Müdafiə və Təhlükəsizlik
sektorunda nə baş verib? (16-28 fevral)
"SNT" əlavəsi çərçivəsində
ənənəvi olaraq ötən dövrdə Azərbaycanın
müdafiə və təhlükəsizlik sektorunda baş verən
hadisələri diqqətinizə çatdırırıq.
16 fevral. ATƏT-in
fəaliyyətdə olan sədri, Litva xarici işlər naziri
Audronyus Ajubalis BMT Təhlükəsizlik Şurasındakı
çıxışında deyib ki, Dağlıq Qarabağ
münaqişəsi ətrafında artan gərginlik təşviş
yaradır: "ATƏT Minsk Qrupu həmsədrlərinin bu
uzanan münaqişənin nizamlanmasında daha fəal
iştirakları və rolu saxlanacaq. Mən münaqişə
tərəflərini snayperlərin təmas xəttindən dərhal
çıxarılması da daxil olmaqla, etimadı möhkəmləndirməyə
və ATƏT-in monitorinq fəaliyyətinin davamına dəvət
edəcəyəm".
16 fevral.
Gürcüstan xarici işlər nazirinin müavini Nino
Kalandadze bildirib ki, Gürcüstanın yeni təhlükəsizlik
konsepsiyasında Rusiya Gürcüstanın düşməni
kimi göstərilməyəcək.
16 fevral.
SAM-ın məlumatına görə, prezident İlham Əliyevin
21 yanvar tarixli sərəncamına əsasən Prezident
yanında Strateji Araşdırmalar Mərkəzinin (SAM)
direktoru Elxan Nuriyev tutduğu vəzifəsindən azad edilib.
Elxan Nuriyev 2008-ci il fevralın 8-də SAM direktoru vəzifəsinə
təyin edilmişdi.
16 fevral. Ermənistan
Konstitusiya Məhkəməsi Rusiyanın 102-ci hərbi
bazasının ölkədə qalma müddətinin 49 ilə
qədər uzadılması barədə dövlətlərarası
müqaviləni təsdiqləyib.
16 fevral.
DİN Baş Mühafizə İdarəsinin rəis
müavini, polis polkovniki Sabir Quliyevə Baş Mühafizə
İdarəsinin rəisi vəzifəsini müvəqqəti
icra etmək səlahiyyəti verilib.
18 fevral. ATƏT-in
fəaliyyətdə olan sədrinin şəxsi nümayəndəsinin
mandatına uyğun olaraq, fevralın 18-də Füzuli-Horadiz
yolu yaxınlığındakı təmas xəttində
monitorinq keçirilib.
18 fevral. Azərbaycan
Sərhəd Qoşunları üçün Beyləqanda
ikinci aerodromun tikintisinə başlanıb. Səngəçal qəsəbəsində
Sərhəd Qoşunlarının aerodromu
var.
18 fevral. Nazirlər
Kabineti Müdafiə Sənayesi Nazirliyinin kollegiyasının
yeni tərkibini təsdiqləyib. Nazirliyin mərkəzi
aparatında aparılmış kadr dəyişiklikləri ilə
əlaqədar olaraq, yeni üzvlər kimi kollegiyanın tərkibinə
Üzeyir İsmayılov (aparatın rəhbəri), Məmmədsaleh
Əliyev (müdafiə təyinatlı məmulatların
yaradılma şöbəsinin müdiri) və Vəli Fətəliyev
(mülki məmulatlar istehsalı şöbəsinin
müdiri) daxil edilib.
19 fevral.
FHN-də 2010-cu ildə görülmüş işlər və
qarşıda duran vəzifələrə həsr olunmuş
geniş kollegiya iclası keçirilib.
19 fevral.
Şirvan, Hacıqabul, İmişli, Kürdəmir və
Ağstafa rayon hərbi komissarları tutduqları vəzifədən
azad olunublar.
