 180 kilometrin hələ razılaşdırılmamış qaldığını deyib.
Xəzərin təhlükəsizliyi
22 may. Hərbi qaynaqların məlumatlarına görə, Türkmənistan yaxın 15 il ərzində Xəzər donanmasına 25 yeni, müxtəlif tutumlu hərbi gəmi daxil etməyi, həmçinin yaxın 2 il ərzində Xəzər üzərində yeni müşahidə sistemi qurmağı planlaşdırır. Artıq bu məqsədlə Fransanın "Thales" şirkəti ilə müqavilə imzalanıb və bu şirkətin istehsalı olan radarların Türkmənistanın Xəzər sahilindəki bazalarında qurulma prosesi davam edir. Türkiyənin "Dearsan" şirkəti ilə imzalanmış müqavilə çərçivəsində isə Türkmənistanın bir sahil şəhərində qurulan tərsanədə bu ölkə HDQ-si üçün 2 ədəd 56 metrlik "Tuzla" sinifli gəminin inşasına başlanıb.
23 may. Türkmənistan parlamenti "Xəzər
dənizində təhlükəsizlik üzrə əməkdaşlıq
haqqında sazişin ratifikasiyası haqqında" qanun layihəsini
qəbul edib. Birgə
bəyannamə ilə yanaşı, saziş Azərbaycan,
Türkmənistan, Rusiya, Qazaxıstan və İran rəhbərləri
tərəfindən 2010-cu il noyabrın 18-də Bakıda
imzalanıb.
31 may. Rusiya xarici işlər nazirinin müavini Qriqori Karasin Xəzəryanı ölkələrin səfirlərinin ötən həftə Həştərxanda keçirilən görüşündən sonra deyib ki, "Xəzərin hüquqi statusuna dair beştərəfli formatda aparılan müzakirələrdə bir sıra məsələlər üzrə irəliləyiş istədiyimiz qədər sürətlə getmir. Aydındır ki, hər bir sahilyanı ölkə maraqlar balansının axtarışına öz töhfəsini verməlidir.
Müdafiə sənayesi
16 may. MSN "Azad Systems Co" şirkəti bu
il üçün Silahlı Qüvvələrdən 60 ədəd
pilotsuz uçan aparat sifarişi alıb. Nazir Yavər Camalovun
sözlərinə görə, artıq şirkət
"Orbiter 2M" və "Aerostar" tipli pilotsuz
aparatların istehsalına start verib. Müdafiə Nazirliyinin
sifarişi üzrə pilotsuz aparatların tədarükü
ilin sonuna qədər başa çatdırılacaq.
16 may. Orta Anadolu İxracatçıları
Birliyinin hesabatında bildirilir ki, bu ilin yanvar-aprel aylarında
Türkiyə Azərbaycana 20 milyon dollardan artıq məbləğdə
silah və sursat satışını həyata keçirib.
Türkiyənin Makina və Kimya Sənayesi Təşkilatının
(MKEK) yaydığı məlumata görə isə, şirkət
tərəfindən 2010-cu ildə Azərbaycana 299 505,2 min
ABŞ dolları dəyərində silah və sursat ixracı
həyata keçirilib.
17
may. Nazir Yavər Camalov bildirib ki, Azərbaycan və
Çexiya "Aero L-159 ALCA" (Advanced Light Combat Aircraft) təyyarələrinin
Bakıda yığılması və birgə
satışına dair işlər aparır.
19 may. Nazir Yavər Camalov bildirib ki, MSN Silahlı Qüvvələrin modernləşmə layihələrini tam olaraq üzərinə götürməyə hazırlaşır. Qeyd edib ki, bu il üçün MSN Müdafiə Nazirliyindən 10 ədəd BTR və 60 ədəd BRDM tipli döyüş maşınının modernləşdirilməsinə dair sifariş alıb. Y.Camalovun sözlərinə görə, modernləşmə zamanı döyüş maşınları yeni qüllələrlə və "Şimşək" atış-kontrol sistemləri ilə təchiz ediləcək.
