"Gözəl Çin" $h [Mətn] $b ADU-da Çin klassik müsiqisinə həsr olunmuş konsert keçirilib

Azərbaycan Dillər Universitetində (ADU) Konfutsi İnstitutunun qonaqları və pianoçu Xuan Veyveyin rəhbərliyi altında Çinin Quansi əyalətinin musiqi kollektivi bu ölkənin klassik musiqilərindən ibarət konsert proqramı təqdim edib.

ADU-dan AZƏRTAC-a bildirilib ki, konsertin “Gözəl Çin” adlanan birinci hissəsində xanım Xuanın ifasında “Dağların qızıl çiçəkləri”, “Gün batışı”, “Siçuan rəqsi”, “Sərhədsiz səma” kimi əsərlər səslənib.

Çindən gələn qonaq, gənc soprano müğənnisi Lu Düncu “Ma və La” və “Brilliant torpaq” mahnılarını ifa edib.

Konsertin “Böyük İpək Yolu” adlanan ikinci hissəsində isə ADU-nun nəzdində fəaliyyət göstərən Konfutsi İnstitutunun müəllim və tələbələrinin iştirakı ilə ənənəvi Çin fleytasında Azərbaycan və Çin xalq mahnıları səsləndirilib.

Konfutsi İnstitutunun direktoru Rafiq Abbasov qeyd edib ki, musiqi sənəti sahəsində Azərbaycan-Çin əlaqələrinin inkişafı ənənəvi Çin alətləri ilə bağlı kurslar keçirən institutun prioritetlərindən biridir.

Azad Azərbauycan.- 2018.-17 oktyabr.- S.-5