Daşkəsəndə Ağsaqqallar Şurasının konfransı keçirilib

Daşkəsən rayon ağsaqqallar şurasının ənənəvi konfransı keçirilib. Konfransda respublika qurultayına nümayəndələr seçilib. Milli.Az Kəpəz TV-yə istinadən xəbər verir ki, Daşkəsən rayonunda ağsaqqalların toplantısı ümummilli lider Heydər Əliyevin abidəsini ziyarətlə başlayıb. Təşkil olunan konfransda məruzə ilə çıxış edən rayon ağsaqqallar şurasının sədri Hüseyn Məmmədov ötən hesabatda keçən iki il ərzində görülən işlərdən danışıb. Rayonda yaşayan 141 ağsaqqaldan 3-ü əməkdar müəllimdir. Yaşlı nəslin nümayədələri 50-dən çox orden və medal qazanıblar. 18 nəfər İkinci dünya müharibəsinin iştirakçısıdır. Aqsaqqallardan 21 nəfəri özəl sahələrdə və fermer təsərrüfatlarında çalışmaqla, öz təcrübələrini gənclərə həvəslə öyrədirlər.

Respublikamızın digər şəhər və rayonlarında olduğu kimi, Daşkəsəndə də ağsaqqallar rayonun sosial-iqtisadi həyatında mühüm rol oynayırlar. Rayonda aparılan tikinti-quruculuq işlərində faəl iştirak edirlər. Rayon İcra Hakimiyyətinin başçısı Əhəd Abıyev ölkəmizdə, o cümlədən Daşkəsəndə ağsaqqallara daim diqqət və qayğı göstərildiyini bildirib. Milli-mənəvi dəyərlərimizin qorunub saxlanılmasında ağsaqqalların rolundan danışıb.

Tədbir qarşılıqlı diskussiya şəklində davam etdirilib. Ağsaqqallar “Yeni Daşkəsən” layihəsinin icrası ilə bağlı fikir mübadiləsi aparıb. Konfransda respublika ağsaqqallar qurultayına nümayəndələr seçilib.

Arastun

Azad Azərbaycan.- 2013.- 8 fevral.- S.3.