19 fevral. Gürcüstan
xarici işlər naziri Qriqol Vaşadze Vaşinqton Strateji və
Beynəlxalq Araşdırmalar Mərkəzində
"ABŞ-ın Cənubi Qafqaz və Xəzərlə
bağlı strategiyası" mövzusunda keçirilən
konfransda çıxış edərək bildirib ki, Cənubi
Qafqazda hərbi risk olmasa da, siyasi qarşıdurma riski
qalmaqdadır".
20 fevral.
Şəmkir korpusuna daxil olan "N" saylı hərbi hissədə
7 hərbçinin ölümü ilə nəticələnən
ağır cinayət hadisəsi baş verib. Faktla
bağlı CM 120.2.7 (iki və daha çox şəxsi qəsdən
öldürmə) maddəsi ilə cinayət işi
başlanıb. Hadisənin başvermə şəraiti və
səbəblərini araşdırmaq üçün zəruri
təxirəsalınmaz istintaq həyata keçirilir.
20-24 fevral. Əbu-Dabidə
(BƏƏ) 10-cu IDEX-2011 beynəlxalq silah sərgisi çərçivəsində
Azərbaycan Müdafiə Sənayesi Nazirliyi müəssisələrində
istehsal olunan 71 adda müdafiə təyinatlı məhsul
nümayiş etdirilib. MSN
stendində Azərbaycanın "Paramout Grour" şirkətinin
lisenziyası ilə istehsal etdiyi "Matador" və
"Marauder" tipli minaya qarşı qorumalı nəqliyyat vasitələri
də nümayiş olunub.
Sərgiyə MSN IST-14,5 "Istiqlal"
snayper tüfəngini, 60 mm
çaplı minaatan,
107 mm çaplı reaktiv mərmi, təlim bombası, Seysmik Mine Füze
("Qığılcım") sistemi və s. daxil
olmaqla 71 adda məhsul (bəziləri əyani
şəkildə, bəziləri - broşur
və kataloq
formasında) çıxarmışdı. Sərgidə Azərbaycanı
müdafiə sənayesi naziri Yavər Camalov, müdafiə
naziri Səfər Əbiyev,
Dövlət Sərhəd Xidmətinin rəisi Elçin Quliyev və başqaları təmsil edirdi.
21 fevral. ABŞ Milli Kəşfiyyat İdarəsinin direktoru Ceyms Klepper Nümayəndələr
Palatasının Kəşfiyyat Komitəsində bildirib ki, Dağlıq Qarabağ münaqişəsi
bölgəsində təmas xətti boyunca atışmaların
davam etməsi kiçikmiqyaslı hərbi
əməliyyatlar riskini artırır.
22 fevral.
Milli Məclisdə Azərbaycan Silahlı Qüvvələrində
kütləvi insan ölümü ilə nəticələnmiş
insidentlə bağlı müzakirə keçirilib. MM Təhlükəsizlik
və Müdafiə Komitəsinin üzvü Zahid Oruc jurnalistlərə
açıqlamasında deyib ki, Müdafiə Nazirliyi
prezidentin korrupsiya və rüşvət hallarına
qarşı tədbirlərlə bağlı
tapşırıqlarını hələ də müzakirə
etməyən yeganə qurumdur.
22 fevral. Ermənistan
KİV-inin məlumatına görə, martın 10-da Ermənistan
parlamentində Silahlı Qüvvələrdə vəziyyət
və ordunun intizam nizamnaməsilə bağlı qanun layihəsinə
dair dinləmələr keçiriləcək.
22 fevral.
Gorusda (Ermənistan) yerləşən hərbi hissələrdən
birində baş vermiş insident nəticəsində
yaralanmış 1 hərbçi hospitala yerləşdirilib.
22 fevral.
Prezident İlham Əliyevin qərarı ilə fevralın 20-də
Azərbaycan Silahlı Qüvvələrinin insident baş
vermiş hərbi birləşməsinin komandiri Çingiz
Şəfiyev vəzifəsindən azad olunub. Onun hərbi
rütbəsi bir pillə aşağı endirilib. Ç.