19 may. Azərbaycanın hərbi qurumlarının Türkiyənin "Yüksel Savunma A.Ş." (YSS) şirkətinin istehsalı olan uzaqdan komandalı silah sistemlərinə böyük maraq göstərdiyi bildirilib.
20 may. Azərbaycan MSN-in Türkiyənin Trabzon
Silah Sanayi (TİSAŞ) şirkəti ilə birgə bu ilin
ikinci yarısından etibarən Bakıda "İnam",
"Zəfər" və "Zəfər-K" tipli
tapançaların seriya istehsalına başlayacağı
bildirilib.
21 may. Türkiyənin BİTES şirkəti
elektron tədris sistemlərinin ixracatına dair yaxın
vaxtlarda Azərbaycanın hərbi qurumları ilə
görüşlərə başlayacaq.
21 may. Türkiyə şirkəti Azərbaycana universal
robotlar və insansız sualtı aparatlar təklif edib.
21 may. Nazir Yavər Camalov bildirib ki, Azərbaycan 2012-ci ilin
sonundan Silahlı Qüvvələri iriçaplı
döyüş sursatları ilə tam təchiz edəcək.
23 may. Azərbaycan konstruktorları tərəfindən
hazırlanan "İstiqlal" snayper tüfənginin texniki
göstəricilərinin təkmilləşdirilməsi
üçün Türkiyə ilə əməkdaşlıq
sazişi imzalanıb.
23 may. Azərbaycan Texniki Universitetində MSN
üçün kadrlar hazırlanması məqsədilə
ayrıca fakültə yaradılacaq. Bunun
üçün artıq bütün lazımi sənədlər
- fənlərin dövlət standartları, lazımi
ixtisasların adları və digərləri hazırlanaraq
hökumətə təqdim olunub. Fakültədə tələbələr
beş ixtisas üzrə təhsil alacaqlar.
Hər ixtisas üzrə 15 nəfər olmaqla
ümumilikdə 75 tələbə qəbul ediləcək.
23 may.
Nazir Yavər Camalov bildirib ki, Azərbaycanın hərbi
mühəndisləri Cənubi Afrika şirkəti ilə birgə
zirehli transportyorlar üçün xüsusi qüllə
hazırlayıblar.
25 may. Birləşmiş Ərəb Əmirliklərinin (BƏƏ)
Silahlı Qüvvələri Baş Qərargahının Təminat
və Təchizat İdarəsinin rəisi general Xəlifə
Məhəmməd Səni Ər-Rumeysinin rəhbərlik etdiyi
geniş tərkibli heyət Müdafiə Sənayesi
Nazirliyinin dəvəti ilə Azərbaycana gəlib.
31 may. Yaxın vaxtlarda Bakıda Türkiyə müdafiə
sənayesi ofisinin açılması
planlaşdırılır.
Ofisdə Türkiyə hərbi-sənaye
kompleksinə daxil olan şirkətlərin məhsulları
nümayiş etdiriləcək. Hazırda Türkiyə
müdafiə sektorunda fəaliyyət göstərən 20-dən
artıq şirkətin Azərbaycanla əməkdaşlıq
və ticarət əlaqəsi mövcuddur.
Müdafiə Nazirliyi
16-17 may. Gürcüstan müdafiə naziri Baço Axalaya Azərbaycana
rəsmi səfəri çərçivəsində Azərbaycanın
müdafiə naziri Səfər Əbiyev və digər rəsmi
şəxslərlə görüşüb. Gürcüstan Azərbaycana hərbçilərə
təlim keçilməsi sahəsində əməkdaşlıq
təklif edib. Nazir Bakıda keçirdiyi
görüşlərdə Saçxere Təlim Mərkəzində
Azərbaycan hərbi qulluqçularının
hazırlanması təklifi ilə çıxış edib.
Gürcüstan hərbçilərinin azərbaycanlı
həmkarları ilə beynəlxalq sülhməramlı əməliyyatlarda
iştirak təcrübəsini bölüşməyə
hazır olduqlarını da bildirib. Görüşlər
zamanı silahlı qüvvələr arasında hərbi təhsil,
hərbi islahat, Azərbaycan və Gürcüstan arasında təhlükəsizlik
məsələləri müzakirə olunub.
