Azərbaycan naxışları

 

Səadət Qaraxan qızı Yaqubova! Bu ad, hələ ki, Azərbaycan oxucularına heç demir. Amma mən inanıram ki, zaman gələcək, bu ad Azərbaycanda layiqincə tanınancaq. Biz, onunla Avstriyada yenidən görüşdük. O, meşələri, gölləri, bulaqları ilə seçilən bir qəsəbədə, məşhur Dunay çayının sahillərində yaşayır təhsil alır. Səadət bu il qəsəbədəki orta məktəbin 4-cü sinfini əla qiymətlərlə bitirib, 5-ci sinifə keçib.

Alman dilində oxuyan balaca Səadət öz ana dilindən savayı (evdə - ailədə ancaq azərbaycanca danışırlar) türkcə, almanca, ingiliscə sərbəst danışır lazım olan səviyyədə ünsiyyət qurur.

Oxuduğu məktəbdə əlaçıdır, bir sıra şagird müsabiqələrinin qalibi kimi, alman dili müəllimlərinin sevimlisidir Səadət Qaraxanqızı.

Atası Qaraxan Əkbər oğlu Yaqubov adamı olmaqla yanaşı, həm aşıqlarımızın oxuduğu gözəl qoşmaların müəllifidir. Əczaçılıq elmləri doktoru olan Qaraxan Əkbəroğlu həm Avstriyada yaratdığı Baş redaktoru olduğuDünya Şair Yazıçılar İttifaqıtəşkilatının nəşr etdiyi jurnalın artıq 1-ci sayı yüksək nəfislə çapdan çıxıb. İnanıram ki, bu jurnal az bir vaxtda Avropada tanınacaq.

Qaraxan müəllimin əsli qədim Göyçə mahalındandı. Aşıq Ələsgərin həmyerlisidi sinəsi qoşmalarla, gəraylılarla doludur.

Səadətin anası Təranə xanım YaqubovaDünya Şair Yazıçılar İttifaqı”nın təşkilat katibi seçilmişdir bu işilə dünyanın tanınmış şair yazıçıları ilə yaxşı yadadıcılıq əlaqələri qurur.

Nənəsinin adı qoyulan Səadətin əl işlərində təzə-təzə tumurcuqlayan, pöhrələnən milli koloriti görüb təbrik etdim. Xahiş elədim ki, onlardan bir neçəsini versin, Bakıya dönəndə həmyaşıdlarına göstərim. Razı qaldı. Mən ona bir şeir həsr elədim. Çünki onu körpəlikdən tanıyırdım.

Hörmətli oxuculara Səadətin maraqlı əl işlərini, həmin şeiri orada çəkdirdiyimiz bir şəklimizi təqdim edirəm.

 

 

SƏADƏT

 

Gözəl gördüm Səadəti,

zarafatı, xasiyyərti,

danışıb-gülmək adəti,

ətirlidi çiçək kimi,

saçları da ipək kimi!

Mən görəndə uşaq idi,

onda da şux, qoçaq idi,

bir bir oyuncaq idi, -

yanında ayıya oxşar,

başında bant, əlində şar.

İndi o başqa bir qızdı,

rəssam qızdı, şair qızdı!

Bir az da memarımızdı, -

qurub-yaratmaq niyyəti,

Səadətin-səadəti !

 

Avstriya

20 iyul 2019

 

Nəriman HƏSƏNZADƏ,

Xalq şairi.

 

Azad Azərbaycan.- 2019.- 1 avqust.- S. 3.