Şəfiyevin yerinə hərbi birləşmənin komandiri
vəzifəsinə Azərbaycanın Milli Qəhrəmanı,
general-leytenant Rövşən Əkbərov təyin olunub.
23 fevral. Əsir
və itkin düşmüş, girov
götürülmüş vətəndaşlarla əlaqədar
Dövlət Komissiyasının işçi qrupunun rəhbəri
Firudin Sadıqov bildirib ki, itkin düşən 4049 Azərbaycan
vətəndaşının 800-dən çoxu ermənilərin
əlindədir.
23 fevral.
Prezident İlham Əliyev FHN-nin Mülki Müdafiə
Qoşunlarının hərbi hissəsinə döyüş
bayrağı təqdim edib.
23 fevral.
Prezident İlham Əliyev bu gün Beynəlxalq Hərbi
İdman Şurasının prezidenti Hamad Kalkaba Malboumu qəbul
edib.
25 fevral. ATƏT-in
fəaliyyətdə olan sədri, Litva xarici işlər naziri
Audronius Ajubalis Dağlıq Qarabağda vəziyyətin pisləşə
biləcəyindən narahat olduğunu bəyan edib. Qurum sədri
bu bəyanatı Vyanada öz işinə başlayan ATƏT
Parlament Assambleyasının qış sessiyasının
açılışında bildirib. "Mən Dağlıq
Qarabağda vəziyyətin pisləşə biləcəyindən
narahatam. Təmas xəttində itkilərin sayı artan templə
gedir. Dağlıq Qarabağ münaqişəsinin
nizamlanmasında ATƏT-in rolu Minsk Qrupu həmsədrlərinin
iştirakının fəallaşdırılması ilə
qorunub saxlanacaq. Biz münaqişə tərəflərini və
ATƏT-in iştirakçı ölkələrini etimadın
və ATƏT-in monitorinq qrupunun fəaliyyətinin möhkəmləndirilməsi
üçün müxtəlif variantda tədbirləri nəzərdən
keçirməyə çağırırıq",- deyə
ATƏT-in fəaliyyətdə olan sədri Audronius Ajubalis
bildirib. ATƏT sədri qeyd edib ki, münaqişələrin,
o cümlədən Dağlıq Qarabağ münaqişəsinin
həlli məsələlərini müzakirə etmək
üçün martın ortalarında Cənubi Qafqaz regionuna
səfər edəcək.
25 fevral.
"ARMS-TASS" agentliyi xəbər verib ki, Rusiyanın
"Rosvertol" şirkəti Azərbaycana 24 ədəd
"Mi-35M" döyüş helikopteri satmaq barədə
müqavilə bağlayıb. Şirkətin baş direktoru
Boris Slyusar müqavilənin detalları barədə məlumat
verməyib, ancaq bildirib ki, onlar helikopterləri müqavilədə
göstərilən müddətdə ünvana
çatdıracaqlar. Azərbaycan "Rosvertol"un ötən
il ən çox döyüş helikopteri satdığı
ölkədir.
25 fevral.
Prezident İlham Əliyevin sərəncamına əsasən
FHN Su Ehtiyatları Dövlət Agentliyi yaradılacaq. Nazirlər
Kabinetinə iki ay müddətində FHN Su Ehtiyatları
Dövlət Agentliyinin Əsasnamə layihəsini
hazırlayıb Azərbaycan Respublikasının Prezidentinə
təqdim etməsi həvalə olunub.
26 fevral. 19
il əvvəl, 1992-ci il fevralın 25-dən 26-na keçən
gecə Ermənistan Silahlı Qüvvələri SSRİ
dövründən Xankəndi şəhərində yerləşən
366-cı motoatıcı alayın zirehli texnikası və hərbi
heyətinin köməkliyi ilə Xocalı şəhərinə
hücum edib. 63 uşaq, 106 qadın, 70 qoca
və qarı olmaqla, 613 nəfər vəhşiliklə
qətlə yetirilib.
28 fevral.