16-20 may. Bakıda birgə əməkdaşlıq çərçivəsində
Brunssumdakı BQK-nın mobil təlim qrupu tərəfindən
çoxmillətli birgə tapşırıq qüvvələri
(CJTF) əməliyyat planlaşdırma kursu və maddi-texniki təminat
mövzusunda kurs keçirilib.
17-19 may. NATO-nun Brunssumdakı Birləşmiş Qüvvələr
Komandanlığının (BQK) əməliyyat
direktoratlığının birgə planlar şöbəsinin
rəisi briqada generalı Maykl Jorqensen Azərbaycanda səfərdə
olub.
19 may. Azərbaycanın NATO ilə birgə keçirilməsi
planlaşdırılan, lakin təxirə salınmış
"Regional Response-2011" ("Regional Cavab") təliminin
avqust ayında keçirilməsini təklif etdiyi bildirilib.
23-25 may. NATO/ABŞ ekspertləri Azərbaycanda səfərdə
olublar. Məqsədi Silahlı Qüvvələrin
Hərbi Akademiyasına təhsil sahəsində ekspert
yardımını davam etdirməkdir.
23-26 may. Azərbaycan-Özbəkistan ikitərəfli əməkdaşlıq
planına əsasən, Bakıda əməkdaşlığın
prioritetlərinin, perspektivlərinin və istiqamətlərinin
müəyyənləşdirilməsi məsələləri
üzrə hərbi ekspertlərin işçi görüşü
keçirilib.
24-27 may. Azərbaycan SQ nümayəndələri Bosniya və
Herseqovinanın Neum şəhərində keçirilən
NATO-nun Arxa Cəbhə İdarəsinin tərəfdaşların
arxa cəbhə ekspertlərinin işçi qrupunun
görüşündə iştirak ediblər.
29-31 may. Türkiyə Quru Qoşunları Təlim və
Doktrina komandanı Saldıray Berkin başçılıq
etdiyi heyət Azərbaycanda səfərdə olub.
Onlar
prezident İlham Əliyev, müdafiə naziri Səfər Əbiyev,
daxili işlər naziri Ramil Usubov, Daxili Qoşunlar komandanı
Zakir Həsənov tərəfindən qəbul ediliblər.
31 may.
Müdafiə Nazirliyi mətbuat xidmətinin yaydığı
məlumata görə, Azərbaycan hərbi
qulluqçuları bu tədbirlərdə iştirak edəcəklər:
HHQ Komandanları konfransı və aviaşou. 01-05.06.2011.
İstanbul, İzmir, Türkiyə.
SQ Hərbi Xarici Dil sahəsində ekspert dəstəyinin
təmin edilməsi məqsədilə NATO Beynəlxalq Qərargahının
Beynəlxalq Dil Əlaqələndirmə ofisi (BİLC) ekspert
qrupunun səfəri. 06-08.06.2011. Bakı, Azərbaycan.
Hərbi Attaşelərin "VII Sovereign Challenge"
konfransı. 06-09.06.2011.
FTP-dən əlavə. 06-09.06.2011. NATO-nun Birləşmiş
Analiz və Təcrübələrin Öyrənilməsi Mərkəzinin
(JALLC) ekspert qrupunun səfəri. Bakı, Azərbaycan.
Azərbaycan-ABŞ
iş planına əsasən. 06-09.06.2011.
Missiyaqabağı səhra yoxlama təlimlərinin
planlaşdırılması mövzusunda seminar. Bakı,
Azərbaycan.
"Combined Endeavor-2011" təliminin Yekun
Planlaşdırma konfransı. 06-10.06.2011. Budva, Çernoqoriya.
NATO İctimai əlaqələr siyasətinin
hazırlanması kursu. 06-10.06.2011. Oberamerqau, Almaniya.
Adi silahlara nəzarət üzrə informasiya mübadiləsi
kursu.
