Zeynəb Xanlarova: "Gecəni fikirdən yata bilməmişəm"

"Şou əhlinə verilən qiymətdən Səməd Vurğuna da verilsin"

Xalq artisti, millət vəkili Zeynəb Xanlarova Səməd Vurğunun qızının yasından qayıdandan sonra bütün gecəni yata bilməyib. Çünki şairin ev muzeyində gördükləri onu dəhşətə gətirib: "Səhərə qədər narahat olmuşam. Bəlkə də yasa gedən sənətkarlar yalnız aşağıda - palatkada olublar. Amma mən Səməd Vurğunun ev muzeyinə də çıxdım".

Dünyanın hər yerini məhz Səməd Vurğunun "Azərbaycan" sözləri ilə gəzdiyini deyən Zeynəb Xanlarova dünya şöhrətli şairin evinin çox acınacaqlı vəziyyətdə olduğunu deyir:

"Evi mənə onun nəvəsi göstərdi. Mən Bakıya gələn qonaqları S.Vurğunun evinə aparmaq istəyərəm. Amma ev o gündədir ki, aparmaq olmaz. Dünən əməkdar artist olub, bu gün xalq artisti adı alanlar sənətdə Səməd Vurğun kimi yaşamayacaqlar. İstərdim ki, şou əhlinə verilən qiymət kimi ona da hörmət olunsun".

Ayna.-2009.-20 iyun.-S.4.