Bakı hərbi birləşməsinin komandiri vəzifələrinin
icrası hərbi birləşmənin qərargah rəisi
polkovnik Nazim Hüseynova həvalə olunub. Azərbaycanın
Milli Qəhrəmanı polkovnik Fəxrəddin Cəbrayılov
isə həmin birləşmədə komandirin müavini vəzifələrinin
icrasına buraxılıb.
28 fevral. Azərbaycanın
İST 14.5 ("İstiqlal") snayper tüfəngi (İST
14.5 Anti Material Rifle) dünya atıcı silahları kataloquna
daxil ediləcək. Artıq silahın texniki göstəriciləri
və digər zəruri məlumatlar kataloqu hazırlayan
"Janes" şirkəti tərəfindən
götürülüb.
28 fevral.
Müdafiə Nazirliyi mətbuat xidməti SQ hərbi
qulluqçularının iştirak edəcəyi beynəlxalq
tədbirləri açıqlayıb:
01 mart - 30 iyul.
Azərbaycan - ÇXR ikitərəfli əməkdaşlıq
proqramına əsasən Pekində (ÇXR) "Milli Hərbi
Təhlükəsizlik və idarəetmə kursu".
01 mart - 30 iyul. Azərbaycan
- ÇXR ikitərəfli əməkdaşlıq
proqramına əsasən Şiçzyaçjuanda (ÇXR)
Xüsusi təyinatlı bölmə komandirləri kursu.
01-15 mart.
FTP-dən əlavə olaraq Vaşinqtonda (ABŞ) Orta və
icraçı səviyyəli əməkdaşlar
üçün "İcraçı seminar".
06-10 mart. Malmoda
(İsveç) Neft axıntısı hallarının
qarşısının alınması.
07-11 mart. Ştrausberqdə
(Almaniya) Azərbaycan-AFR ikitərəfli əməkdaşlıq
proqramına əsasən "Silahlı Qüvvələr
demokratiya şəraitində" mövzusunda seminar.
07 mart-09 iyul. Azərbaycan-Pakistan
ikitərəfli əməkdaşlıq planına əsasən
Murredə (Pakistan) MTT üzrə Qərargah kursu.
07-11 mart.
FTP-dən əlavə olaraq Narlıtəpədə
(İzmir, Türkiyə) Təbii fəlakətlərdə humanitar
yardım əməliyyatları kursu.
07-16 mart.
Spiezdə (İsveçrə) SNT dövlətləri
üçün Kütləvi İnformasiya vasitələri və
İctimai əlaqələr üzrə təməl kurs.
07-25 mart.
FTP-dən əlavə olaraq Hamburqda (Almaniya) FTP-dən əlavə
BMT hərbi müşahidəçiləri kursu.
07-10 mart. Avstriya Hərbi Attaşesinin
Bakıya səfəri.
08-09 mart. AFR Hərbi Attaşesinin Bakıya səfəri.
08-09 mart. İtaliya Hərbi Attaşesinin
Bakıya səfəri.
08-12 mart. Azərbaycan-Pakistan ikitərəfli əməkdaşlıq planına
əsasən Karaçidə
(
09 mart
- 22 noyabr. Azərbaycan-ABŞ
iş planına əsasən Sam Antonioda
(ABŞ) Səhra Artilleriyası
təməl kursu.
09 mart
2010 - 17 iyun 2012. Azərbaycan-ABŞ iş planına əsasən
San-Antonioda (ABŞ) HDQ Komanda
Qərargah Akademiyasında
təhsil.
14-18 mart. Ankarada (Türkiyə) Kiber-terrorizm
kursu.
14-16 mart. Azərbaycan-Polşa ikitərəfli əməkdaşlıq
planına əsasən
Bakıda İkitərəfli
hərbi əməkdaşlıq
üzrə məsləhətləşmələr.
14-17 mart. Qarmiş-Partenkirxendə
(AFR "Elmi və Xəstəliklərə nəzarət
üzrə icmal konfransı".
Ayna.- 2011.- 5 mart.- S.9-10.