06-10.06.2011. Oberamerqau, Almaniya.
"Sea Breeze 2011" təlimi. 06-18.06.2011. Odessa, Ukrayna.
FTP-dən əlavə. 06.06-01.07.2011. "Beynəlxalq
Qərargah zabitləri üçün bacarıqlar" kursu.
Sarayevo, Bosniya və Herseqovina.
Eternity-2011 təliminin əsas planlaşdırma
konfransı.
07-08.06.2011. Bakı, Azərbaycan.
Azərbaycan-Polşa ikitərəfli əməkdaşlıq
planına əsasən. 14-15.06.2011. İki ölkənin
Silahlı Qüvvələrinin hüquq xidmətinin
seçilmiş aspektləri üzrə hərbi
hüquqşünaslar arasında məsləhətləşmələr.
Bakı, Azərbaycan.
Azərbaycan-Almaniya ikitərəfli əməkdaşlıq proqramına əsasən. 14.06-08.07.2011. "Avropa təhlükəsizliyi-2011" kursu. Hamburq, AFR.
Azərbaycan-ABŞ iş planına əsasən.
15.06.2011-05.01.2012. Piyada zabitinin təməl kursu. San-Antonio, ABŞ.
2012-ci il Kooperativ tipli təlimləri: Birgə təlimlərin
xüsusiyyətləri konfransı. 15-16.06.2011. Mons,
Belçika.
Fövqəladə Hallar Nazirliyi
21 may. Fövqəladə hallar naziri Kəmaləddin Heydərovun
rəhbərlik etdiyi heyət Niderland Krallığında rəsmi
səfərdə olub.
23 may - 2
iyun. Azərbaycan xilasediciləri xilasetmə dəstələrinin
Almatıda 16-cı "Kazspas-2011" beynəlxalq təlim-seminarında
iştirak edib. Tədbirə Qazaxıstan və Azərbaycanla
yanaşı, Rusiya, Qırğızıstan və Tacikistandan
xilasedicilər, eləcə də ABŞ-ın Arizona
ştatı Milli Qvardiyasından və Çexiya Daxili
İşlər Nazirliyindən olan müşahidəçilər
qatılıb. Təlimdə texnogen
uçqunlar, zəlzələ, aviaqəza, dəmiryolu qəzaları,
yanğınlar, kimyəvi maddə istehsal edilən müəssisələrdə
qəzalar zamanı xilasetmə işləri və digər təxirəsalınmaz
tədbirlərin görülmə metodları sınaqdan
keçirilib.
25 may. Belarusun Azərbaycan səfiri Nikolay Patskeviç
bildirib ki, Belarus Fövqəladə Hallar Nazirliyinin tədris
müəssisələrində 200-dən artıq Azərbaycan
vətəndaşı təhsil alır.
25-26 may. Fövqəladə hallar naziri Kəmaləddin Heydərovun
rəhbərlik etdiyi heyət İtaliyada rəsmi səfərdə
olub. Səfər çərçivəsində
"Azərbaycan Respublikası Fövqəladə Hallar
Nazirliyi və İtaliya Respublikası Nazirlər Şurası
Sədrliyinin Mülki Müdafiə Departamenti arasında
mülki müdafiə sahəsində əməkdaşlıq,
fövqəladə hallar zamanı yardım və
qarşılıqlı fəaliyyət haqqında Anlaşma
Memorandumu" imzalanıb.
29-30 may. Fövqəladə Hallar Nazirliyindən Kəmaləddin
Heydərovun rəhbərlik etdiyi bir heyət Latviyada rəsmi
səfərdə olub.
Ədliyyə Nazirliyi
19 may. Azərbaycanda
səfərdə olan Fransa Ədliyyə və Azadlıqlar
Nazirliyinin Avropa və beynəlxalq məsələlər xidmətinin
rəisi Erik Metrpyer ədliyyə naziri Fikrət Məmmədovla
görüşüb.
23 may. Azərbaycanın ədliyyə naziri Fikrət Məmmədov
Beynəlxalq Prokurorlar Assosiasiyasının (BPA) illik
konfransında assosiasiyanın Senatına seçilib.
