Fransız art-striti İçərişəhərdə

Bu düşündürücü divarüstü kompozisiyalar...

Fransız art-stritinin iki görkəmli təmsilçisi - fransız rəssamlar Antonio Qallaqo və Patrik Pinon Bakıya gəliblər. Onlar Bakıda, Kiçik Qala Fondunun binasında bir sıra əsərlərini nümayiş etdirmişlər, vernisaj isə mayın 12-də oldu.

Mayın 7-dən etibarən və altı gün ərzində Antonio Qallaqo və Patrik Pinon, rəssamlar, qrafika və ya illüstrasiya sahəsində çalışan bir qrup azərbaycanlı yaradıcı kollektivi ilə birlikdə İçərişəhərin divarları və pannoların birinin üzərində afişalardan ibarət müvəqqəti freska üzərində çalışırlar. Bu freska onların xəyal etdikləri, müşahidə apardıqları, fotolar əsasında çəkdikləri şəkillərin fotosurətindən ibarət divarüstü kompozisiyalardır.

Fransız İnstitutu (keçmiş Cultures France), Art es East Fondu və Kiçik QalArt ilə əməkdaşlıq çərçivəsində Azərbaycan Fransız İnstitutu və Fransanın Azərbaycan Səfirliyinin Mədəniyyət Şöbəsi fransız və beynəlxalq art-stretin görkəmli isimləri, fransız rəssamlar Antonio Qallaqo və Patrik Pinonu 2011-ci il mayın 6-dan 15-dək Bakıya dəvət edib.

15 ildən bəri BU BİZİK adlı yaradıcı qurumun üzvləri olan bu rəssamlar öz əsərlərini Joze Mariya Qonsales və Roberto Martines ilə birlikdə şəhərin küçə və meydanlarında numayiş etdirirlər. Ernest Pinon-Ernestin davamçıları olaraq, bu rəssamlarda küçə azad və müstəqil bir yaradıcılıq meydanına çevrilir və belə mühitdə əməkdaşlıq, sənətkarların fərdi və kollektiv baxışlarını əks etdirir.

Onlar 2009-cu ildə Lion byennalında, 2006-cı ildə Grand Palais-də Force de l'Art sərgisində iştirak ediblər. Onlar eləcə də Cənubi Koreyada Gwangiu byennalında və Sarayevoda Shenzen muzeyində sərgi təşkil ediblər.

Belə növ "ratchwork" hər bir iştirakçının fərdi özəlliklərini özündə əks etdirmə vasitəsidir. Divar kağızı yapışqanı vasitəsi ilə bərkidilən bu freska asanca çıxarıla bilər və ya pis hava şəraitində öz-özünə yox olacaq. Azərbaycan Fransız İnstitutu və Fransanın Azərbaycan Səfirliyinin Mədəniyyət şöbəsi Azərbaycan mədəni irsinin nadir incisi olan İçərişəhərdə müasir fransız rəssamlığını gənc Azərbaycan rəssamlığı ilə bir araya gətirən layihədə iştirak etməkdən məmnunluq duyduqlarını ifadə etdilər.

Rəssam-plakatçılar Patrik Pinon və Antonio Qalleqo, Mariya Qonsales və Roberto Martineslə birgə çoxillik küçə təcrübəsinə malik olan "Un Nous" qrupunu yaratmışlar. Əsərlərinin ötəri aspektlərində bu rəssamlar sanki canlı, şən, xüsusi bayram ovqatını görürlər. Onlar əksər hallarda anonim fəaliyyət göstərərək küçə rəssamlığı sənətinin əsas təcrübələrinə yiyələniblər.

Patrik Pinon illüstrasiya, qrafika və tekstil dizaynı qovuşuğunda fəaliyyət göstərir. Əksər hallarda tipoqraf kimi fəaliyyət göstərən Patrik əsərlərinin kompozisiyasının əsası kimi yazılarda bir neçə dəfə təkrar olunan şrifti götürür, bununla da sanki rəssam tamaşaçıya özünün daxili həyəcanını və xəyallarını çatdırır. Əllə çəkilmiş hər bir plakatın boyakarlıq təsiri və unikallığı, ona baxan tamaşaçıya rəssamın emosiyalarını və ideallarını çatdırır.

Plakat rəssamı kimi fəaliyyət göstərən Antonio Qalleqo küçələrdə səyahət zamanı çəkdiyi foto-şəkillərdən ibarət kollajlar təşkil edir. Əksər hallarda onun əsərləri apolitik xarakter daşıyır və gizli sosial məna daşımır, lakin bu cəhət, şəhər mühiti faktoru ilə birgə fəaliyyət Antonioda böyük maraq oyadır və o, öz əsərlərini üzvi surətdə ona inteqrasiya etməyə cəhd edir, beləliklə də tamaşaçıda adət etdiyi yer barəsində yeni təəssürat yaradır. Şəhərin özünü isə rəssam görüş və ünsiyyət, sanki bir media mühiti kimi qəbul edir.

Sənətşünaslara görə, tamamilə bir-birinə əks üsluba malik olan rəssamlar təsiredici kollajlar yaradaraq bir-birini tamamlayırlar.

Əməkdaşlıq bu duetin əsas konsepsiyasını təşkil edir və o həm qalereyalarda birgə yaratdıqları əsərlərdə, həm də digər rəssamlarla küçələrdə yaradılan fərdi kollajlarda özünü göstərir. Belə bir effekt əsərlərə daha yüksək spontanlıq, canlı və təsəvvüredilməz təəssürat yaradır, bu isə bədii əsərlərə daha böyük unikallıq və mənalılıq verir.

İsmayıl

Ayna.- 2011.- 14 may.- S.19.