"Döngələr" - çoxseriyalı filmdir

Filmin mayda təhvil veriləcəyi nəzərdə tutulub

Rejissor Cavid Təvəkkül "Döngələr" adlı çoxseriyalı filmin istehsalını başa çatdırmaq üzrədir. Onun AYNAya bildirdiyinə görə, yarıdetektiv və yarımelodram janrında olan filmdə 1988-89-cu illərin hadisələri cərəyan edir. Filmin ssenari müəllifi əməkdar artist Rəşid Səməndər, direktoru isə İctimai Televiziyanın rəhbəri İsmayıl Ömərovdur.

Rejissor bildirib ki, filmdəki hadisələr maraqlı xətt üzrə cərəyan edir. Hələlik təfərrüatı açıqlanmayan ekran işinin mayda təhvil veriləcəyi nəzərdə tutulur.

"Döngələr"in ikinci rejissoru Rövşən Ağayevdir. Baş rolları əməkdar artist Eldəniz Rəsulov və Abbas Qəhrəmanov oynayıblar.

Zəminə

Ayna.- 2011.- 5 mart.- S.20.