Milli Təhlükəsizlik Nazirliyi
25 may. Dnepropetrovskda MDB dövlətləri təhlükəsizlik
qurumları və xüsusi xidmət orqanları rəhbərləri
Şurasının iclası keçirilib. Xüsusi xidmət orqanları rəhbərləri
terrorçuluğa, qaçaqmalçılığa,
narkobiznesə, qeyri-leqal miqrasiyaya qarşı birgə
mübarizə yollarını da müzakirə ediblər.
İclasın sonunda növbəti
toplantını Bakıda keçirmək barədə qərar
qəbul olunub.
25 may. İranın Azərbaycandakı fövqəladə
və səlahiyyətli səfiri Məhəmmədbağır
Bəhrami bildirib ki, Tehranda keçiriləcək
terrorçuluğa qarşı mübarizəyə həsr
olunmuş konfransa Azərbaycan və Ermənistan prezidentləri
də dəvət olunub.
Dövlət Sərhəd Xidməti
19 may. DSX əməkdaşları üçün inşa
edilmiş yeni yaşayış kompleksi istifadəyə
verilib. Bildirilib ki, kompleks 1,6 hektar sahəni
əhatə edir. Burada onikimərtəbəli
264 mənzilli yaşayış binası inşa olunub. Yaşayış binası iki və
üçotaqlı mənzillərdən ibarətdir. Kompleksdə sərhədçilər
üçün hər şərait yaradılıb.
Burada uşaq bağçası, qadın və kişi fitnes salonları, market və kafe,
voleybol və basketbol meydançaları, avtomobil
dayanacağı və istirahət parkı var.
ANAMA
20 may. BMT-nin Azərbaycandakı rezident əlaqələndiricisinin
müavini xanım Nato Alxazişvili ANAMA-da olub. Məqsəd Azərbaycanda minatəmizləmə fəaliyyəti
ilə tanışlıq və proqram çərçivəsində
əməkdaşlıq perspektivlərini müəyyənləşdirməkdir.
Büdcə və sosial təminat,
qanunvericilik
23 may. Maliyyə naziri Samir Şərifov deyib ki, zabitlərin
əməkhaqqının artırılması aktual məsələdir.
"Cəbhə xəttində xidmət edən hərbçilərin
iş şəraitinin arxa cəbhədəkindən fərqli
olduğunu deyən maliyyə naziri bu istiqamətdə müəyyən
işlər görüləcəyini deyib".
25-26 may. Minskdə Veteranlara güzəştlər və zəmanətlər
verilməsi üçün sənədlərin
reallaşdırılmasına dair təkliflərin təhlili
və hazırlanması üzrə İşçi Qrupun
iclası keçirilib.
27 may. Azərbaycanda
2011-ci il dövlət büdcəsindən müdafiə xərcləri
üçün ayrılan vəsait 39,7
milyon manat (3 %) artırılaraq 1 364,8 milyon manat təşkil
edib. Bu, "Azərbaycan Respublikasının
2011-ci il dövlət büdcəsi haqqında" qanuna təklif
olunan dəyişikliklərdə qeyd olunub. Qeyd olunur ki,
2011-ci ildə artan büdcə gəlirləri fonunda
"Müdafiə" bölməsi üzrə artımla nəzərdə
tutulmuş vəsaitlər əsasən Silahlı Qüvvələrin
və başqa silahlı birləşmələrin hərbi
qulluqçularının və mülki işçilərinin
sosial müdafiəsinin gücləndirilməsinin və
onların həyat şəraitinin
yaxşılaşdırılmasının, hərbi-iqtisadi və
hərbi-texniki ehtiyacların ödənilməsi
üçün təchizatın həyata keçirilməsinin,
ölkə ərazisində hərbi infrastruktur obyektlərinin
inkişaf etdirilməsinin dayanıqlı maliyyə təminatını
formalaşdırmağa imkan verəcək. 2011-ci
ildə artımla bir yerdə nəzərdə tutulan vəsaitin
1 270 857 361 manatı Müdafiə Nazirliyi, 92 932 391 manatı
Dövlət Sərhəd Xidməti daxil olmaqla müdafiə
qüvvələri üçün nəzərdə tutulub.
