"Bəxt üzüyü"nün 20 yaşı tamam olur

 

Bu münasibətlə "Nizami" kinoteatrında tədbir keçiriləcək

 

Vaqif Səmədoğlunun eyniadlı pyesi əsasında çəkilmiş və xalq arasında populyar olan "Bəxt üzüyü" bədii filminin ekranlara çıxmasının 20 illiyinə həsr olunmuş bədii axşam keçiriləcək. Mədəniyyət və Turizm Nazirliyi mətbuat xidmətindən APA-ya verilən xəbərə görə, filmin 20 illiyinə həsr olunmuş tədbir "Nizami" Kino Mərkəzində təşkil olunacaq.

"Bəxt üzüyü" kinokomediyası Azərbaycanın müstəqillik dövründə çəkilmiş ilk filmlərdən biridir və bu günə kimi ən çox baxılan filmlər sırasındadır. Ssenari müəllifi Ramiz Əzizbəyli (Orxan Fikrətoğlunun iştirakı ilə), operatoru Amin Novruzov, rəssamı Rafiq Nəsirov, geyim rəssamı Nizami Bəydəmirov, bəstəkarı Eldar Mənsurovdur.

Rollarda Afaq Bəşirqızı, Valeh Kərimov, Gülşad Baxşıyeva, Ayşad Məmmədov, Firəngiz Rəhimbəyova, Nəsir Sadıxzadə, Rafael Dadaşov, Muxtar Maniyev, Cahangir Novruzov, Arif Quliyev, Nuriyyə Əhmədova və başqaları çıxış edirlər.

 

 

Ayna.- 2012.- 25 fevral.- S.20.