Öz növbəsində, bu vəsaitdən 34
506 900 manatı əməkhaqqı və pensiya təminatına,
188 014 055 manatı ölkənin müdafiə
potensialının gücləndirilməsi ilə bağlı
xərclərə, 3 374 102 manatı mənzil, kommunal,
kommunikasiya kimi xidmətlərdə yeni tariflərin tətbiqi
ilə bağlı digər xərclərə, 49 163 227
manatı maddi-texniki təminatın möhkəmləndirilməsi
ilə bağlı xərclərə yönəldiləcək.
Müdafiə xərcləri bölməsi üzrə vəsaitin
88 955 665 manatı milli təhlükəsizlik tədbirlərinə,
o cümlədən 86 955,665 manatı Milli Təhlükəsizlik
Nazirliyinə, 2 mln. manat bu sahədə
maddi-texniki təminatın gücləndirilməsinə sərf
olunacaq. Bundan başqa, müdafiə xərcləri
bölməsi üzrə Müdafiə Sənayesi Nazirliyinə
müdafiə sahəsində tətbiqi tədqiqatlara görə
2 326 428 manat, digər xərclər üçünsə 2
656 571 manat yönəldiləcək. Qeyd
edək ki, büdcənin müdafiə xərcləri bölməsində
digər hərbiləşmiş qurumlar olan Daxili Qoşunlar və
Xüsusi Dövlət Mühafizə Xidməti büdcənin
hüquq-mühafizə orqanları bölməsi üzrə
maliyyələşdirilir. 2011-ci ilin
büdcəsində Daxili Qoşunlar üçün 62 862 743
manat, Xüsusi Dövlət Mühafizə Xidməti
üçünsə 68 300 702 manat vəsait nəzərdə
tutulub. Bundan başqa, 2011-ci il
dövlət büdcəsinin xərclərində xüsusi
müdafiə təyinatlı layihələr üçün
əlavə olaraq 1 mlrd. 087 mln. manat vəsait nəzərdə tutulub. Bununla da Azərbaycanın ümumilikdə hərbi
sahəyə yönəltdiyi vəsaitin həcmi 2 582 959 470
manat (3 mlrd. 270 mln. ABŞ dolları) təşkil
edəcək.
26 may.
Prezident İlham Əliyev Azərbaycan vətəndaşlarının
həqiqi hərbi xidmətə çağırılması
haqqında fərman imzalayıb
30 may. Maliyyə Nazirliyi tərəfindən Azərbaycan
Silahlı Qüvvələrində kütləvi yoxlamalara
başlandığı xəbəri yayılıb.
Kriminal, məhkəmə
18 may.
Müdafiə nazirinin sabiq müavini, HHQ və HHMQ-nın
keçmiş komandanı general-leytenant Rail Rzayevin həbsdə
olan yavəri Anar Haşımov, köməkçisi Aydın
Rəfiyev və onun oğlu Anar Rəfiyevin birinci instansiya məhkəməsinin
hökmündən verdikləri apellyasiya şikayəti təmin
olunmayıb.
19 may. Sumqayıt şəhərinin hərbi komissarı
polkovnik Samir Məmmədov işində yol verdiyi nöqsanlara
görə həbs olunub.
23 may.
Şəmkir Hərbi Birləşməsinin zabiti,
polkovnik-leytenant Seymur Əyyubov CM-nin 311.3.2-ci (rüşvət
24 may. Hərbi Prokurorluq Cəlilabad Rayon Hərbi
Komissarlığında yoxlamalar aparıb. Yoxlamalar zamanı komissarlıqda ciddi korrupsiya
faktları aşkarlanıb. Aşkarlanmış faktlarla
bağlı artıq rayonun hərbi komissarı Şirvan
Xasıyevin ifadəsi alınıb..
Ayna.- 2011.- 4 iyun.- S.9-10.